Carl Ludwig Blume

Karl Ludwig Ritter von Blume (Braunschweig, Jerman, 29 Juni 1789 - 3 Fèbruari 1862) iku botaniwan Jerman-Walanda. Kadhangkala jenengé ditulis nganggo versi Walanda Karel Lodewijk Blume. Tembung "Ritter" iku gelar bangsawan kang bisa dipadhakaké karo "Knight" sajeroning budaya Anglo-Sakson.

Sanadyan duwé kabangsan Jerman, mèh kabèh karier ngèlmiahé digarap ing nagara Walanda lan Hindhia Walanda (saiki Indonésia). Puncak kariré ya iku nalika dadi direktur Rijksherbarium (herbarium karajan) ing Leiden.

Sumbangan paling wigati ya iku kajian kang diayahi tim-é tumrap flora Asia Kidul-wétan, mligi ing Jawa. Dhèwèké iku wakil (deputi) direktur Kebun Botani Bogor wiwit taun 1823 nganti 1826. Blume dhéwé tugas ing Bogor wiwit taun 1818 nganti 1827.

Samulihé saka Hindhia-Walanda dhèwèké dianugerahi gelar bangsawan "ritter" ("ksatria") saka Karajan Walanda.

Jenengé diabadèkaké dadi jeneng siji jurnal botani "Blumea".

Kodhe "Blume" (tanpa titik ing mburi!) ing mburi jeneng ilmiah iku kodhe otorisasi kanggo botaniwan iki.

Publikasi wigati

Carl Ludwig Blume:Bijdragen tot de flora van Nederlandsch Indië …1825-827Botanicus^{[pranala mati permanèn]}
Carl Ludwig Blume: Enumeratio plantarum Javae et insularum adjacentium. 1827-1828.
Carl Ludwig Blume, J. B. Fischer: Flora Javae nec non insularum adjacentium …. 1828-185.
Carl Ludwig Blume: Rumphia, sive commentationes botanicae imprimis de plantis Indiae orientalis … 1836-1849 (4 volumes with 170 illustrations)
Carl Ludwig Blume: 'Musem botanicum lugduno-batavum ….1849-1857.Botanicus

Pranala njaba

Biografi rinci
Karl Ludwig Blume Karya Karl Ludwig Blume di babagan peranggrekan.