Detéktif Conan

Saka Wikipédia Jawa, bauwarna mardika basa Jawa
Jump to navigation Jump to search
Gosho Aoyama, pangripta / panyerat Serial manga Detektif Conan

Detektif Conan (名探偵コナン Meitantei Konan?) inggih punika satunggalipun sèri manga detektif ingkang dipunserat lan dipungambar déning Gōshō Aoyama.[1] Wiwit taun 1994 cariyos punika dipunpublikasikaken ing kalawarti Mingguan Shōnen Sunday ingkang wonten ing Jepang.[1] Serial punika nyariyosaken Shinichi Kudo, satunggalipun detektif sekolah menengah atas, ingkang badanipun dados alit amargi racun.[1] Detektif Conan sampun dipunpacak kanthi rutin ing kalawarti manga Mingguan Shōnen Sunday wiwit taun 1994 lan sampun dipunkempalaken wonten 70 volume tankōbon ngantos dumugi November 2010. Wonten ing versi basa Indonesia, Detektif Conan dipunterbitaken déning Elex Media Komputindo ingkang sampun nerbitaken ngantos volume 61 ngantos dumugi Mèi 2011.[1][2]

Cariyos punika lajeng dipunadaptasi dhateng sèri animasi TV ingkeng dipunwedalaken déning TMS Entertainment lan Yomiuri Telecasting Corporation Jepang, lan taksih dipuntayangaken ngatos dumugi sapunika.[2] Sasanesipun wonten ing sèri TV, cariyos bab detektif punika ugi dipunterbitaken awujud animasi video asli (OVA), drama TV, filem tuturan, game video, lan manéka warni wujud barang ingkang gayutipun kaliyan Detektif Conan.[2]

Viz Media damel lisensi kanggé sèri manga punika kanggé dipunpublikasikaken kanthi basa Inggris ing Amérika Ler, lan Funimation Entertainment damel lisensi sèri anime punika kanggé laladan Amérika Ler.[3] Kekalihipun boten mawi irah-irahan Detektif Conan, nanging dipun-gantos dados Case Closed lan karakter nami ing lebetipun dipun-gantos supados boten njarak aturan hak cipta.[3]

Cathetan suku[besut | besut sumber]

  1. a b c d - Elex Online Buku Detektif Conan dipunundhuh tanggal 14 Juli 2011)]
  2. a b c JADWAL RENCANA TERBIT (2011 / 05 / 11 & 18) dipunundhuh tanggal 14 Juli 2011)
  3. a b Funimation renames Conan dipunundhuh tanggal 14 Juli 2011)

Pranala njawi[besut | besut sumber]