Blabag kapur

Saka Wikipédia Jawa, bauwarna bébas abasa Jawa
(Dilih saka Blabag)
blabag

Blabag kapur ya iku blabag kang digawé saka kayu lan bisa ditulisi sarana kapur tulis.[1] Blabag ing jaman biyèn digawé saka lembaran tipis watu tulis kang wernané ireng utawa klawu.[1]

Blabag tulis saiki digawé saka lembaran blabag kang dicèt.[1] Blabag tulis biyasané wernané ireng utawa ijo.[1] Blabag tulis jaman saiki uga ana kang digawé saka blabag putih lan carané nulis nggunakaké spidhol.[1]

Blabag biyasané digunakaké ing sekolah-sekolah lan institusi pandhidhikan utawa palatihan.[1] Tulisan utawa gambar kang digawé nganggo kapur tulis gampang dibusak.[1] Biyasané dibusak nganggo lap kang teles utawa busak blabag tulis.[1] Busak blabag tulis biyasané digawé saka salembar karpèt kang ditémpélaké ing kayu.[1] Déné tulisan kang digawé saka kapur tulis kang teles biyasané luwih angél dibusak.[1] Prodhusèn blabag biyasané nganjuraké supaya blabag tulis anyar kang lagi dituku kudu dikebaki karo corèkan-corèkan kapur tulis dhisik[1] Sawisé corèkan-corèkan dibusak, blabag tulis banjur siap digunakaké.[1] Kapur tulis kang digunakaké nalika nulis ing blabag biyasané nduwéni werna putih.[1] Saliyané werna putih ana uga werna-werna liyané kayata abang, kuning, ijo, ungu, oranye, biru.[1] Kapur tulis kang digawé saka blabag nduwéni éfék samping ya iku kapur tulis kang dianggo digawé saka gipsum saéngga ngasilaké akèh awu nalika dianggo nulis lan dibusek.[1]

Sanajan prodhusèn ngandharaké yèn kapur tulis kang digawé bébas lebu, sebagéyan wong tetep kurang seneng karo blabag tulis kang digawé saka blabag.[2] Awu kapur kang diasilaké nalika nulis bisa nyebabaké alérgi utawa bisa nyebabaké penyakit asma.[2] Blabag kang wernané ireng saiki wis akèh sing diganti karo blabag tulis kang wernané putih.[2] Blabag kang wernané putih iki biyasané diarani blabag spidhol.[2] Blabag spidhol iki ora nggunakaké kapur tulis ananging nggunakaké spidol.[2]

Cathetan suku[besut | besut sumber]

  1. ^ a b c d e f g h i j k l m n o (id)tekno.kompas.com(dipunundhuh tanggal 29 Juni 2011)
  2. ^ a b c d e (id)sentrakantor.com(dipunundhuh tanggal 29 Juni 2011)

Delegen uga[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Blabag_kapur&oldid=1084479"