Beksan Lawung Gagah

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Beksan Lawung Gagah ya iku salah sawijining jogèd karya Sultan Hamengkubuwono 1 kang padhatan minangka acara wigati kaya ta mangayubagya tamu lan pernikahan kulawarga kraton. Jogèd iki gambarake prajurit kang latihan perang. Prajurit mau ya iku saka kesatuan Trunojoyo, mulane ana dialog kang migunakaké basa Madura. Gaman kang digunakaké ing jogèd iki awujud tombak kanthi kawungkus kain supaya ora natoni. Jogèd iki lair ing tengahing greget perjuangan prajurit Ngayogyakarta Hadiningrat nglawan penjajah nalika semana. Gendhing kang digunakaké jinis gendhing gengsaran kang minangka gendhing greget perang.

Penari[besut | besut sumber]

Cacahe penari pepake utawa sinebut Beksan Lawung Ageng ana 16 penari putra gagah. 16 penari iki kapérang dadi sapérangan golongan ya iku botoh cacahé 2, salaotho (abdi pelawak) cacahé 2, lurah cacahé 4, jajar cacahé 4, lan pengampil (panggawa tombak) cacahé 4.