Nagara

Nagara iku sawijining wewengkon ing bumi kang kakuwasan pulitik, militer, ékonomi, sosial lan budayané ditata déning pamaréntahan kang nan ing wewengkon kasebut. Supaya bisa diarani minangka nagara kudu ndarbèni rakyat, ya iku wong-wong kang nampa anané organisasi iki. Syarat liyané ya iku anané wewengkon tartamtu papan nagara iku manggon. Bab liyané apa kang diarani kadhaulatan, ya iku nagara diakoni déning wargané minangka kang nyekel kakuwasan paling dhuwur ing wewengkon panggonan nagara.

Anané nagara

Anané nagara, kaya organisasi umumé, ya iku kanggo nggampangké anggotané (rakyat) nggayuh tujuan utawa gegayuhané. Kepénginan iki dirumusaké jroning sawiji dokumen kang diarani Konstitusi, klebu ing jeroné nilai-nilai kang dipikul dhuwur déning rakyat minangka anggota nagara. Minangka dokumen kang nyantumaké gegayuhan rakyat, maksud didegaké nagara, Konstitusi minangka dokumen hukum paling dhuwur ing sawijining nagara. Mulané konstitusi uga ngatur cara-cara nata nagara. Konstitusi ing Indonesia diarani Undhang-Undhang Dhasar.

Pangertèn nagara miturut para ahli

• George Jellinek
  Nagara iku paguyuban kakwuasan saka seklompok manungsa kang wis manggon ing wewengkon tartamtu.
• George Wilhelm Friedrich Hegel
  Nagara minangka paguyuban kasusilan kang muncul minangka sintesis saka kamardikan individual lan kamardikan universal
• Krannenburg
  Nagara iku sawijining opaguyuban kang timbul amarga ana kepénginan saka sawiji golongan utawa bangsané dhéwé.
• Roger F. Soltau
  Nagara iku alat utawa wewenang kanggo ngatur utawa ngendalèkaké persoalan bersama tumrap masyarakat.
• Prof. R. Djokosoetono
  Nagara iku sawijining paguyuban manungsa utawa kumpulan manungsa kang ana ing ngisor siji pamaréntahan kang padha.
• Prof. Mr. Soenarko
  Nagara iku paguyuban padunung kang ndarbèni laladan tartamtu, kang kakuwasan nagara lumaku ing kana minangka sawijining kadhaulatan.

Delengen uga

• Daftar nagara