Danureja IV (III)

Saka Wikipédia Jawa, bauwarna mardika basa Jawa
(Kaelih saka Danureja IV)

Radèn Adipati Danurejo IV ya iku patih Kasultanan Ngayogyakarta (1813-1847). Saka madegé Kasultanan Ngayogyakarta taun 1755 M nganti pungkasan anané jabatan patih ing taun 1945 M, Danureja IV siji-sijiné patih kang asalé dudu saka trah Yudhanegaran.[1] Sadurunge kapacak patih, dhèwèké dadi Bupati Japan (Majakerta) kanthi asma Sumadipura.

Amarga patih sadurungé kang aran Mas Tumenggung Sindunegara (1811-1813 M) ora diakoni kanthi resmi déning Inggris, mula ing sawenèh cathetan patih 1813-1847 M iki ditulis kanthi jeneng Danureja III lan urutan saterusé gèsèh nganti patih kang pungkasan.[2]

Danureja IV dadi patih saka 4 sultan, kalebu dadi wali kanggo Sultan Hamengkubuwana V kang isih timur nalika jumeneng lan uga menangi Perang Dipanegara. Keputusan-keputusané nalika dadi wali Sultan V iki kang njalari Pangéran Dipanegara ora kersa manèh nerusaké tugas dadi wali Sultan V lan pungkasané malah milih ngraman kanggo ngeneraké tatanan ing bumi Mataram kang dianggep wis rusak.

Danureja IV dikenal minangka wong ala. Nalika jumeneng patih nalika Perang Jawa, korupsi saya akeh ing Kraton Ngayogyakarta; dheweke kerep nyalahake kekuwatan kanggo seneng-seneng lan kanggo nepaki ambisi pribadi. Skandal suap lan seks asring dumadi ing kasus sing ditangani lan diputus ing pengadilan Kepatihan. Ing teks basa Jawa jaman semana, Danureja IV diarani "setan kulambi manungsa" kang "engecu sarwi lenggah."[3]

Rujukan[besut | besut sumber]

  1. 1948-, Carey, Peter (Peter B.R.),; M., Udiani, Christina; (Jakarta), Koninklijk Instituut voor Taal-, Land-, en Volkenkunde (KITLV) (2011). Kuasa ramalan Pangeran Diponegoro dan akhir tatanan lama di Jawa, 1785-1855 / Jilid 1. Jakarta: KITLV-Jakarta. ISBN 9789799103932. OCLC 781656725.{{cite book}}: CS1 maint: extra punctuation (link) CS1 maint: numeric names: authors list (link)
  2. "Pepatih Dalem Kesultanan Yogyakarta". Karaton Ngayogyakarta Hadiningrat. 2018-04-02. Diarsip saka sing asli ing 2018-04-07.
  3. Carey, Peter (2017). Karim, Mulyawan (èd.). Takdir: riwayat Pangeran Diponegoro 1785-1855. Dipertal déning Murtianto, Th. Bambang; Laksono, P.M. (édhisi ka-Revisi Baru). Jakarta: Kompas Media Nusantara. ISBN 978-623-241-182-1.
Jabatan pamaréntahan
Didhisiki déning:
Danureja III
Pepatih Dalem Kasultanan Yogyakarta
18131847
Diganti déning:
Danureja V