Aris Aprila

Aris Aprila (Jakarta, 23 April 1987; yuswa 31 taun) inggih punika satunggaling sutrésna kéwan segawon. Aris punika ugi nggladhi kéwan segawon mligi wonten kaprigelan tartamtu. Aris Aprila punika putra tunggal saking tiyang sepuhipun.

Wiyata

Aris punika lulusan saking sekolah wonten ing SMAN 9 Bandung (2005). Ugi piyambakipun punika kuliyah wonten ing Universitas Padjajaran jurusan Ilmu Komunikasi (2009).

Lelampahan

Aris Aprila kathah nglampahi alangan-alangan saking kagiyatan nggladhi kéwan segawon, dipunwiwiti nalika tiyang sepuhipun boten sarujuk kaliyan Aris ingkang badhé ngingah-ingah kéwan segawon. Aris sejatosipun sampun remen kaliyan kéwan segawon punika awit taksih timur. Ananging punika boten dipunsarujuki kaliyan tiyang sepuhipun. Kéwan-kéwan segawon ingah-ingahanipun boten dipunkeparengaken mlebet griya. Namung angsal dipundunungaken wonten plataran griya. Ugi piyambakipun medal saking pakaryanipun lajeng milih nggladhi kéwan segawon, kamangka nalika punika piyambakipun sampun nyambut damel wonten salah satunggaling bank swasta. Jalaran menika tiyang sepuhipun boten nyarujuki menawi Aris gadhah ugi nggladhi kewan segawon. Dangu-dangu tiyang sepuhipun sampun nyarujuki panyuwunanipun Aris menika.

Aris miwiti tékadipun arupi ndamel komunitas sutrésna kewan segawon dipunewangi kanthi ngamèn ugi nggladhi segawon saking griya dhateng griya sanès amargi nalika samanten kekirangan béaya kagem nggladhi segawon. Piyambakipin mbélani ngajokaken krédit kagem tumbas kandhang segawon. Ugi nalika nggladhi segawon punika boten gampil, kedah nguwaosi saha gumatos rumiyin kaliyan kéwan segawon.

Pakaryan

Sapunika Aris dados panggladhi kéwan segawon, wonten kaprigelan tartamtu ingkang dhasar kadosta tiarap. Aris punika pangarsa AK9 Dog Training Center wonten tlatah kutha Bandung. AK9 punika satunggalipun institusi kéwan segawon ingkang gadhah standar internasional saking INSARAG. Badan saking PBB ingkang ngasta prakawis-prakawis pawilujengan salebeting bencana alam wonten dunya. Ugi piyambaké taksih miwiti wonten SAR Dog saha sareng kaliyan Jakarta Rescue ngasta babagan korban bencana mligi ingkang taksih sugeng. Unit SAR Dog punika dipundamel sareng kaliyan Zeni Konstruksi TNI Angkatan Darat. Kagiyatan SAR Dog wonten Indonésia punika taksih kalebet awis. Lajeng, Aris punika ugi mbangun komunitas pandarbé kéwan segawon Agility Bandung Group (ABG). Aris sampun mbiyantu madosi korban-korban bencana wonten Palu, Lombok ngantos Nagara Népal. Sapunika gladhènipun sampun kathah ngantos wonten ketangkasan, show, kabetahan nglacak narkotik saha bahan peledhak.

Sadèrèngipun dados panggladhi kéwan segawon, Aris punika nyambut damel wonten satunggaling bank. Ugi naté makarya freelance nalika kuliah.

Sacara jangkepipun punika riwayat pakaryanipun saking Aris Aprila:

• Pegawé Bank Danamon (2010-2011)
• Pangarsa High Five (2012)
• Panggladhi Ketangkasan Anjing AK9 Dog Training Center, Bandung (2012- sapunika)
• Pangarsa Agility Bandung Group (2017)
• Pamatèri Royal Canin seminar working dog (Mako Brimob Polda JatimBatalyon B (September 2017)
• Ngarsa Bandung SAR Dog Training Center sareng kaliyan sagunggungipun pamangku kapentingan (11 Juni 2017)
• Tumut sacara aktif wonten HUT PM Angkatan Udara kaping-71 (1 November 2017)
• Pamatèri panggladhèn SAR babagan pangenalan anjing pelacak wonten Urban Disaster, Jawa Timur (24-26 Februari 2017)
• Pamatèri “All About Rottweiler Seminar” wonten Malang, Jawa Timur (4-5 Juni 2017)

Pangaji

Pangaji-pangaji ingkang sampun dipungayuh inggih punika:

1. Sèrtifikat Handler SAR Dog dening BASARNAS wonten Jakarta (18 Mei 2017
2. Sèrtifikat “International Search and Rescue Advisory Group (INSARAG) Asia Pasific Regional Earthquake Response Exercise, Yogyakarta (25-29 Juli 2016)
3. Sèrtifikat helper/decoy working dogs IPO/Schutzhund, Siam Crown Thailand kelas A (2014) saha B (2013)
4. Sèrtifikat Cynotechnique Handler SAR DOG saking Philippe Besson, Founding Chairman of the French INSARAG USAR Team, Pompiers De L’Urgence Internazionale, International Emergency Firefighter. (2014)
5. Nggayuh Juwara Kapisan MIPOC Trail and Championship saking German Shepherd Dog Club Of Malaysia Appreciation Helper (March 2017)
6. Piagam saking Komandan Resimen Zeni Konstruksi Ditziad (Oktober 2017)
7. Pikantuk apresiasi decoy saking Indonesian Sieger Zuchtchau Jawa Tengah (2015 dan 2016) saha Jawa Barat (2018)
8. Pangaji Handler saé piyambak kajuwaran Agility saking Klub Agility Indonesia (Mei 2016)
9. Runner-up Handler sesarengan kaliyan Bomber Von Belicoff IPO3 (GSD) wonten Sieger Prufung IGSC Sieger Show (2016)
10. Best Point Protection Handler sesarengan kaliyan Bomber Von Belicoff IPO3 (GSD) wonten Sieger Prufung IGSC SIEGER SHOW (2016)
11. Juwara Nasional sesarengan kaliyan Thor vom der Baiertalerstraße (GSD) saha Andre Yanuar wonten Indonesia German Shepherd Club (2016, 2017, 2018)