Basa Ellas Katarewusah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Basa Ellas Katarewusah (Aksara Jawa: ꦧꦱ​ꦌꦭ꧀ꦭꦱ꧀​ꦏꦠꦫꦺꦮꦸꦱꦃ)(Ellas: Καθαρεύουσα tegese murnikake) yaiku wujud parijaga saka basa Ellas Modheren kang lair ing pungkasan abad kaping 18 Masehi kanthi dalan tengah antaraning basa Ellas Kuna lan basa Ellas Dhimotiki jaman iku. Wiwitane, basa iki akeh digunakake kanggo basa sastra lan basa parijawat sarta arang digunakake kanggo basa padinan. Ing abad kaping 20 Masehi, basa iki mundhak digunake kanggo urusan parijawat dan parikara nganti Nayaka Wiyata Jorjiyos Rallis (Georgios Rallis) nggawe basa Ellas Dhimotiki dadi nagarabasa Ellas ing taun 1976 Masehi lan ing taun 1982 Masehi Nayaka Agung Andhreyas Papandhriyu (Andreas Papandreou) ngilangake tatalaku baularas tulisan kanggo basa Ellas Dhimotiki lan basa Ellas Katarewusah.

Basa Ellas Katarewusah banjur didhapuk dening widyanara lan ulu revolusiyoner Adhamanthiyos Korays (Adamantios Korais) (taun 1748-1833 Masehi). Lulusan saka pawiyatan dhuwur Monthpelliyer (Montpellier), Korays nggunakake wektune dumadi ekspatriyat ing kutha Pari. Dumadi widyaka parilawas, dheweke ora seneng karo Kabauraton Rum Wetan lan paribawane marang babrayan Ellas sabanjur lan dumadi kritikus sing atos marang juru ibadah grija sarta pandakwa ngenani paturuting juru ibadah grija mau marang kabauraton Osman. Dheweke pracaya yen wiyata iku penting kanggo kamardikaning wong Ellas.

Bageyan saka gunaning basa Ellas Katarewusah yaiku kanggo dalan tengah antaraning arkaisnara kang pengen mbalekake kabèh wujud-wujud basa arkais lan modherennara.