Chris John

Saka Wikipédia Jawa, bauwarna mardika basa Jawa
Kanggé Chris John minangka pulitikus Amérikah Sarékat, pirsani: Christopher Charles John.
Chris John

Data pribadi
Asma asli Yohannes Christian John
Asma julukan The Dragon, The
Indonesian Thin Man
Kelas Kelas bulu
Gelar Jawara donya WBA
Dhuwur 171 cm
Nagari {{{negara}}}
Tanggal miyos (1979-09-14) Sèptèmber 14, 1979 (umur 44)
Papan miyos Jakarta, Indonésia
Gaya Orthodox
Pelatih Craig Christian
Sasana Harrys Gym, Perth, Australia
Rekor tandhing
Debut 6 April 1998
Total pertandhingan 44
Menang 42
Menang KO/TKO 22
Kalah 0
Seri 2
No contests 0

Yohannes Christian John, utawi langkung dipuntepangi minangka Chris John (lair ing Jakarta, 14 Sèptèmber 1979; umur 44 taun) punika satunggiling petinju Indonésia. Panjenenganipun kacathet minangka petinju Indonésia angka tiga ingkang kasil pikantuk gelar jawra donya, sasampunipun Ellyas Pical lan Nico Thomas.

Masa alit[besut | besut sumber]

Chris John wujud putra angka kalih saking sekawan sadulur saking pasangan Johan Tjahjadi (alias Tjia Foek Sem) lan Maria Warsini. Panjenengan lan kulawarganipun nuli ijrah saking Jakarta dhumateng Banjarnegara, Jawa Tengah. Bapanipun Chris John, Johan Tjahjadi ingkang mantan petinju amatir, nglatih Chris John lan rayinipun Adrian wiwit kekalihipun taksih alit, watara yuswa 5 taun. Sasampunipun tandhing salebeting sapérangan kajawaran amatir ing Banjarnegara, Chris John nuli dipunrekrut déning pelatih tinju misuwur, Sutan Rambing, ing Semarang.

Awal karir[besut | besut sumber]

Chris John terjun dhumateng donya tinju profesional nalika taun 1998 salebetipun debut nglawan Firman Kanda. Nalika samanten Chris John menang angka salebetipun tetandhingan 6 ronde. Naminipun nuli minggah kados meteor nalika panjenenganipun kasil nganvasaken petinju idola ing wekdal punku, Muhammad Alfaridzi, salebetipun tetandhingan ingkang laminipun 12 ronde. Chris John kénging knockdown kaping kalih ing ronde pisanan, nanging panjenenganipun kasil mbalik kawontenan kanthi mukul KO Alfaridzi ing ronde kaping 12, sekalian ngrebat gelar jawara nasional kelas bulu. Miturut pangakenan Chris John, kondisinipun awon sanget ing wekdal puniku, lan panjenenganipun ngalami panggetihan ing irung amargi balung irungipun tugel.

Sasampunipun makaping kaping tandhing salebetipun parebutan gelar nasional, Chris John kasil nundhukaken rèncang sanagarinipun Soleh Sundava ing taun 2001 kanggé ngrebut gelar PABA kelas bulu.

Réferènsi[besut | besut sumber]

Pranala njawi[besut | besut sumber]