Antropologi kaséhatan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Antropologi kasarasan atawa kaséhatan ya iku cabang ngèlmu antropologi budaya lan fisik kang fokus kajian lan terapané iku ngenani masalah kaséhatan lan penyakit, uga ana gegayutané karo tingkah laku manungsa[1][2]. Élmu iki lair sawisé perang donya kaloro. Nalika iku ahli antropologi sosial-budaya lan biologi nambah mundhakaké fokus kajiané ing sistem kaséhatan lan faktor-faktor bioékologi lan sosial budaya kang ana pangaribawané ing penyakit[2]. Cabang ngèlmu iki dibutuhaké amarga tumindak, pandengan saka penyakit, lan cara urip séhat saban étnik kuwi béda-béda. Sawènéh minat ahli antropologi mulané mung ing tataran tèoritis. Ana uga ing masalah-masalah terapané. Téknik-téknik panlitèn antropologi, tèori lan datané èntuk lan kudu dienggo ing program-program kanggo mbeneri cara perawatan kaséhatan ing masarakat negara-negara maju lan ngrembaka nalika sawisé perang donya kang dibutuhaké banget[1].

Saiki kajian antropologi kaséhatan wis ngrambah ing masalah kedokteran, obat, lan gizi pangan masarakat[1]

Rujukan[besut | besut sumber]

  1. a b c Foster, George M.; Anderson, Barbara Gallatin (2013). Antropologi Kesehatan. Jakarta: Penerbit Universitas Indonesia. ISBN 979-8034-16-3. 
  2. a b Pool, Robert; Geissler, Wenzel (2005). Medical Anthropology. New York: Open University Press. ISBN 978-0-335-21850-9.