Akashiyaki

Saka Wikipédia Jawa, bauwarna mardika basa Jawa
Akashiyaki

Akashiyaki (明石焼き?) ya iku jeneng panganan saka kutha Akashi ing Prefektur Hyogo, Jepang kang digawé saka adonan endhog, gandum, dashi, lan isiné rajangan gurita kang diclupake ing duduh dashi sadurungé dipangan.

Yèn disawang sakeplasan, akashiyaki mirib karo takoyaki, wujudé bunder-bunder empuk kang garis tengahe kurang luwih 3-5 cm kang kerep ora bener-bener bunder jalaran pérangan ngisore keplenet abote. Ing kutha Akayashi, warga kang wis ngerti panganan iki wiwit jaman Edo ngarani panganan iki minangka tamagoyaki kang minangka mula bukane takoyaki.[1]

Akashiyaki dianggep panganan unik khas kutha Akashi. Mangan akashiyaki (kang diadol kanthi jeneng tamagoyaki) minangka sawijining ancas utama wisatawan kang teka ing kutha Akashi. Saiki ana luwih saka 70 toko kang adol Akashiyaki ing Akashi.[2]

Ciri khas[besut | besut sumber]

Bedhane karo takoyaki[besut | besut sumber]

Akashiyaki luwih empuk tinimbang takoyaki amarga nggawene nganggo endhog akèh lan digoreng nganggo loyang kang wujudé bunder-bunder cekung. Adonane uga ngandhut bahan mirunggan wujud glepung tanpa gluten kang diarani jinko (沈粉?). Nalika digoreng, akashiyaki diwolak-walik supaya dadi bunder nganggo sumpit pawon (saibashi) lan ora mbutuhake piranti mirunggan kaya takotaki. Akashiyaki isiné mung gurita, ora kaya takoyaki ing Osaka kang isiné gurita lan ditambahi isi liyané. Akashiyake disuguhake ing kayu lan samangkok cilik dashi. Béda saka takoyaki, akashiyaki ora diwènèhi saos, nanging dipangan sawisé diclupake ing duduh.

Pranala njaba[besut | besut sumber]

Rujukan[besut | besut sumber]

  1. Alan, Wiren. "Takoyaki: Icon of Osaka". Japan Visitor. Dibukak ing 2011-04-13.
  2. 明石名物玉子焼き [Tamagoyaki, a specialty of Akashi] . Akashi Tourism Association. Diarsip saka sing asli ing 2006-08-28. Dibukak ing 2011-04-13.