Cacah jiwa

Saka Wikipédia Jawa, bauwarna bébas abasa Jawa
Sebaran cacah jiwa manungsa sadonya kala taun 1994

Cacah jiwa utawa populasi ya iku cacahing sakèhing organisme nunggal jinis utawa spésies sing dumunung ana ing laladan bumi tinamtu lan bisa kawin-kinawin.[1][2]

Sajeroning ékologi, cacah jiwa spésies tinamtu sing dumumung ana ing sawenèh laladan diétung sarana indhèks Lincoln. Laladan sing dipilih kanggo ngétung cacah jiwa lanang-wadoné dititèni minangka laladan kanthi kamungkinan kawin-kinawin antara pasangan-pasangan nunggal laladan. Kamungkinan kawin-kinawin antara iku luwih gedhé tinimbang kamungkinan kawin-kinawin nyabrang, karo sing dunung ana ing laladan liya. Normalé, kawin-kinawin luwih lumrah kalakon nunggal laladan tinimbang nyabrang laladan.[3]

Sajeroning sosiologi, cacah jiwa ateges sakumpulan manungsa. Dhémograpi ya iku widya sosial sing kudu nitèni cacah jiwa manungsa sarana paétungan.

Rujukan[besut | besut sumber]

  1. ^ "Population". Biology Online. Dijupuk 5 December 2012. 
  2. ^ "Definition of population (biology)". Oxford Dictionaries. Oxford University Press. Dijupuk 5 December 2012. a community of animals, plants, or humans among whose members interbreeding occurs 
  3. ^ Hartl, Daniel (2007). Principles of Population Genetics. Sinauer Associates. k. 45. ISBN 978-0-87893-308-2. 
Sumber artikel punika saking kaca situs web: "https://jv.wikipedia.org/w/index.php?title=Cacah_jiwa&oldid=1072568"