Martin Rodbell

Saka Wikipédia Jawa, bauwarna mardika basa Jawa
Martin Rodbell
Martin Rodbell
Lair(1925-12-01)1 Dhésèmber 1925
Baltimore, Maryland, U.S.
PatiDhésèmber 7, 1998(1998-12-07) (umur 73)
Chapel Hill, North Carolina, U.S.
PadununganUnited States
BangsaUnited States
Alma materJohns Hopkins University
University of Washington
Kondhang ingG-proteins
signal transduction
BebungahPenghargaan Nobel dalam Fisiologi atau Kedhokteran (1994)
Gairdner Foundation International Award (1984)
Richard Lounsbery Award (1987)
Karièr ngèlmiah
BabaganBiochemist
InstitutionsNational Institute of Health

Martin Rodbell (Baltimore, Maryland, 1 Dhésèmber 1925Chapel Hill, North Carolina, 7 Dhésèmber 1998) inggih punika salah satunggaling biokimiawan saking Amérika Sarékat.[1]

Piyambakipun mlebet ing Universitas Johns Hopkins wonten ing 1943, kanthi minat wonten ing babagan biologi lan sastra Perancis. Wonten ing taun 1944, studinipun naté mandheg akibat dinas militèr minangka operator radio wonten ing Angkatan Laut Amérika Sarékat sadangunipun PD II. Piyambakipun kondur malih wonten ing Johns Hopkins University nalika taun 1946 lan pikantuk gelar sarjana wonten ing babagan biologi nalika taun 1949. Rodbell pikantuk Ph.D. wonten ing babagan biokimia saking Universitas Washington nalika taun 1954. Piyambakipun nindakaken karya pascadhoktoral wonten ing Universitas Illinois, Urbana-Champaign antawis 1954-1956. Nalika taun 1956, Rodbell pikantuk kedudukan minangka biokimiawan panaliti wonten ing Lembaga Jantung Nasional, pérangan Lembaga Keséhatan Nasional wonten ing Bethesda, Maryland.[2]

Nalika taun 1985, Rodbell dados direktur ilmiah ing Lembaga Ilmu Keséhatan Lingkungan Nasional (pérangan National Institutes of Health) wonten ing Chapel Hill, North Carolina, ing pundi piyambakipun makarya dumugi pensiun wonten ing taun 1994.[3]

Piyambakiun pikantuk Penghargaan Nobel ing babagan Fisiologi utawi Kadhokteran ing taun 1994 sesarengan kaliyan Alfred G. Gilman kanggé "penemuan kkalihipun wonten ing protéin G lan peran protéin punika wonten ing transduksi sinyal ing salebeting sel." Rodbell tilar donya (séda) amargi kegagalan organ sabibaripun gerah dangu.

Panalitén[besut | besut sumber]

"Merefleksikan" analogi umum antawis ngèlmu komputer lan biologi wonten ing taun 1960-an, Rodbell piados bilih informasi dhasar ingkang mroses sistem saking komputer lan organisme biologis mirib sanget. Piyambkipun nengenaken bilih sel perorangan analog kaliyan sistem cybernet ingkang kasungsun saking 3 komponèn molekul ingkang bènten: diskriminator, transduser, lan penguat (utawi dipunkenal minangka efektor).

Wonten ing wulan Dhésèmber taun 1969 lan awal Januari 1970, Rodbell makarya ing sawijining tim laboratorium ingkang nyinaoni efek hormon glukagon wonten ing reseptor membran hati tikus-diskriminator sel ingkang nampi sinyal saking njawi. Rodbell manggihaken bilih ATP (adenosin trifosfat) saged mbalik aksi "pengikatan" glukagon ing reseptor sel lan lajeng mecahaken glukagon saking sadaya sel. Lajeng piyambakipun nyathet bilih jejak GTP (guanosin trifosfat) saged mbalikaken prosès pengikatan meh kaping 1000 langkung rikat tinimbang ATP. Rodbell nengenaken bilih GTP kemungkinan inggih punika faktor biologis aktif wonten ing mecah glukagon saking reseptor sel, lan GTP rawuh minangka regedan wonten ing eksperimen wiwitanipun kaliyan ATP. GTP ingkang kapanggihaken punika ngrangsang aktivitas wonten ing protéin nukleotida guanin (lajeng dipunsebut protéin G), ingkang wonten ing giliranipun mrodhuksi efek metabolisme ingkang ageng ing salebeting sel. Pengaktifan protéin G ingkang dipunpostulataken déning Rodbell inggih punika prosès "duta kedua" ingkang sampun dipunteorikaken déning Earl Sutherland, Jr.. Wonten ing basa transduksi sinyal, protéin G, ingkang dipunaktifaken déning GTP, inggih punika komponèn dhasar transduser, ingkang minangka jalur ingkang wiagti antawis diskriminator lan penguat. Lajeng, Rodbell mempostulatakan, lajeng nyamektakaken bukti, protéin G sanéés wonten ing reseptor sel ingkang saged nyegah lan ngaktifaken transduksi meh wonten ing wekdal ingkang sesarengan.[4]

Cathetan suku[besut | besut sumber]