Chandrayaan-1

Saka Wikipédia Jawa, bauwarna mardika basa Jawa

Chandrayaan-1 (Sangsekerta: चंद्रयान-1)[1] iku sawijining misi panjelajahan menyang bulan tanpa awak kang diayahi déning Organisasi Panelitèn Ruang Angkasa India (ISRO), lembaga ruang akasa nasional India. Misi iki nyakup sawijining pangorbit bulan lan impactor (pendharat?). Wahana jaban akasa iki diluncuraké déning vèrsi modhifikasi saka Wahana Peluncur Satelit Kutub ing tanggal 22 Oktober 2008 saka Satish Dhawan Space Centre, Sriharikota, Andhra Pradesh. 'Chandrayaan' (sajeroning manéka basa India) kira-kira ateges 'Lelaku menyang Bulan'.

Babagan studi[besut | besut sumber]

  • Mineralogis resolusi dhuwur lan pencitraan kimiawi marang wewengkon-wewengkon kutub lor lan kidul kang salawasé dumunung ana ing sangisoré ayang-ayang.
  • Panggolékan banyu lan ès ing lumahing utawa sangisoré lumahing Bulan, mligi ing kutub-kutub bulan.
  • Idhèntifikasi pérangan-pérangan puncak kimiawi saka watu-watu karang ing puncak-puncak bulan.
  • Stratigrafi kimiawi kerak bulan liwat remote sensing marang puncak-puncak (upland) sentral saka kawah-kawah bulan kang gedhé, Wewengkon Aitken Kutup Kidul (SPAR) lll. Diangkah pérangan-pérangan jeroné bakal diéntukaké.
  • Métakaké variasi pérangan lumahing bulan sepanjang jalur satelit.
  • Observasi marang spèktrum sinar X kang luwih gedhé saka 10 keV lan liputan stereografis saka sapérangan gedhé lumahing Bulan kanthi résolusi 5m
  • Nemokaké pangertèn-pangertèn anyar bab asal-usul lan évolusi bulan.

Chandrayaan-1 ngrampungaké patang orbit saubengé Bumi, ing tanggal 23 Oktober: "Anané wahana jaban akasa iki normal lan (pesawat iki) lumaku kanthi apik. Ubengé sajeroning orbit elips sapisan saben 6 jam 30 menit. Wahana wis ngrampungaké 4 orbit lan lagi nglakoni orbit angka 5."[2]

Uga delengen[besut | besut sumber]

Rujukan[besut | besut sumber]

Pranala njaba[besut | besut sumber]

Chandrayaan
Isi amotan