Doktor Gréja
Salebeting Gréja Katulik Roma, satunggiling Dhoktor Gréja punika satunggiling teolog ingkang ajaranipun sampun maringaken kauntungan kanggé sadaya Gréja Kristen lan ingkang ajaranipun sarta kagesanganipun ingkang salèh dipunproklamasikaken déning Paus utawi déning satunggiling konsili ekumenis. Bebungah punika arang sanget dipunparingaken, namung sasampunipun tilar donya lan sasampunipun kanonisasi. Dèrèng wonten konsili ekumenis ingkang migunakaken hak prerogatifipun salebeting mroklamasikaken satunggiling Dhoktor Gréja.
Awalipun, pratélan punika namung nyakup teolog Kilèn Ambrosius, Augustinus saking Hippo, Hieronimus, lan Paus Gregorius I, ingkang dipuntetepaken taun 1298. Dhoktor Wétan, Athanasius, Basil, Yohanes Krisostomus, lan Gregorius Nazianzus dipuntetepaken taun 1568 sesarengan kaliyan Thomas Aquinas. Tiga dhoktor pungkasan ingkang nembé dipunwara-warakaken sadaya wanita.
Karya saking para Dhoktor punika kathah variasi subyèk lan wangun. Sapérangan punika panyerat serat-serat lan prajanjian cekak (kados Gregorius lan Ambrosius). Sanèsipun nyerat teologi mistik (kados Katarina Siena, Yohanes Salib). Kathah dhoktor ingkang damel manéka seratan kanggé mbéla Gréja saking ajaran sesat (kados Augustinus, Bellarminus). Augustinus ugi nyerat otobiografi pisanan donya ('Pangakenan-pangakenan'). "Sajarah Gréja Tiyang Inggris" karya Bede maringaken informasi ingkang saé piyambak prakawis Inggris nalika awal Abad Pertengahan. Teolog sistematika kalebet filsuf "Skolastik" Anselmus, Albertus Magnus, lan Thomas Aquinas. Seratan-seratan saking Dhoktor awal maringaken pamahaman ingkang saé dhumateng kakristenan perdhana.
Gréja Katulik ndaftar 33 Dhoktor Gréja; tanggal promosi dados Dhoktor ugi kacathet, yèn sumadiya. Santo ingkang dipuntengeri kanthi tetenger lintang ugi dipunvenerasi déning Ortodoks Wétan, nanging Gréja Ortodoks Wétan piyambak boten migunakaken istilah Dhoktor Gréja.
- St. Gregorius Agung - 1298*
- St. Ambrosius (l.k. 340 - 4 April, 397) - 1298*
- St. Augustinus - 1298*
- St. Hieronimus - 1298*
- St. Yohanes Krisostomus - 1568*
- St. Basil - 1568*
- St. Gregorius Nazianzus - 1568*
- St. Athanasius - 1568*
- St. Thomas Aquinas (1225 - 7 Maret 1274) - 1568
- St. Bonaventura - 1588
- St. Anselmus (1033 utawi 1034 - 21 April, 1109) - 1720
- St. Isidorus (560 - 4 April, 636) - 1722*
- St. Petrus Krisologus - 1729*
- St. Leo Agung - 1754*
- St. Petrus Damianus - 1828
- St. Bernard - (1090 - 21 Agustus, 1153) 1830
- St. Hilarius Poitiers - 1851*
- St. Alphonsus Liguori - 1871
- St. Fransiskus de Sales - (1567 - 1622) 1877
- St. Kirilus Alexandria (376 - 444) - 1883*
- St. Kirilus Yerusalem (315 - 386) - 1883*
- St. Yohanes Damaskus - 1883*
- Venerabilis Bede - (672 - 735) 1899*
- St. Efraim - 1920*
- St. Petrus Kanisius - 1925
- St. Yohanes Salib - 1926
- St. Robertus Bellarminus - 1931
- St. Albertus Magnus - 1931
- St. Antonius Padua - 1946
- St. Laurentius Brindisi - 1959
- St. Teresa Avila - 1970
- St. Katarina Siena - 1970
- St. Thérèse saking Lisieux - 1997
* Ugi dipunormati déning Ortodoks Wétan.