Ari Wibowo
| Ari Wibowo | |
|---|---|
 | |
| Latar wuri | |
| Jeneng lair | Arianto Wibowo |
| Lair | 26 Dhésèmber 1970 Berlin Kulon, Jerman |
| Jinis Musik | Pop |
| Pakaryan | aktor, penyanyi, modhèl |
| Taun aktif | 1987-saiki |
| Parusahan rekaman | HP Record |
| Hubungan | |
| Pasangan | Inge Anugrah |
| Anak | 2 |
| Wong tuwa | Wibowo Wirjodiprojo lan Sibylle Ollmann |
Arianto Wibowo utawa kang luwih misuwur kanthi jeneng Ari Wibowo (lair ing Berlin Kulon, Jerman, 26 Dhésèmber 1970; umur 55 taun) ya iku aktor kang miwiti kariré dadi peragawan lan foto modhèl.[1] Ari Wibowo ngugemi agama Protèstan.[1] Ari Wibowo nduwé adhi kang jenengé Ira Wibowo lan paklik saka Richard Kevin iki uga tau nggabung ing grup vokal Cool Colours.[1] Grup vokal iki anggotané ya iku Ari Sihasale, Surya Saputra, lan Johandy Yahya, nalika iku dhèwèké nggantèkaké posisiné Teuku Ryan ing grup iki.[1] Ari Wibowo uga tau éntuk gelar sabuk abang ing taekwondo.[1] Katrampilan main taekwondo iki nggawé Ari Wibowo dadi bintang ing sinétron laga kaya taDeru Debu lan Jacky.[1]
kulawarga
[besut | besut sumber]Ari Wibowo dadi anak wiragil saka pasangan Wibowo Wirjodiprojo lan Sibylle Ollmann.[1] Ari lair ing Jerman lan lagi manggon ing Indonésia nalika umur 10 taun.[1]
Ari Wibowo nikah karo Inge Anugrah nalika tanggal 7 Juli 2006 ing hotèl Four Season Jakarta.[2] Saka palakramané iki Ari nduwé anak kang jenengé Kenzo Wibowo.[1] Kenzo Wibowo lair tanggal 2 Fèbruari 2008.[1]
Karir
[besut | besut sumber]Ari Wibowo miwiti kariré ing donyaning hiburan nalika umur 17 taun.[3] Nalika iku dhèwèké ditawani maragakaké sandhangan kang digawé karo perancang kelas donya kang misuwur saka Prancis.[3] Perancang iki jenengé Pierre Cardin.[3] Ari Wibowo banjur maragaké ing Hotèl Hilton Jakarta.[3] Sawisé iku, akèh tawaran pamotrètan kang ditawakaké kanggo Ari Wibowo.[3] Ari banjur dadi peragawan, foto modhèl, lan bintang iklan ing kalawarti.[3] Ora suwé banjur ana tawaran kanggo dadi bintang ing filem layar amba.[3]
Layar amba
[besut | besut sumber]Ing layar amba, Ari éntuk peran utawa dadi tokoh Valen ing filem kang digarap Bobby Sandy.[3] Film iki judhulé Valentine (1989).[3] Ing filem iki Ari Wibowo dipasangaké karo juru main-juru main kang wis misuwur nalika iki kaya ta Sophia Latjuba, Dian Nitami, Karina Suwandi, lan Thomas Djorghi.[3] Patang taun sawisé iku Ari Wibowo dadi bintang ing filem kang judhulé Pengantin (1990), Aku Rindu (1991), Pista (1992), lan Si Manis Jembatan Ancol (1993).[3]
Cathetan sikil
[besut | besut sumber]- 1 2 3 4 5 6 7 8 9 10 Profil ing KapanLagi.com Archived 2010-05-10 at the Wayback Machine. (diundhuh tanggal 8 Juli 2011)
- ↑ Ari Wibowo: Inge Orang Yang Sederhana(diundhuh tanggal 8 Juli 2011)
- 1 2 3 4 5 6 7 8 9 10 11 [ Profil ing tokohindonesia.com Archived 2010-05-27 at the Wayback Machine.(diundhuh tanggal 7 Juli 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |