Angki Purbandono
Angki Purbandono ya iku juru foto kang lair ing Semarang, 24 September 1971. Angki duwéni pangalaman nglakokaké program résidhensi Changdong Art Studio ing Seoul, Korea. Angki iku wong kang nduwèni sifat gapyak lan ndhagel. Biyasané Angki nganggo kacamata ireng lan rambuté gimbal.[1]
Pendidikan[besut | besut sumber]
Angki sekolah fotografi ing Modern School of Design (MSD) taun 1993 lan dadi angkatan kapisan ing MSD. Sawisé iku, dhèwèké mbanjuraké sekolah ing jurusan Fotografi, Fakultas Seni Media Rekam, Institut Seni Indonesia (ISI) Yogyakarta.[1]
Karir[besut | besut sumber]
Kawitané, Angki lan kanca-kancané miwiti karir ing MES 56 taun 1997. MES 56 iki panggon kos-kosané Angki lan kanca-kancané. Kelompok iku diyasa déning Angki lan kanca-kanca jurusan Fotografi ISI angkatan kapisan. MES 56 iki banjur dadi paguyuban resmi juru kagunan kang sregep nglakokaké kagiyatan fotografi.[1] Komunitas MES 56 iku dedikasiné ana ing fotografi kontèmporèr Indonesia.[2]
Pakaryan[besut | besut sumber]
Sasuwéné nindakaképakaryan, Angki seneng marang obyek-obyek kang dianggep rèmèh, contoné bungkus pil KB, botol plastik, lan liya-liyané. Obyek-obyek iku digawé kreatif lan ngasilaké barang kang surealistik lan multitafsir. Kabèh iku digawé Angki nganggo imajinasiné dhéwé.
Saliyané iku, Angki uga nduwéni karya kang nganggo teknik scanner. Karya iku dipamèraké taun 2005 ing pameran Road and Route ing 1st Pocheon Asian Art Festival, Pochean, Korea Kidul. Angki uga nduwéni karya kang dipamèraké ing Space and Shadows ing Contemporary Art from Southeast Asia, Haus der Kulturen der Welt, Berlin, Jerman taun 2005. Ing karya iku, Angki kepéngin mbuktèkaké yèn scanner iku gunané padha karo kaméra. Taun 2004 Angki uga mèlu proyek fotografi Moeslem Fashion of Indonesia Women kang dipamèrké ing Yogyakarta, Makassar, Cirebon, Jakarta, Malang, Surabaya, lan Jombang.[2]
Taun 2006, Angki nggarap karya Anonymous ing Cemeti Art House lan Artoteek Denhaag, Walanda. Karyané ya iku panelitèn fotografi carané ya iku kanthi tuku foto-foto kang wis tuwa ing Beringharjo. Foto-foto iku ora ana wernané, mung foto ireng putih banjur digawé dadi obyek kang apik lan dadi karya kagunan kang unik. Saka ngumpulaké foto-foto lawas iku, Angki éntuk asil 3000 foto. Angki nduwèni cara gawé karya kang kréatif, ya iku teknik fotografi nanging ora nganggo kamera kaya karya-karya kang wis diasilaké sadurungé.[1]
Angki pancèn wis ngasilaké akèh obyek nganggo mesin scan, salah sijining obyèk ya iku Instinct kang wis dipamèraké bebarengan karo kagiyatan Belajar Bersama Maestro (BBM) dening Kementrian Pendidikan lan Kebudayaan.[3]
Rujukan[besut | besut sumber]
- ↑ a b c d 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. ISBN 9789791436298. OCLC 848263279.
{{cite book}}: CS1 maint: extra punctuation (link) CS1 maint: numeric names: authors list (link) - ↑ a b Salihara, Komunitas. "Angki Purbandono". salihara.org. Diarsip saka sing asli ing 2018-09-26. Dibukak ing 2018-11-23.
- ↑ Yunizar, Syahrul (2018-08-04). "Keteguhan Angki Purbandono Berkarya dengan Melawan Arus Fotografi". Jawa Pos. Dibukak ing 2018-11-23.