Parembugan:Zona Éuro

Konten halaman tidak didukung dalam bahasa lain.
Saka Wikipédia Jawa, bauwarna mardika basa Jawa
(Kaelih saka Parembugan:Zona Euro)

Untitled[besut sumber]

Mbokmenawa tembung keuangan saka basa Indonésia dipertal dadi 'valuta' waé utawa uga bisa 'kadhuwitan'. Pancèn anèh uniné. Pilihan liya bisa 'kahartan'. Meursault2004ngobrol 23:43, 4 November 2010 (UTC)

Matur nuwun mas, pancèn kadhang ngéwuhaké yèn arep mertal menyang basa Jawa, utamané bab-bab sing magepokan karo istilah sing ora lumrah ing pacelathon basa Jawa. Pilihan istilah kanggo "keuangan" antara liya:
  • valuta = Piranti kanggo mbayar; ajiné dhuwit (sing ditanggung déning pasadhiyaan emas utawa pérak) (Kamus Yogya). Saka pangertèn iki kayané valuta luwih mligi tumrap "aji"né dhuwit, dadi mbokmanawa mung minangka salah siji pérangan saka "keuangan".
  • Kadhuwitan ->durung ketemu ing kamusku, nanging pangertèn iki luwih ombèr tinimbang valuta.
  • Kahartan -> ing kamus Yogya sing ana "kaartakan" (léma arta) sing maknané: wong sing kajibah nyimpen dhuwit. Iki luwih cedhak marang bendahara".
  • Kauwangan -> serapan langsung saka basa Indonesia keuangan. Léma "uwang" ana ing kamus Yogya sing tegesé ana loro yaiku balung sangisoré pipi; lan makna kaloro: dhuwit. Pras rembugan 22:18, 5 November 2010 (UTC)
Matur nuwun pak tanggapané. Pancèn mesthi angèl golèk tetembungan sing trep. Aku uga lagi waé ndeleng uwang ing bausastra. Tibaké pancèn ana, nanging namung minangka tembung dialèk. Aku ya dadi kèlingan bapakku swargi sing mesthi ngendika Aja sangga uwang :-) Nanging tembung kauwangan utawa kowangan kok ora patiya apik amerga saka tembung dialèk. Takkira keuangan minangka tembung serapan saka basa Indonésia/Lumayu malah luwih apik, yèn padha-padha nyilih. Dadi luwih becik sing disilih tembungé kabèh ora namung tembung dhasar waé. Utawa yèn kurang trep, bisa uga nyoba golèk tembung liya sing uga disilih saka basa ngamanca, kayata finansial lsj.
Aku uga dadi kèlingan laguné Didik Kempot Dalan mémori sing dipertal saka basa Indonésia Jalan Kenangan. Tembung 'kenangan' ora ana ing basa Jawa. Mulané dhèké njupuk tembung saka basa ngamanca pisan. Meursault2004ngobrol 09:43, 6 November 2010 (UTC)ta