Buta-buta (tetuwuhan)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kembang saka wit Buta-buta

Buta-buta (Excoecaria agallocha utawa Excoecaria affinis) ya iku wit taunan saka kulawarga Euphorbiaceae. Wit iki dhuwuré 16 mèter lan dhiamèter galihé 40 cm. Galihé bèngkok lan mbonggol werna klawu. Godhongé ijo kasar sing selang seling lan lunyu. Kembangé werna kuning keijonan. Wijiné werna ijo lan malih dadi soklat tuwa menawa wis mateng.[1]

Biologi lan Ékologi[besut | besut sumber]

Wit Buta-buta ana ing alas bakau

Kembang saka wit Buta-buta mekrok saben taun. Tanduran iki tuwuh nganggo wiji. Buta-buta tuwuh ana ing pesisir segara kang lemahé masir. Bisa uga tuwuh ana ing alas bakau. Wit iki kasebar  ing bawana Asia kidul wetan nganti Australia.

Piguna[besut | besut sumber]

Wiji Buta-buta

Wit Buta-buta kayuné éntheng nanging kuat. Ing sajroning woh iki ngandhut tlutuh putih sing mbebayani. Tlutuh iki menawa kena mata bisa gawé wuta. Mulané diwènèhi jeneng Buta-buta. Nanging tlutuh iki bisa kanggo piranti gawé dupa.

Referènsi[besut | besut sumber]

  1. Partomihardjo, Tukirin dkk (2014). Jenis-Jenis Pohon Penting di Hutan Nusakambangan. Jakarta: LIPI Pers. k. 111. ISBN 978-979-799-804-2.