Basa Elllas Koyni

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Basa Ellas Koyni (Ellas: Ελληνιστική Κοινή, Ellinistikí Koiní, [elinistiˈci ciˈni]) uga karanan cara basa Aleksandriyah, basa Atthikus lumrah, basa Ellas Ellasjati, utawa basa Ellas Alkitab yaiku basa dhuwur laladan lumrah saka basa Ellas kang kocap.lan katulis nalika jaman Ellasjati, Kabauraton Rum Kulon, lan Kabauraton Rum Wetan wiwitan utawa jaman antiquity pungkasan. Basa iki lair saka pinyebaring basa Ellas sabubaring pinêluk dening Aleksandher Agung ing abad kaping 4 Sadurunge Masehi lan dumadi basa lumrah ing akeh laladan Medhitherraniyah sarta Wetan Tengah ing abad-abad sabanjure. Basa iki utamane dhedhasar basa Atthikus lan wujud-wujud basa Yonikus kang gumathuk, kanthi warna-warna campuran saka levelling carabasa karo wujud-wujud liyane.

Basa Ellas Koyni nglebokake gagrag-gagrag sastra parijaga nganti basa padinan jaman iku. Saemper basa dhominan ing kabauraton Rum Wetan, basa iki banjur ngembang dumadi basa Ellas Tengahan lan banjur dumadi basa Ellaa Modheren.

Basa sastra Ellas Koyni dumadi sarana saka akeh sastra Ellas pungkas parilawas lan tulisan widyaka kaya ta Plutarkh (Plutarch) lan Polibiyus (Polybius). Basa Ellaa Koyni uga dumadi basa Prajanjeyan Anyar Nasrani, basa Alkitab Pitung Puluh, lan akeh-akehing tulisan Hyangwidya Nasrani dening para Bapa Grija. Ing hawa teges iki, basa Ellas Koyni uga karanan basa Ellas Alkitab, Prajanjeyan Anyar, grija, utawa bapa grija. Bauratu Rum Markus Awreliyus (Marcus Aurelius) uga nulis pikiran pribadhine ing basa Ellas Koyni ana ing karya kang saiki diarani kanthi jeneng The Meditations. Basa Ellas Koyni mbanjur kanggo basa sembahyang ing Grija Ortodhoksi Ellas.