Eduard Douwes Dekker

Saka Wikipédia Jawa, bauwarna bébas abasa Jawa
Jump to navigation Jump to search
Eduard Douwes Dekker
Eduard Douwes Dekker - 001.jpg
Eduard Douwes Dekker
Lair (1820-03-02)Maret 2, 1820
Nèderlan Amsterdam, Belanda
Pati Fèbruari 19, 1887(1887-02-19) (umur 66)
Jerman Ingelheim am Rhein, Jerman
Pakarya juru tulis, dramawan
Bangsa  Belanda

Eduard Douwes Dekker (utawa Multatuli, jeneng pènané) ya iku pegawé Landa uga sastrawan.[1] Dhèwèké lair ana Amsterdam ing 2 Maret 1820 lan séda ana Nieder-Ingelheim, Jerman, ing 19 Fèbruari 1887.[2] Dekker makarya ana pamaréntah kolonial Landa ana Batavia (saiki Jakarta) ing 1839.[2]

Bapaké asma Engel Douwes Dekker, kaptèn pedagang laut.[2] Ibuneé asma Sietske Eeltjes Klein.[2]

Dhèwèké mbojo karo Everdine Hubertine van Wijnbergen ing 10 April 1846; banjur duwé anak, siji wadon, siji lanang.[2] Lebar Everdina séda ana Venesia ing 13 September 1874, dhèwèké mbojo karo Maria Frederika Cornelia Hamminck Schepel (Mimi utawa Mies) ing 1 April 1875.[2] Mimi ya iku guru, uga juru tulis kanthi jeneng Heloïze.[2]

Nganggo jeneng Multatuli, Dekker akèh nguncal kritik ngenani masarakat Landa ing abad sangalas.[2] Dhèwèké kondhang ana tingkat internasional minangka juru tulis, dhèwèké dadi wong Landa "kinurmatan" ing jaman kontroversialé.[2] Dhèwèké duwé prabawa gedhé kanggo wong kang aktip ana owahan buruh lan wadon kang nuntut émansipasi.[2]

Roman Max Havelaar terbit sepisanan ana Amsterdam ing 15 Mèi 1860.[3] Roman iku acorak satir pulitik, dianggit déning Eduard Douwes Dekker nganggo jeneng Multatuli.[3] Dhèwèké dadi kondhang amarga nudhuhaké kasunyatan urip masarakat Lebak kang kéré ana tengahing kolonialisme kang ngeruk untung saka nagari jajahan.[3] Ora suwé lebar terbit, Max Havelaar dadi bahan kanggo nyerang kebijakan pamaréntah kolonial Landa ana Hindia Belanda.[3] Éntuk inspirasi saka Max Havelaar, Robert Fruin nulis artikel ngenani kuwajibaning pamaréntah kolonial kanggo ngunggahaké taraf uripé warga jajahan.[3] Tulisané Fruin ngaruh-aruhi tokoh-tokoh Landa ana Hindia Belanda kang nggagas pulitik ètis kaya ta Van Deventer lan Pieter Brooshooft.[3]

Cathetan suku[besut | besut sumber]

  1. ^ "MULTATULI (EDUARD DOUWES DEKKER) (Western Colonialism)". what-when-how.com. Dijupuk 22 August 2016. 
  2. ^ a b c d e f g h i j Welcker, Johanna M. "DOUWES DEKKER, Eduard". BWSA. socialhistory.org. Dijupuk 22 August 2016. 
  3. ^ a b c d e f Triyana, Bonnie (4 April 2010). "Gugatan Eduard Douwes Dekker". historia.id. Dijupuk 23 August 2016. 

Pranala njaba[besut | besut sumber]