Christiana Young

Saka Wikipédia Jawa, bauwarna mardika basa Jawa

Christiana Young yaiku wong wadon Indonésia sing dadi aktivis pemberdayaan difabel. Christiana Young gawé sekolah kanggo difabel. Christiana Young ngrawat anak-anak sing duwé kabutuhan kang mligi. Dhéwékè mbukak sekolah kanggo anak-anak difabel, mbukak lapangan kerja kanggo warga kang duwé kabutuhan kang mligi, lan nggelar kagiyatan ing dhaérah-dhaérah ing Indonésia. Salah siji Sekolah Khusus Anak Mandiri ing Dalan Raya Cilegon, Kalurahan Lontarbaru, Kacamatan Sérang, Kutha Sérang, Banten. Sekolah wis ana saka taun 2008. Wonten ing bangunan papat tingkat kang duwé amba kurang lewih 1.100 mèter persegi iku murid sinau saka pukul 07.45 nganti pukul 12.00. Christiana Young nyeluk bocah-bocah kang duwé kabutuhan kang mligi.[1]

Kulawarga[besut | besut sumber]

Cristiana Young, lair ing Bandung, 12 Oktober taun 1969 yaiku wong wadon kang duwé bojo kang jenengè Hérryanto. Cristiana Young duwé anak 2 yaiku kang nomor siji jenengé Gladys Violètta (16) lan kang nomor loro jenengé Clive Vèrrell (13). Pendhidhikan kang wis tau dilakoni yaiku SD Kristen Penabur Bandung (1982), SMP Waringin Bandung (1985), SMA Trinitas Bandung (1988) lan S-1 Tèknik Kimia Fakultas Tèknologi Industri Institut Tèknologi Nasional Bandung (1993).

Kauripan[besut | besut sumber]

Anakè kang umurè 2 taun lan aktif ujug-ujug dadi bocah menengan sakwisè tiba. Mburi sirah bocah mau bénjol lan bocah iku muntah. Tekan sewulan sakwisé kedadéan mau, bocah mau ora gelem ngomong.Teka sipat stèrèotip, Kontak mata kurang, kepinteran ngomong kurang, lan hiperaktif. Saka asil priksa marang dokter anak Christiana Young dadi anak kang duwé kebutuhan kang mligi.

Christiana kang kerja dadi manajer perencanaan produksi ing salah sawijining perusahaan gedhé ing Cilegon, Banten. Christiana nyontohaké angelé golèk sekolah kanggo bocah-bocah kang duwé kebutuhan kang mligi. Sekolah Luar Biasa uga durung tamtu bisa ngakomodasi bocah-bocah iku. Salajengé, sakwisé sekolah, para murid durung ngerti arep dadi apa ucapé Christiana. Sekolah kang dibangun uga ngrawat bocah-bocah saka kulawarga kang ora mampu. Yayasan Anak Mandiri uga nrima klien terapi 25 wong. Yayasan iku ngwèi béasiswa marang 40 persèn saka jumlah murid lan 25 persèn saka jumlah klien terapi. Saliyané tèks, Christiana njaluk kulawarga klien ngirimna vidio kanggo mangertèni perkembangan anak iku. Sakwisè dibuka, Sekolah Khusus Anak Mandiri wis nangani kurang luwih 900 murid lan klien terapi. Kabèh murid kudu bali supaya wongtuwa bisa njalanna peran. Subsidi silang diterapaké saking kulawarga bocah kang mapan kanggo mbiyayani murid ora mampu. Saiki, lima bocah ndaftar nunggu, merga terbatasè panggon. Jumlah guru kang mung pitu wong saiki jumlah guru wis 35 wong. Jumlah kelas saka pitu ruang kelas dadi 17 ruang.

Bisnis[besut | besut sumber]

Mbukak Café

Christiana mbukak Bubble Café & Galléry supaya ana kesempatan kanggo warga kebutuhan khusus nyambut gawé lan berèksprèsi. Ana ing café iku, ana 14 wong autisme, tunagrahita, tunarungu, cerebral palsy, lan duwéni pandelengan kurang kang nyambut gawé. Ora mung ajang kanggo nyantap, panggonan iku dadi café pasinaonan karo panggonan basa isyarat tunarungu. Basa isyarat kanggo ngungkapaké rasa kesuwun, seneng ketemu karo panjenengan, halo, tulung, banyu, lan jus katulis ana ing lembar-lembar kertas ing saben méja. Kafé iku uga dadi galéri kanggo majang kurang luwih 40 lukisan karya bocah-bocah difabel. Pamiarsa kang minat bisa tuku lukisan kasebut. Café iku ana rong tingkat kang amot kurang lewih 130 pengunjung.[2]

Christiana taksih aktif mudhun menyang kabupatèn lan kota kang ana ing Indonésia. Christiana, mbukak pendidikan gratis kanggo bocah-bocah difabel saking kulawarga kang èkonomi lemah lan mapan ing pemukiman padet ing Désa Cikade, Kecamatan Cikade, lan Désa Gunungsari, Kecamatan Taktakan, ing Kabupatèn Sérang. Cristiana nyediakna layanan awit taun 2014.

Sekolah gratis kang disediakaké karo manfaataké bangunan kang ora dianggo ing Dèsa Cikade kang saiki digunakaké 12 murid. Lan murid 7 liyané saking Dèsa Gunungsari mangkat menyang Sekolah Khusus Anak Mandiri saben dina karo nyarter angkot kang biyayané ditanggung Christiana. Christiana ngajak para generasi enom supaya peduli marang bocah difabel. Kurang lewih 70 mahasiswa dijak plesir menyang kabupatén-kabupatén lan kota ing Banten. Saben minggu para mahasiswa iku kang dibagi 10 tim didampingi guru-guru Sekolah Khusus Anak Mandiri kanggo nglakokaké terapi. Christiana ngajak sapa waé kang arep mèlu. Umpama tertarik, bisa ngubungi Yayasan Anak Mandiri. Dhèwèké uga nyalurakè bantuan, wonten ing taun 2017, 500 paket alat terapi diwènèhaké kanggo bocah difabel. Christiana durung mandeg kanggo mujudakè mimpi-mimpiné sing liya. Dhèwèké pèngin warga difabel disaluraké ing perusahaan-perusahaan kang disarani Yayasan Anak Mandiri kang bisa nyambut gawé kanthi apik.

Rujukan[besut | besut sumber]

  1. Radius, Dwi Bayu (2018-05-22). "Christiana Young, Demi Anak-Anak Berkebutuhan Khusus". Kompas.
  2. Rifa'í, Bahtiar (2017-11-17). "Kafe Ini Semua Pekerjanya dari Anak Berkebutuhan Khusus". DetikNews.