Andy F. Noya
| Andy F. Noya | |
|---|---|
 | |
| Lair | Andy Flores Noya |
| Pakaryan | Presenter |
| Taun aktif | 1985 - sapunika |
Andy Flores Noya (lair ing Surabaya, Jawa Wétan, 6 Novèmber 1960; umur 63 taun)[2] punika salah setunggaling wartawan saha présènter tivi Indonésia.[2] Andy F. Noya punika gadhah katurunan Ambon, Jawa, saha Walanda.[2]
Andy F. Noya langkung misuwur dados présènter acara Kick Andy.[2] Andy F. Noya sepindhaipun dados réporter nalika taun 1985. Nalika samanten Andy mbiyantu Majalah Tempo kanggé nerbitaken buku Apa dan Siapa Orang Indonésia.[2] Nalika samanten, Andy taksih kuliyah wonten ing Sekolah Tinggi Publisitik (STP) Jakarta.[2]
Andy punika sajatosipun lulusan sekolah tèknik.[2] Nalika lulus SD Sang Timur ing Malang, Jawa Wétan, Andy lanjeng nutugaken sekolah ing Sekolah Tèknik lajeng ing STM Jayapura.[2] Sadèrèngipun tamat sekolah wonten ing mriku, Andy F. Noya pindhah ing Jakarta saha nutugaken sekolah wonten ing STM 6 Jakarta.[2]
Nalika kuliyah, Andy gadhah panggènan favorit ing pabukon Soemantri Brodjonegoro.[3]
Nalika taun 2000, Metro TV pikantuk ijin kanggé siyaran.[2] Nalika samanten, Surya Paloh lajeng nimbali Andy supados mimpin Metro TV dados pamimpin rédhaksi.[2] Sasampunipun tigang taun, inggih punika nalika taun 2003, Andy dados pamimpin rédhaksi wonten ing Media Indonésia.[2] Nalika taun 2006, Andy ingkang dados wakil pamimpin umum Media Indonésia nalika samanten, lajeng dipunsuwuni kanggé ngrangkep dados pamimpin rédhaksi Metro TV.[2] Andy mimpin rédhaksi Metro TV nggentosi Don Bosco.[2] Andy lajeng saged sinau babagan jurnalistik tivi.[2] Kajawi punika, Andy ugi dipunpitados dados host salah setunggaling acara ingkang irah-irahanipun dipunpendhet saking namanipun piyambak, inggih punika Kick Andy, salah setunggaling adicara talk show ingkang dipunsiyaraken déning Metro TV.[2]
Cathetan suku[besut | besut sumber]
- ↑ Andy enggan menjadi pendeta (dipuntingali 17 Juli 2011)
- ↑ a b c d e f g h i j k l m n o p biografi.rumus.web.id Archived 2012-06-23 at the Wayback Machine.(dipuntingali tanggal 21 September 2011)
- ↑ forum.vivanews.com[pranala mati permanèn](dipuntingali tanggal 21 September 2011)
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |