Deddy Mahendra Desta

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Deddy Mahendra Desta
Deddy Mahendra Desta
Desta Mahendra
Latar wuri
Jeneng lair Deddy Mahendra Desta
Lair (1977-03-15) Maret 15, 1977 (umur 42)
Indonésia Sala, Indonésia
Pakaryan musisi, aktor, penyiar radio
Instrumen drum
Taun aktif 1998-sekarang
Hubungan

Deddy Mahendra Desta (lair ing Sala, 15 Maret 1977; umur 42 taun).[1] Deddy Mahendra Desta iku salah sijiné drummer ing band Clubeighties.[1]

Karier[besut | besut sumber]

Deddy sukses ing grup musik kang jenengé Clubeighties.[1] Grup musik iki wis nggawe album kang cacahé papat nganti wiwitan taun 2007.[1] Saliyané iku, Desta uga dikenal dadi pembawa acara lan aktor.[1] Desta dadi presenter ing acara H2C (Harap-Harap Cemas) bareng karo Arie Dagienkz, penyiar radio Prambors (Jakarta).[1] Desta banjur misuwur sawisé dadi presenter ing acara kang kontroversial ya iku MTV Bujang.[1] Desta iku lulusan IKJ jurusan Désain Grafis lan dadi partner Arie Dagienkz ing acara Putusss kang disiaraké saben ésuk ing Radio Prambors.[1] Désa bareng karo Arie Dagienkz tau main ing filem layar lebar Garasi nalika taun 2006.[1] Nalika iku, Desta dadi peran pembantu kang jenengé Revi.[1] Ing taun 2007 Desta main ing filem Get Married bareng karo Ringgo Agus Rahman lan Nirina Zubir.[1]

Pengalaman akting kang sepisanan Desta ya iku nalika Desta dadi aktor cabutan kanggo salah sijiné tugas kuliyah kancané.[2] Desta uga tau mèlu teater kaya ta ing teater kang judhulé Bawang Merah Bawang Putih.[2] Saliyané iku, Desta uga mèlu pagelaran teater kang dianakaké karo bocah-bocah KBRI ing Singapura.[2] Sawisé mundur saka Clubeighties, Desta mbentuk The Cash bareng karo kancané ing Clubeighties ya iku Vincent Ryan Rompies lan juru main filem lan pelawak Tora Sudiro nggawe single kang judhulé Diet nalika taun 2009.[2] Desta iku putuné Asmaraman S. Kho Ping Hoo, penulis carita silat kang asalé saka Jawa Tengah.[2]

Cathetan suku[besut | besut sumber]

  1. a b c d e f g h i j k hot.detik.com(dipunundhuh tanggal 29 Agustus 2011)
  2. a b c d e selebriti.kapanlagi.com(dipunudhuh tanggal 29 Agustus 2011)