Dalan Petaling

Dalan Petaling, sawijining kampung pacinan ing Kuala Lumpur, Malaysia.

Dalan Petaling (Basa Malayu: Jalan Petaling, Cina Prasajan: 茨厂街, Cina Padatan: 茨廠街, pinyin: Cíchǎng Jiē, Cantonese jyutping: ci⁴ cong² gaai¹, Tamil: பெட்டாலிங் தெரு , Peṭṭāliṅ teru) , utawa kondhang minangka Petaling Street yaiku kampung pacinan ing Kuala Lumpur, Malaysia. Wis pirang-pirang taun suwéné, Dalan Petaling dadi papan dagang, bisnis, lan palestarèning tradhisi masarakat Tiyonghwa ing Malasysia. Ing kéné lumrah ditemoni toko-toko kang bakulan sandhangan, olèh-olèh, jamu tamba tradhisional lan panganan khas Cina. Kajaba iku, ing papan iki uga ana bakul-bakul bangsa Malayu, India, lan Bangla.

Sajarah

Kampung pacinan mulabukané mapan ana ing Market Square, Jalan Tun H.S. Lee (utawa High Street). Palemahan ing High Street iku panggoné luwih dhuwur tinimbang daérah liyané, mula risiko katrajang banjir luwih sethithik. Banjur wong-wong sugih ing jama semono padha mbangun omah lan tokoné ing daérah iki.

Kuala Lumpur ing abad ka-20 iku minangka kutha rintisan. Sapérangan gedhé masarakaté iku wong lanang kang wiwit ngrintis panguripané. Wong-wong lanang iku mau asalé saka Kanton lan Hakka padha mara menyang Kuala Lumpur kanggo dagang lan mèlu kerja ing tambang timah. Kumpulan wong Cina iku mau dipimpin déning kapitan, yaiku jabatan minangka pangarsané paguyubané wong-wong bangsa Tiyonghwa. Kapitan Tiyonghwa kang paling kondhang yaiku Yap Ah Loy, kang asalé saka suku Hakka.

Gladri

• 
  Gapura kang kondhang ing Dalan Petaling.
• 
  Hotel Lok Ann, mapan ing sebrangé gapura mlebbu.
• 
  Toko-toko kang jèjèran ing Dalan Petaling.
• 
  Gapura mlebu Dalan Petaling saka Dalan Hang Lekir.
• 
  Dalan Petaling ing wayah wengi.
• 
  Dalan Petaling ing wayah awan.
• 
  Bakul-bakul ing Dalan Petaling nalika wengi.
• 
  Pacinan Kuala Lumpur ing taun 1989.