Adeg-adeg (slametan)

Adeg-adeg utawa labuh tandur iku slametaning para tani Using ing Banyuwangi sing diadani sadurungé mangsa pananduré pari. Slametan iki awujud panyuwuning berkah marang (1) Allah^[1], (2) sing mbaureksa désa, lan (3) Déwi Sri amrih pariné didohaké saka bebaya ama. Para tani sing sawahé padha cedhak-cedhakan lumrahé ngadani slametan iki bareng dadi saji. Urut-urutan lakuné adeg-adeg ya iku: (1) ngobong menyan lan nyajèkaké sega urap (sega, jangan urap, lan manéka warna lawuh), (2) maca donga utawa mantra dipandhégani sawijining tani sing tinuwakaké, (3) para rawuh ngrahabi sajèn bebarengan, (4) nandur pari déning sawijining tani minangka sasmita pambukaning mangsa pananduring pari.^[2]

Réferènsi

↑ Dayak, Budiono (2017-10-14). "Adeg-adeg". Djaka Lodang. kc. 23.
↑ Sarmi, Ni Nyoman (2015). Khazanah Leksikon Lingkungan Alam dalam Dinamika Guyub Tutur Bahasa Using: Kajian Ekolinguistik (dhoktoral thesis).^{[pranala mati permanèn]}

[1] Dayak, Budiono (2017-10-14). "Adeg-adeg". Djaka Lodang. kc. 23.

[2] Sarmi, Ni Nyoman (2015). Khazanah Leksikon Lingkungan Alam dalam Dinamika Guyub Tutur Bahasa Using: Kajian Ekolinguistik (dhoktoral thesis).^{[pranala mati permanèn]}

[1]

[2]