Endank Soekamti
Endank Soekamti ya iku grup band saka Yogyakarta kang duwé telung anggota: Ari (drum), Dori (gitar, lan Erik (bas lan vokal).[1] Grup iki akèh nganggo idiom punk ing lagu-lagune, sanajan ora nyengkuyung ideologine dhéwé.[1] Lirik-lirike sakarepe dhéwé, malah ana kang kasar lan nyleneh, khas guyonan Yogyakarta.[1] Jeneng grup iki dijupuk saka jeneng wong wadon loro kang duwé tegesé dhéwé ing urip anggotane.[1] Tembung “Endank Soekamti” uga bisa dianggep plesetan saka idiom “énak sekali”.[1]
Grup iki dumadi ing sasi Januari 2001.[1] Wiwitane mung manggung saka panggung siji menyang panggung liyané ing sekitae Yogyakarta lan Sala, mligi ing acara-acara mahasiswa.[1] Tahun 2003 dhèwèké nggawe album kapisan, Kelas 1, lagu kang diandalake “Bau Mulut” ing ngisor label Indie, lan bisa payu 75 èwu kopi.[2] Album kaloro digawé 2004 ing ngisor jeneng Pejantan Tambun kang ngemu 16 lagu.[2] Album katelu digawé 2007 mawa jeneng “Sssttt...!!!” album kapisan kang diprodhuksi déning label “Proton Record” lan album kaloro lan katelu ing ngisor “Warner Musik Indonesia”.[2] Wong kang seneng karo grup iki diaran Kamtis.[2]
Band kang alirane melodic punk saka Yogyakarta iki, uga njajal ranah anyar saknjabane babagan musik. Trio kang anggotane Erik, Dori lan Ari iki njajal maen ing salah saeijining filem.[2]
Kanggo Erik, filem iki ora dadi proyek aji mumpung, nanging pratandha lakuné karir musike dhèwèké kabèh wis sepuluh taun.[2] Film kang judhulé sengaja isih dirahasiakake iki wis lumebu tahap panyuntingan lan rencanane bakal di puter ing biyoskup taun iki.[2] Film kang digarap mawa independen iki mengko bakal duluncurake barengan karo promo album kalimane.[2] Dhèwèké arep muter filem mau saben Endank Soekamti ngadakake konser.[2] Film iki nyaritakaké katelu anggota Endang Soekamti bakal dadi superhero.[2] Lucune superhero iki dijupuk saka carita pawayangan.[2] Saben anggota bakal maragakake Gatotkaca, Antareja lan Antasena.[2] Katelu super heo iku mudhun ing donya kang wis modern iki supaya bisa numpes prakawis kang ala.[2]