D. Zawawi Imron

Saka Wikipédia Jawa, bauwarna mardika basa Jawa
D. Zawawi Imron
PakaryanBudayawan Madura, Penyair
Taun aktif1982
BebungahThe S.E.A Write Award 2011

D. Zawawi Imron lair ing désa Batang-batang, Kabupatèn Sumenep, Piyambakipun wiwit misuwur ing pakempalan sastra Indoésia wiwit wontenipun Temu Penyair 10 Kutha wonten ing Taman Ismail Marzuki, Jakarta nalika taun 1982. Sasampunipun rampung Sekolah Rakyat, piyambakipun lajeng nerasaken sekolah malih ing Podok Pesantrèn Lambicabbi, Gapura, Sumenep. Saking kempalan sajakipun ingkang kanthi irah-irahan Bulan Tertusuk Ilalang ingkang saged nuwuhaken inspirasi kanggé damel filem layar pérak Bulan Tertusuk Ilalang. Kempalan sajakipun ingkang kanthi irah-irahan Nenek Moyangku Airmata ingkang kepilih dados buku puisi ingkang saé piyambak lan pikntuk bebungah Yayasan Buku Utama ing taun 1985.[1] Nalika taun 1990, kempalan sajakipun Celurit Emas saha Nenek Moyangku Airmata ingkang kepilih dados buku puisi ing Pusat Pembinaan saha Pengembangan Basa. Lajeng dados juwara kaping pisan wonten ing sayembara nyerat puisi AN-teve nalika pèngetan dinten ambal warsa kamardikan RI kaping 50 ing taun 1995. Sapérangan sajakipun sampun dipunterjemahkan wonten ing Basa Inggris, Walanda, saha Bulgaria.[2] Ing wekdal sapunika, piyambakiun dados aggota Dewan Pengasuh Pesantren Ilmu Giri (Yogyakarta), ITS, Surakarta, UNHAS Makasar, IKIP Malang, saha Balai Sidang Senayan Jakarta. Lajeng ugi dados juwara kaping pisan nyerat puisi ing AN-teve. Pamedhar sabda wonten ing Seminar Majelis Basa Brunei Indonésia Malaysia (MABBIM) saha Majeli Asia Tenggara (MASTERA) [[Brunei Darussalam) ing sasi Maret 2012. Kajawi aking punika, piyambakipun ugi misuwur minangka Budayawan Madura. Wonten ing taun 2012, piyambakipun pikantuk penghargaan "The S.E.A Write Award" di Bangkok Thailand, The S.E.A Write Award" ing Bangkok Thailand, The S.E.A Write Award inggih punika penghargaan ingkang dipuncaosaken déning kulawarga kraton Thailand kanggé para penggurit ing kawasan ASEAN.[3] Kajawi punika, ing taun 2012, ing sasi Juli, piyambakipun ugi ngluncuraken buku puisinipun kanthi irah –irahan “Mata Badik Mata Puisi” ing Makassar, déné kempalan puisinipun mawi wos babagan Bugis saha Makassar.[4] Ngantos sapunika, D. Zawawi Imron taksih mapan wonten ing dalemipun ing Batang-batang, Madura, dalemipun miyos ingkang asli saha dados sumbering inspirasi kanggé puisi-puisinipun.

Karya-karyanipun[besut | besut sumber]

  • Semerbak Mayang (1977)
  • Madura Akulah Lautmu (1978)
  • Celurit Emas (1980)
  • Bulan Tertusuk Ilalang (1982; yang mengilhami filem Garin Nugroho berjudul sama)
  • Raden Sagoro (1984)
  • Nenek Moyangku Airmata (1985; mendapat bebungah Yayasan Buku Utama Departemen P & K, 1985)
  • Bantalku Ombak Selimutku Angin (1996)
  • Lautmu Tak Habis Gelombang (1996)
  • Madura Akulah Darahmu (1999)
  • Lautmu Tak Habis Gelombang (2000)
  • Sate Rohani dari Madura: Kisah-kisah Religius Orang Jelata (2001)
  • Soto Sufi dari Madura: Perspektif Spiritualitas Masarakat Désa (2002)
  • Jalan Hati Jalan Samodra (2010)
  • Mata Badik Mata Puisi (2012)

Cathetan suku[besut | besut sumber]

  1. ↑ [1] Archived 2012-08-07 at the Wayback Machine. Oleh-olèh Dari Pidato Kebudayaan D. Zawawi Imron di PBNU (dipunundhuh tanggal 20 Januari 2013)
  2. ↑ [2] D. Zawawi Imron (dipunundhuh tanggal 20 Januari 2013)
  3. ↑ [3] Archived 2012-02-29 at the Wayback Machine. D. Zawawi Imron, Wakil Indonesia Penerima “The S.E.A Write Award” (dipunudhuh tanggal 20 Januari 2013)
  4. ↑ [4][pranala mati permanèn] (dipunundhuh tanggal 20 Januari 2013)


Dijupuk saka "https://jv.wikipedia.org/w/index.php?title=D._Zawawi_Imron&oldid=1663217"