Bartolomeo Cristofori

Saka Wikipédia Jawa, bauwarna bébas abasa Jawa
Bartolomeo Cristofori

Bartolomeo Cristofori ya iku penemu piano.[1]Piano ya iku piranti musik kang ngasilake alunan nada kang éndah.[1] Cristofori lair ing Padua, Italia, tanggal 4 Mei 1655.[1] Nalika umuré 33 taun, ya iku ing taun 1688, Cristofori diajak nyambut gawé déning Prince Ferdinando de Medici.[1] Ferdinando ya iku salah sawijining penggemar musik kang minangka pewaris Cosimo 111, siji saka Grand Dukes of Tuscany.[1] Nalika iku, Tuscany minangka kraton otonom cilik ing Italia.[1] Cristofori anggoné nyambut gawé kanthi sregep mula dhèwèké bisa gawé Fernando dadi seneng karo dhèwèké.[1] Senenge mau diwujudake kanthi mènèhi upah kang luwih gedhé tinimbang liyané.[1] Taun 1700, Cristofori gawé piranti musik ya iku piano kang wiwitan.[2] Piano kang digawé duweni swara patang oktaf.[2] Sawijining jurnalis kanthi jeneng Scipione Maffei nggambarake piranti musik ciptaane Cristofori minangka gravecembalo col piano e forte kang ateges harpsichord kanthi papan tuts alus lan duweni swara banter.[2] Wiwitane, piranti mau sinebut pianoforte, nanging ing pungkasan luwih dikenal kanthi aran piano.[2] Cristofori tinggal donya tanggal 27 Januari 1731 nalika umuré ngancik 76 taun.[2] Nganti seprene, isih ana telung piano gawéane kang isih ana lan disipen ana ing pirang-pirang musiyum.[2] Sijine, disimpen ana ing Metropolitan Museum of Art, Amérika Sarékat (digawé taun 1720), sijine disimpen ana Muse Strumenti Muscali, Roma, Italia (digawé taun 1722), lan sijine manèh ana ing ''Musikinstrumenten-Museum of Leipzig University'', Jerman (digawé taun 1726).

Cathetan suku[besut | besut sumber]

  1. ^ a b c d e f g h [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 60]
  2. ^ a b c d e f [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 61]