Bambang Joko Susilo

Saka Wikipédia Jawa, bauwarna mardika basa Jawa

Bambang Joko Susilo (Jawa: ꦧꦩ꧀ꦧꦁꦗꦏꦱꦸꦱꦶꦭ;​ Bambang Jaka Susila) (Mijil ing Sragèn, 14 April 1964; yuswa 55 taun) inggih punika satunggaling panyerat saha pangripta cerkak ingkang kawentar. Panjenenganipun purna saking Jurusan Ilmu Jusnalistik wonten ing Sekolah Tinggi Publisistik wiwit saking taun 1985 dumugi lulus taun 1989. Bambang Joko Susilo wiwit nyerat cerkak wiwit pawiyatan madya, karyanipun arupi cerkak laré, cerkak wiranèm, saha cerkak diwasa. Seratan-seratan kasebat kasebar wonten ing pundi-pundi kalawarti saha ariwarti ing antawisipun inggih punika: Sinar harapan, Suara pembaruan, Merdeka, Sinar Pagi, Prioritas, Amanah, Famili, Anda, Sahabat pena, Mutiara, Gadis, Hai, lan sapanunggalanipun[1].

Karya-karya[besut | besut sumber]

Bambang Joko Susilo dumugi sapunika taksih aktif wonten ing kagiyatan sastra saha Komunitas Sastra. Satunggaling komunitas tuladhané inggih punika Bengkel Pengembangan Cerita Anak ingkang dipunadani dèning Pusat Perbukuan Depdikbud wonten ing Cipayung, Bogor, taun 1999. Bambang Joko Susilo ugi sampun natè ngasta manéka warna padamelan, ingkang pungkasan piyambakipun ngasta minangka wartawan free lance. Karya-karyanipun ingkang kawentar antawisipun: Ketika Matahari Tak Tampak (kempalan cerkak,1997), Bebek dari kakek (cariyos lare,1997), Berburu Belut Keramat (Cariyos lare, 1999), Aku Mawar Merah (Cariyos lare, 1999), Penunggu Bukit Gagak (Cariyos lare), Bimo Anak Indonesia (Cariyos lare), Percintaan Sunyi (Kempalan cerkak, mawi prawacana dèning Korrie Layun Rampan) lan sapanunggalanipun.


Rujukan[besut | besut sumber]

  1. Rampan, Korrie Layun, 1953- (2000). Leksikon susastra Indonesia (édhisi ka-Cet. 1). Jakarta: Balai Pustaka. ISBN 9796663589. OCLC 47208002.{{cite book}}: CS1 maint: multiple names: authors list (link)