Basa Jawa Banten

Saka Wikipédia Jawa, bauwarna bébas abasa Jawa
(Dilih saka Dhialek Banten)

Basa Jawa Banten utawa dhialèk Banten iku dhialèk basa Jawa sing utamané dipituturaké ing saloring propinsi Banten, turut pasisir. Miturut sejarahé wiwit dituturaké ing zaman Kasultanan Banten (abad 16). Ing zaman iku, basa Jawa sing dituturaké ing Banten ora ana bedhané karo basa Jawa ing Mataram. Nanging, samubaré iku basa Jawa ing Banten mulai katon bedané, apa manèh tlatah pinuturé diubengi karo tlatah basa Sundha lan basa Betawi. Cacahé panutur ana sakiwa-tengené 500.000 jiwa.

Basa iki dhadi basa utama ing Kasultanan Banten sing manggon Kedhaton Surosowan, lan uga dhadi basa dina-dinaning warga Banten utamané ing sisih lor lan tlatah kulon Kabupatèn Tangerang.

Dhialèk iki dianggep dhialèk kuna lan akèh persisé karo dhialek Cerbonan sanajan akèh prabawa basa Sundha lan Betawi.

Upami :

  • Aja bribin! (kawacan Aje) : Aja ngisruhi!
  • Sire arep mendhi? (sire iku kasar) : kowe arep nyang ndhi?
  • Mak lunga jeng Teh Toyah : Emak lunga karo Mbak Toyah

Cithakan:Basa laladan ing Indonésia

Sumber artikel punika saking kaca situs web: "https://jv.wikipedia.org/w/index.php?title=Basa_Jawa_Banten&oldid=1081453"