12 Déwa Olimpus

Saka Wikipédia, bauwarna bébas basa Jawa
(Dilih saka 12 Dewa Olimpus)
Déwa-Dèwi Olimpus.
Wikibooks
Wikibooks Mitologi Yunani gadhah kaca kanthi sesirah

12 Déwa Olimpus ugi kawéntar kanthi sebatan Dodekatheon (Greek: δωδεκα /dodeka = 12, θεον /theon = dewa) wonten ing mitologi Yunani inggih punika déwa-dèwi utami Yunani ingkang mapan wonten ing pucuking redi Olimpus [1]. Kirang langkung wonten 17 déwa-dèwi ingkang dipunwastani 12 Déwa Olimpus sanajan cacahipun boten langkung sakng kalih welas ing satunggal dhaptar.

Déwa-Dèwi Olimpus[besut | besut sumber]

Zeus, Hera, Poseidon, Ares, Hermes, Hefaistos, Afrodit, Athena, Apollo lan Artemis [2] mesthi kalebet ing dhaptar Déwa-Dèwi Olimpus. Kalih saking Hebe, Helios, Hestia, Demeter, Dionisos, Hades, lan Persefone punika dados jangkepan saking sedasa déwa-dèwi kasebat.

Cariyos jangkepan[besut | besut sumber]

Hestia ngaturaken posisinipun minangka anggota Olimpus dhateng Dionisios supados saged gesang sesarengan kaliyan manungsa (pungkasan Hestia dipunangkat dados ingkang njagi pakunjaran latu wonten ing Olimpus) lajeng Hestia boten purun dipunwastani minangka anggota saking Olimpus. Persefone mapan 6 wulan saben taunipun kaliyan garwanipun, Hades ing donya saandhapipun siti (mitologinipun punika ingkang damel gersang ing mangsa gugur lan mangsa asrep). 6 wulan sanèsipun, Persefone pikantuk kondur ing Olimpus lan mapan kaliyan ibunipun, Demeter. Sanadyan Hades punika kalebet déwa utami Yunani, ananging amargi mapan wonten ing donya saandhapipun siti lajeng gegandhènganipun kaliyan Olimpus boten raket. Wonten ing cariyos sanèsipun, Helios maringaken papanipun kagem Apollo. Hebe, satunggaling ingkang mbeta cawan anggur kagem para déwa maringaken posisinipun ing Olimpus kanggé agarwa Herakles ingkang dados déwa Olimpus sasampunipun séda.

Karakteristik déwa[besut | besut sumber]

Saben déwa-dèwi ing mitologi Yunani kasebat paling boten kagungan satunggal unsur ingkang dipunkuwaosi lan dipunjagi. Unsur-unsur kasebat inggih punika :

  1. Zeus inggih punika pamimpin/raja para déwa, panguwaos Olimpus, déwa iklim, déwa thathit, lan cuaca.
  2. Hera, èstrinipun Zeus, ratu para déwa, inggih punika dèwi pangreksa bebrayan, pengorbanan, lan kasetyan.
  3. Poseidon inggih punika déwa segara, lindhu, lan bapa bangsa turangga.
  4. Ares inggih punika déwa perang lan "pembantaian".
  5. Hermes inggih punika déwa ingkang nedahaken mergi, ingkang njagi para petuwalang, para pangon, lan panghibur. Hermes punika ugi dados utusanipun déwa Zeus.
  6. Hefaistos inggih punika déwa geni"latu, tukang kajeng, pandhé wesi, lan pandamel gaman.
  7. Afrodit inggih punika dèwi katresnan, sèks, lan kaéndahan fisik.
  8. Athena inggih punika dèwi kawicaksanan, perang, kaéndahan jiwa, seni, lan pendhidhikan.
  9. Apollo inggih punika déwa srengéngé, cahya, musik, tarian, obat-obatan, lan pangreksa para pemanah.
  10. Artemis inggih punika dèwi rembulan, pangreksa kéwan, paburon, kasuburan, lan kasucian. Artemis punika kalebet kembaranipun Apollo.
  11. Demeter inggih punika dèwi sekat, tetaneman, panganan, argraris ,dan pangreksa ingkang sami bebrayan.
  12. Hestia inggih punika dèwi pangreksa griya, kulawarga, lan perapian [3].

Cathetan suku[besut | besut sumber]

  1. ^ [1], (id) Mitologi Yunani - 12 Dewa Olimpus (dipunaksès tanggal 29 Januari 2013) .
  2. ^ [2], (id) Para Titan dan 12 Dewa (dipunakses tanggal 29 Januari 2013) .
  3. ^ [3], (id) Dewa Yunani (dipunaksès tanggal 29 Januari 2013) .

Pranala njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=12_Déwa_Olimpus&oldid=1060639"