Damien Dematra

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Damien Dematra

Damien Demartra ya iku penulis, penulis skenario, sutradara, lan prodhuser kang lair tanggal 25 Fèbruari. Ora mung nyambut gawé ing donya nyerat lan prodhuser, dhèwèké uga fotografer internasional lan pelukis.[1] Karya-karyané kang wis diripta iku 62 novèl nganggo basa Inggris lan Indonésia, 57 skenario filem lan serial TV, uga mproduksi 28 filem.[1] Sawijining filem kang kang ngawé jenengé iku filem kang judhulé OBAMA ANAK MENTENG, kang nyaritakaké Présidhèn Amérika Sarékat kang tau manggon ing Indonésia.[1]

Ing donya fotografer, dhèwèké tau éntuk gelar paling dhuwur ya iku Fellowship babagan Potraiture lan Art Photography saka Master Photographer Association.[1] Bebungah internasional uga tau ditampa déning dhèwèké, kaya ta Master Photographer of the Year.[1]

Ing donya kagunan uga tanggung-tanggung, Damien tau ngaripta 365 karya lukis kang digarap ing wektu setaun.[1] Novèl kang tau diserat déning dhèwèké iku kaya ta Yogyakarta, Obama dari Asisi, Si Anak Panah, Ketika Aku Menyentuh Awan, Obama, Anak Menteng, Si Anak Kampoeng (novèl kang digawé babagan kisah nyata Buya Syafii Maarif).[1]

Karya liyané iku Sejuta Doa untuk Gus Dur, Sejuta Hati untuk Gus Dur, Ternyata Aku Sudah Islam (novèl kang inspirasiné saka kisah nyata grup musik Debu), Demi Allah, Aku Jadi Teroris, Tuhan, Jangan Pisahkan Kami, Soulmate-Belahan Jiwa, Angels of Death-Kumpulan Kisah Malaékat Maut, If Only I Could Hear-Kisah Suara Hati.[1]

Damien uga nulis rong novèl liyané kang nganggo basa liya, ya iku Jogèd Maut (Katyana) lan Ku Tak Dapat Jalan Sendiri (Mark Andrew).[1]

Novelé kang dijadwalaké bakal diterbitaké déning Gramedia ya iku Kartosoewirjo: Pahlawan atau Teroris? (novèl sajarah), Demi Allah, Anakku Jadi Teroris (bakal difilemaké) lan Mama, Aku Harus Pergi.[1]

Damien nyiptakaké rekor donya lukis paling rikat, kang dilakoni ing ngarepé Jaya Suprana, pimpinan Musium Rekor Indonésia (MURI) lan didelengi puluwan médhia massa nasional lan international.[1]

Damien Dematra iku sing nggagas lan dadi koordinator nasional Gerakan Peduli Pluralisme lang dicetusaké nalika Fèbruari 2010 kanggo menehaké apresiasi marang perjuangan pluralisme Buya Ahmad Syafii Maarif lan Gus Dur, para guru bangsa.[1] Ora mung iku, dhèwèké uga dadi ketua Gerakan Nasional Menulis (GNM).[1]

Sasi September 2011, dhèwèké éntuk papat bebungah sakaligus. Ing ajang Los Angeles Movie Awards, jebulé filem kang judhulé SI ANAK KAMPOENG wis ndisiki éntuk panghargaan ing ajang American International Film Festival (AIFF) ing Amérika Sarékat.[2] Ora nangung-nangung, ana enem bebungah kang langsung ditarima déning dhèwèké.[2] Bebungah kang ditarima déning dhèwèké ya iku kategori Film Carita Paling Apik, kategori Sutradara Film Paling Apik, kategori Film Asing Paling Apik, kategori Sutradara Film Asing Paling Apik, Film Paling Apik Kanggo Kategori Film 35 mm lan kategori Sutradara Paling Apik Kanggo Kategori Film 35 mm.[2]

Film SI ANAK KAMPOENG Nyaritakaké bab jaman ciliké Buya Syafii Maarif karo setting taun 1930 nganti 1950.[2] Film iki diputer awit sasi April ing biyoskup-biyoskup Indonésia.[2]

Cathetan suku[besut | besut sumber]

  1. a b c d e f g h i j k l m biografi Damien Dematra dipununduh tanggal 24 September 2011
  2. a b c d e berita Damien Dematra dipununduh tanggal 24 September 2011