Bagas Dwi Bawono

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bagas Dwi Bawono
Lair (1966-07-14) Juli 14, 1966 (umur 53)
Indonésia Surabaya, Jawa Wétan, Indonésia
Pakaryan Penulis
Arsitek

Bagas Dwi Bawono kang kawentar kanti asma Bagas D. Bawono (lair ing Surabaya, Jawa Wétan, 14 Juli 1966; umur 53 taun) ya iku salah sijiné arsitèk kang uga ngayahi minangka seniman saka Indonésia. Jenengé kawentar lumantar pakaryané awujud cerita cekak lan lakon drama kang diangkat ana ing film layar jembar. Hasduk Berpola ya iku salah siji cerita cekaké kang dadi filem, kang lakon pilmé ditulis bebarengan karo Kirana Kejora. Bagas uga naté ngripta lagu-lagu kanggo Duo MAIA ya iku kanti lagu Sang Juara (2009).

Riwayat[besut | besut sumber]

Bagas Dwi Bawono lair ing Surabaya, Jawa Wétan tanggal 14 Juli 1966. Ngrampungaké pawiyatan luhur ana ing Jurusan Teknik Arsitektur Universitas Gajah Mada Yogyakarta ing taun 1990. Sawisé sinau lan ngangsu kawruh, minangka punggawa ing sapérang perusahaan, pungkasané Bagas ngadegaké perusahaan dhéwé kang mligi ing babagan konsultan arsitèk lan kontraktor, Bagas & Associates. Saliyané nekuni babagan properti, Bagas uga asring nulis prosa, carita cekak, sajak, lan skenario film. Taun 2013, salah siji cerita cekaké kang sesirah Hasduk Berpola digawé awujud film layar jembar, ngangkat perkawis nasionalisme ing donyané bocah-bocah. Skenario kang digarap bebarengan karo Kirana Kejora, mau kasil éntuk pangajiminangka Filem Favorit Pilihan Pamirsa ing Apresiasi Film Indonésia 2013, ngalahaké telu panyarta liyané, ya iku Habibie & Ainun, 5 cm, lan Tampan Tailor. Bagas sabanjuré nulis kumpulan cerita cekak sesirah Ibu, Doa yang Hilang, kang ngamot 29 cerita cekak kebak pitutur. Buku kuwi ditulis dhedhasar cerita sanyatané perjuangan ibuné minangka wong tuwa kang ngrawat putra-putriné dhèwèkan. Kasilé ngedol buku iku, kabèh disumbangké kanggo kagiyatan sosial.[1][2][3][4][5][6][7]

Taun 2015, Bagas Dwi Bawono bareng karo Dr. Soegiyanto, Bintang Juliarso nggagas anané medha sosial pawiyatan makinpintar.com. Media sosial iku digawé lan digulawenthah bebarangan karo PPTSI Universitas Airlangga.

Pakaryan[besut | besut sumber]

Minangka kuru arah[besut | besut sumber]

  • Sultan Aji Muhammad Sulaiman Airport, 2013

Bebungah[besut | besut sumber]

  • Hasduk Berpola dipilih minangka Filem Inspiratif Kemendikbud, 2013
  • Hasduk Berpola dadi Filem Favorit Pilihan Pamirsa ing Apresiasi Film Indonésia, 2013
  • Hasduk Berpola dadi minangka Rantaman Educational Screening IFF Melbourne, 2015

Uga delengen[besut | besut sumber]

Pranala njaba[besut | besut sumber]

Rujukan[besut | besut sumber]

  1. JPI: JPI: Bagas Dwi Bawono, diakses 16 Agustus 2015
  2. Moga Group: Moga Group, diakses 16 Agustus 2015
  3. Alumni UGM:Bagas Dwi Bawono, diakses 16 Agustus 2015
  4. Antara News: Film "Hasduk Berpola" Diangkat Dalam Layar Lebar, diakses 16 Agustus 2015
  5. Yiela: Bagas tidak terlibat di film Bendera Sobek, diakses 16 Agustus 2015
  6. Berita Jatim: Cerpenis: Idealisme dan Pasar Sering Tak Sejalan, diakses 16 Agustus 2015
  7. Mimbar Rakyat: Ibu, Doa yang Hilang, diakses 16 Agustus 2015
  8. Sales Insight: Tulus Dalam Melayani, Saksama dalam Mendengarkan - Bagas D. Bawono, Gramedia Pustaka Utama, hal. 132, ISBN 978-602-03-3593-3