Anjung

Saka Wikipédia Jawa, bauwarna mardika basa Jawa

Anjung (Minangkabau : Anjuang) ya iku sawijining ruangan kang dadi pérangan omah kang dumunung ing sisih tengen lan kiwa omah tradisional wong Banjar (omah Banjar) ing Kalimantan Kidul. Jubiné anjung dhuwur dhéwé dibandingaké marang kabèh pérangan omah.

Ruangan Anjung (Anjung) uga ditemokaké ing omah Gadang Minangkabau sing awujud ruang sing jubiné undak-undakan kang manggon ing sisih tengen utawa sisih kiwa omah, lan gendhengé awujud gonjongon. Anjung omah Banjar mèmper karo Anjuang omah Gadang Chaniago sing duwéni cagak ing ngisoré.

Anjung Kiwa lan Tengen[besut | besut sumber]

Ing sisih kiwa lan tengen ruang Palidangan ana ruangan kang disebut Anjung Kiwa lan Tengen. Anjung Tengen ya iku kapernah ing sisih tengen ruang Palidangan lan uga bisa dianggep kaya ta tangan tengen (swiwi tengen omah). Anjung Kiwa ya iku kapernah ing sisih kiwa ruang Palidangan lan uga bisa dianggep kaya ta tangan kiwa (swiwi kiwa omah). Ing anjung tengen lan kiwa ana cendela kang madhep ngarep lan mburi. Ing dhuwuré cendela ana ventilasi kang wujudé bunder utawa liyané.

Anjung tengen digunakaké kanggo tetirahan, papan sembahyang, papan dandan, sarta kanggo nyimpen klambi lan rajabrana. Anjung kiwa duwéni fungsi kang arep mèmper marang anjung tengen, nanging duwéni panggonan kanggo nglairaké lan ngedusi jenazah sadurungé dikubur lan dishalatké. Antarané ruang Palidangan lan Anjung (kiwa lan tengen) ana watun anjung.

Piranti kang ana ing Anjung tengen, antarané:

  1. Lemari kaca kanggo nyimpen busana
  2. Busana adat
  3. Papan sembahyang (piranti salat)
  4. Koper
  5. Papan tetirah

Piranti kang ang ing Anjung kiwa, antarané:

  1. Papan tetirah kang ana tilam kampikan (kasur)
  2. Dipan kayu kanggo turu
  3. Meja cilik
  4. Lemari kaca kanggo nyimpen piranti dandan
  5. Papan sembahyang (piranti salat)

Anjung Jurai Tengen lan Anjung Jurai Kiwa[besut | besut sumber]

Anjung Jurai ya iku pérangan anjung ing mburi omah kang pérangan dhuwur awujud jurai (jurai laki). Anjung ya iku ruangan kang kapernah ing sisih kiwa lan omah panggung tradhisional ing suku Banjar (omah Banjar) ing Kalimantan Kidul. Jubiné anjung luwih dhuwur dibandhingake karo jubin kamar liyané.

Rujukan[besut | besut sumber]