Adi Kurdi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Adi Kurdi
Adi Kurdi.jpg
Adi Kurdi sajeroning sinétron "Kulawarga Cemara"
Pakaryanaktor
Taun aktif1980 - saiki

Agustinus Adi Kurdi ning masarakat dhèwèké kondhang kanthi jeneng Adi Kurdi (lair ing Pekalongan, Jawa Tengah, 22 Sèptèmber 1948; umur 71 taun) dhèwèké iku aktor lan bintang sinétron saka Indonésia.[1] Kurdi wiwit nggabung ing Bèngkèl Téater kang dibawahi dramawan kondhang W.S. Rendra nalika taun 1970.[1] Kapinterané, dolanan peran ing téater agawe dhèwèké tau dipercaya déning Rendra dadi paraga baku ing pamentasan téater Kisah Perjuangan Suku Naga.[1]

Sanajan dhèwèké wis nyemplung ing donya layar amba, Adi tetep dideleng dadi salah sawijining juru main pèntas kang duwé karakter.[1] Panampilané Adi ing layar amba wiwit agawé kawigatèn, sawisé dhèwèké mragakaké tokoh ing filem kang judhulé Gadis Penakluk (filem mau dirilis nalika taun 1980).[1] Liwat filem mau, jenengé mlebu ing nominasi Fèstival Film Indonésia (FFI) nalika taun 1981.[1] Ora mung iku, perané ing filem kang judhulé Putri Seorang Jendral (nalika taun 1981), arahan sutradhara Wim Umboh, uga agawe dhèwèké dadi saya mantep ing donya pafileman.[1]

Jeneng Kurdi ora kondhang ing masarakat manèh bebarengan karo mudhuné kuwalitas ing donya pafileman nasional, kang akiré nganteraké dhèwèké kanggo main ing donya sinétron. Kayata ing taun 1993 dhèwèké dadi paraga ing sinétron kang judhulé Sebening Air Matanya lan ing taun 1997 judhulé Kulawarga Cemara.[1]

Ing taun 2011, amarga ana kasus korupsi lan mafia ukum, agawe para prangkat ukum kang kuduné mbasmi malah njurung kang dibasmi.[2] Prihatin karo kadadèyan iku golongan advokat lan artis agawé pranyatan sekaliyan ndhéklarasikaké kaaMpak (komunitas advokat artis melawan praktek korupsi & mafia hukum).[2] Pandhéklarasian kang kabawah Firman Wijaya, S.H., dicawakaké ing Menara Da Vinci Penthouse Lanté 9, Jakarta, lan ditekani déning artis sarta lawyer kaya ta dhèwèké, Anwar Fuadi, Iwel lan Ferry Amahorseya, S.H., kang dadi koordinator kaaMpak.[2]

Sinématografi[besut | besut sumber]

Film[besut | besut sumber]

Film-filem kang tau dibintangi Adi Kurdi:

Sinétron[besut | besut sumber]

  • Sebening Air Matanya (1993)
  • Kulawarga Cemara (1997)

Cathetan sikil[besut | besut sumber]

  1. a b c d e f g h biografi Adi KUrdi diunduh tanggal 6 September 2011
  2. a b c berita Adi KUrdi diunduh tanggal 6 September 2011