Emirates Pamaburan 521

Montor mabur sing tiba iki nalika ing taun 2009

Emirates Pamaburan 521 iku sawijining pamaburan internasional règulèr saka Trivandrum utawa Thiruvananthapuram, India, menyang Dubai, Uni Émirat Arab sing dilakoni déning Emirates mawa Boeing 777-300. Ing surya 3 Agustus 2016, montor mabur sing nggawa 282 panumpang lan 18 anggota kru iki tiba nalika lagi ndharat ing Bandara Internasional Dubai, nalika kurang luwih 12.45 wektu lokal. Kabèh wong sing gunggungé 300 sajeroning montor mabur bisa slamet. Nanging ana wong anggota blangwèr sing tiwas nalika nyirami geni kobong. Ana telulas wong tatu-tatu ringan lan sapuluh antarané digawa menyang griya sakit. Sing telu ora patiya parah. Kacilakan iki sing kapisan kanggo Emirates sing ngakibataké montor maburé rusak ora bisa dibenakaké manèh.