Daeng Harris

Saka Wikipédia Jawa, bauwarna mardika basa Jawa

Daeng Harris (lair ing Makassar, 10 Agustus 1911 - surud ing Jakarta, 12 Desember 1990) ya iku paraga lan sutradhara filem Indonésia.[1] Tekan taun 1951, dhèwèké wis ngrampungaké 21 filem lan kasil misuwuraké jenengé ing jagad kumidhi ing Kuala Lumpur.[1] Nalika mangsa jawané filem Malaysia, dhèwèké minangka paraga baku paling kondhang kapindho sawusé P. Ramlee.[1] Film-filem sing dibintangi kaya ta Ibu Bidjaksana (1939), Seruan Merdeka (1946), One Night in Singapore (1947), Pisau Beratjun (1948), Dewi Moerni(1949), Takdir Ilahi(1949), Manusia Iblis (1950), Aloha (1950), Pulau Mutiara(1950), lan Radja Sehari (1951).[1] Taun 1954, dhèwèké bali menyang Jakarta lan main ana ing filem Hang Tuah sing prodhuseré gabungan prodhuser Indonesia lan Malaysia. Saliyané minangka paraga filem, dhèwèké uga tau minangka sutradhara kanggo filem Setan Kuburan (1975).[1]

Cathetan sikil[besut | besut sumber]

  1. a b c d e Suharto 1999, kc. 132.

Bibliografi[besut | besut sumber]

  • Suharto, èd. (1999). Apa Siapa Orang Film Indonesia. Jakarta: Percetakan Jaya Abadi.