Basa Napu

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Cithakan:Infobox Language/IPA notice
Napu
Basa Napu
Dituturaké ing Indonesia
Wilayah Lore Lor, Kabupaten Poso
Gunggung panutur 6.100 (2007 SIL)[1]
Rumpun basa Melayu-Polinesia
Sistem tulisan Latin
Kodhe basa
ISO 639-1 -
ISO 639-2 -
ISO 639-3 npy

Basa Napu utawa basa Pèkurèhua yaiku sawiji basa kang ana ing laladan Loré Lor, Poso propinsi Sulawesi Tengah[2]. Basa Napu dienggo ing sangang dèsa yaiku (1) Désa Wuasa (Kutha krajan Kecamatan Lore Utara), (2) Désa Watu Maeta, (3) Désa Alitupu, (4) Désa Winiwanga. (5) Désa Maholo, (6) Désa Tamadue, (7) Désa Tatatu, (8) Désa Wanga, dan (9) Désa Kadua. Liyané iku basa Napu dienggo ing, Loré Lor, Poso, Poso Pesisir, Poso, lan Loré Kidul, Poso[3]. Penduduk ing daèrah iku sawènéh ana kang agamané Kristen lan liyané Islam. Pegawéané ana kang tani lan nggoléki hasil alas. Basa  iki dadi basa pengantar seni budaya wong Napu. Akéhé panyatur basa iki ana 6.100 nganti 8.000 wong[2]. Ing lelowahan Napu basa iki isih dadi basa padinan. Sekubengé lelowahan utawa lembah Napu ana rong lelowahan liyané yaiku Bada lan Besoa (Behoa). Dhéwé-dhéwé duwé basa kang antara siji lan liyané kuwi ana hubungané. Miturut Martens, basa Napu, Bada, lan Basa Besoa iku digolongké dadi golongan basa Badaic[4]. Ing pandangan lèksikostatistik telung basa iki bisa dianggep dhialék-dhialék saka siji basa. Sanajan géografis lan sosilinguistik antara telung suku iki bèda[4]. Antara wong Napu, Bada, lan Behoa isa ngerti antara basa siji karo liyané nalika ngomong nganggo basa dhéwé-dhéwé. 

Conto ukara[besut | besut sumber]

  • Uma ke dikei, "Bapak dhuwé asu".
  • Nita mobabehia totuana tori, "Nita nggawéké kué kanggo mbah putri".
  • Meo iti mohaka walehu mahile, "Kucing iku nyandak tikus gedhé".
  • Nina moanti ladi, "Nina nggawa lading"[3].

Rujukan[besut | besut sumber]

  1. "Napu". Dibukak ing 19 Desember 2015. Check date values in: |accessdate= (pitulung)
  2. a b "Napu". Ethnologue.
  3. a b Garantjang, Ahmad, dkk (1989). Struktur Bahasa Napu. Jakarta: Departemen Pendidkan dan Kebudayaan. ISBN 970-459-040-1 Check |isbn= value: checksum (pitulung).
  4. a b Martens, Michael P. "The Badaic Languages of Central Sulawesi" (PDF). Nusa. Vol. 31: 19–54.