ꦥꦱꦶꦱꦶꦂꦱꦼꦩ꧀ꦧꦸꦏꦤ꧀

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

ꦥꦱꦶꦱꦶꦂꦱꦼꦩ꧀ꦲꦸꦏꦤ꧀ ꦔ꧀ꦒꦶꦃꦥꦸꦤꦶꦏꦱꦠꦸꦁꦒꦭꦶꦁꦥꦱꦶꦱꦶꦂꦲꦶꦁꦏꦁꦮꦺꦴꦤ꧀ꦠꦼꦤ꧀ ꦲꦶꦁ ꦏꦕꦩꦠꦤ꧀ꦥꦫꦁꦒꦸꦥꦶꦠ ꦏꦨꦸꦥꦠꦺꦤ꧀ꦮꦤꦒꦶꦫꦶ ꦗꦮꦠꦼꦔꦃ꧉ ꦥꦱꦶꦱꦶꦂꦥꦸꦤꦶꦏꦢꦢꦺꦴꦱ꧀ꦱꦭꦃꦱꦠꦸꦁꦒꦭꦶꦁꦥꦁꦒꦺꦤꦤ꧀ꦮꦶꦱꦠꦥꦤ꧀ꦠꦻꦲꦶꦁꦏꦁꦏꦺꦴꦤ꧀ꦣꦁꦲꦶꦁꦏꦧꦸꦥꦠꦺꦤ꧀ꦮꦤꦒꦶꦫꦶ꧉ ꦥꦱꦶꦱꦶꦂꦩꦼꦤꦶꦏꦲꦸꦒꦶꦲꦱꦿꦶꦁꦢꦶꦥꦸꦤ꧀ꦱꦼꦧꦠ꧀ꦩꦶꦤꦁꦏ ꦥꦱꦶꦱꦶꦂꦥꦫꦁꦒꦸꦥꦶꦠ ꦲꦩꦂꦒꦶꦥꦁꦒꦺꦤꦤꦶꦥꦸꦤ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁ ꦢꦺꦱꦥꦫꦁꦒꦸꦥꦶꦠ꧉

ꦥꦱꦶꦱꦶꦂꦤꦶꦏꦶꦒꦣꦃꦕꦶꦫꦶꦲꦸꦠꦩꦶꦲꦮꦸꦗꦸꦢ꧀ꦮꦠꦸꦏꦫꦁꦲꦶꦁꦏꦁꦲꦒꦼꦁ ꦭꦤ꧀ꦒꦸꦩꦸꦏ꧀ꦒꦩ꧀ꦥꦶꦁꦲꦶꦁꦱꦲꦸꦧꦼꦔꦶꦥꦸꦤ꧀꧉ ꦥꦱꦶꦱꦶꦂꦱꦼꦩ꧀ꦧꦸꦏꦤ꧀ꦤꦶꦏꦶꦲꦸꦒꦶꦒꦣꦃꦲꦗꦶꦏꦧꦠꦶꦤꦤ꧀ꦲꦶꦁꦏꦁꦏꦶꦪꦠ꧀ꦏꦒꦼꦩ꧀ꦩꦱꦫꦏꦠ꧀ꦗꦮꦶ ꦲꦸꦠꦩꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦮꦼꦮꦼꦁꦏꦺꦴꦤ꧀ꦱꦭꦫꦪ ꦲꦩꦂꦒꦶꦥꦱꦶꦱꦶꦂꦤꦶꦏꦶꦢꦶꦫꦸꦤ꧀ꦥꦶꦠꦢꦺꦴꦱ꧀ꦩꦶꦤꦁꦏꦱꦭꦃꦱꦠꦸꦁꦒꦭꦶꦥꦸꦤ꧀ꦏꦺꦴꦫꦶꦠꦸꦩꦸꦗꦸꦣꦠꦼꦁ ꦏꦿꦠꦺꦴꦤꦏꦚ꧀ꦗꦼꦁꦫꦠꦸꦱꦼꦒꦫꦏꦶꦢꦸꦭ꧀꧉^[1]

ꦏꦲꦤꦤ꧀

ꦮꦼꦮꦼꦁꦏꦺꦴꦤ꧀ꦥꦱꦶꦱꦶꦂꦱꦼꦩ꧀ꦧꦸꦏꦤ꧀ ꦠꦱꦶꦃꦏꦭꦼꦧꦼꦠ꧀ꦥꦺꦫꦔꦤ꧀ꦱꦏꦶꦁꦮꦼꦮꦼꦁꦏꦺꦴꦤ꧀ ꦥꦼꦒꦸꦤꦸꦔꦤ꧀ꦱꦺꦮꦸ꧉ ꦕꦶꦫꦶꦲꦸꦠꦩꦶꦱꦏꦶꦁꦮꦼꦮꦼꦁꦏꦺꦴꦤ꧀ꦥꦱꦶꦱꦶꦂꦤꦶꦏꦶ ꦔ꧀ꦒꦶꦃꦥꦸꦤꦶꦏꦮꦼꦣꦶꦥꦸꦠꦶꦃ ꦫꦼꦫꦁꦏꦼꦤ꧀ꦫꦼꦢꦶꦒꦩ꧀ꦥꦶꦁꦱꦲꦸꦧꦼꦔꦶꦥꦸꦤ ꦱꦲꦠꦼꦧꦶꦁꦠꦼꦧꦶꦁꦲꦶꦁꦏꦁꦕꦸꦫꦩ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦏꦶꦮꦠꦼꦔꦼꦤꦶꦥꦸꦤ꧀꧉ ꦠꦼꦧꦶꦁꦠꦼꦧꦶꦁꦥꦸꦤꦶꦏꦲꦸꦒꦶꦢꦢꦺꦴꦱ꧀ꦥꦁꦒꦺꦤꦤ꧀ꦥꦼꦏ꧀ꦱꦶꦮꦭꦺꦠ꧀ ꦤ꧀ꦢꦩꦼꦭ꧀ꦱꦸꦱꦸꦤꦶꦥꦸꦤ꧀꧉ ^[2]

ꦄꦏ꧀ꦱꦺꦱ꧀ꦭꦤ꧀ꦱꦫꦤ

ꦥꦱꦶꦱꦶꦂꦱꦼꦩ꧀ꦧꦸꦏꦤ꧀ꦤꦶꦏꦶꦕꦼꦭꦏ꧀ꦏꦭꦶꦪꦤ꧀ꦥꦱꦶꦱꦶꦂꦱꦤꦺꦱꦶꦥꦸꦤ꧀ꦲꦶꦁꦱꦶꦱꦶꦃꦏꦶꦢꦸꦭ꧀ꦮꦤꦒꦶꦫꦶ ꦔ꧀ꦒꦶꦃꦥꦸꦤꦶꦏꦥꦱꦶꦱꦶꦂꦏ꧀ꦭꦺꦴꦠꦺꦴꦏ꧀ ꦥꦱꦶꦱꦶꦂꦏꦭꦶꦩꦶꦫꦃ ꦥꦱꦶꦱꦶꦂꦤꦩ꧀ꦥꦸ ꦭꦤ꧀ꦥꦱꦶꦱꦶꦂꦭꦶꦪꦤ꧀꧉ ꦣꦠꦼꦔꦶꦥꦸꦤꦥꦱꦶꦱꦶꦂꦤꦶꦏꦶꦱꦏꦶꦁꦏꦸꦡꦠꦿꦗꦤ꧀ ꦏꦨꦸꦥꦠꦺꦤ꧀ꦮꦤꦒꦶꦫꦶ ꦔ꧀ꦒꦶꦃꦩꦼꦤꦶꦏ ±48 km ꦏꦤ꧀ꦡꦶꦮꦼꦏ꧀ꦢꦭ꧀ꦠꦼꦩ꧀ꦥꦸꦃ 50 ꦩꦼꦤꦶꦠ꧀꧉^[3]

ꦲꦩꦂꦒꦶꦏꦲꦤꦤꦶꦥꦸꦤ꧀ꦲꦶꦁꦏꦁꦏꦡꦃꦫꦼꦢꦶꦒꦩ꧀ꦥꦶꦁ ꦮꦼꦮꦼꦁꦏꦺꦴꦤ꧀ꦥꦱꦶꦱꦶꦂꦱꦼꦩ꧀ꦧꦸꦏꦤ꧀ꦒꦣꦃꦩꦂꦒꦶꦲꦤ꧀ꦣꦲꦶꦁꦱꦢꦮꦤꦶꦥꦤꦸꦤ꧀ꦫꦼꦢꦶꦒꦩ꧀ꦥꦶꦁ ꦏꦁꦒꦺꦱꦒꦼꦢ꧀ꦤꦶꦔꦭꦶꦱꦼꦱꦮꦔꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦱꦶꦱꦶꦂꦥꦸꦤꦶꦏ꧉ ꦱꦤꦼꦱꦶꦥꦸꦤ꧀ ꦮꦼꦮꦼꦁꦏꦺꦴꦤ꧀ꦥꦱꦶꦱꦶꦂꦤꦶꦏꦶꦚꦮꦶꦱꦏꦼꦤ꧀ꦥꦁꦒꦺꦤꦤ꧀ꦣꦭꦂ ꦥꦱꦫꦺꦪꦤ꧀ ꦗꦩ꧀ꦧꦤ꧀ ꦩꦸꦱꦭ꧀ꦭ ꦒꦱ꦳ꦺꦧꦺꦴ ꦭꦤ꧀ꦥꦁꦒꦺꦤꦤ꧀ꦱꦼꦩꦺꦢꦶ꧉^[2]

ꦠꦿꦢꦶꦱꦶꦭꦤ꧀ꦭꦼꦒꦺꦤ꧀ꦢ

ꦩꦱꦫꦏꦠ꧀ꦗꦮꦶ ꦲꦸꦠꦩꦶꦤꦶꦥꦸꦤ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦮꦤꦒꦶꦫꦶꦭꦤ꧀ꦱꦏꦶꦮꦠꦼꦔꦼꦤꦶꦥꦸꦤ꧀ ꦩꦶꦠꦢꦺꦴꦱꦶꦧꦶꦭꦶꦃꦥꦱꦶꦱꦶꦂꦱꦼꦩ꧀ꦧꦸꦏꦤ꧀ꦩꦶꦤꦁꦏꦱꦭꦃꦱꦠꦸꦁꦒꦭꦶꦁꦏꦺꦴꦫꦶꦲꦸꦠꦩꦶꦠꦸꦩꦸꦗꦸꦣꦠꦼꦁꦏꦿꦠꦺꦴꦤ꧀ ꦏꦚ꧀ꦗꦼꦁꦫꦠꦸꦲꦪꦸꦏꦼꦚ꧀ꦕꦤꦲꦢꦶꦱꦫꦶ꧉ ꦥꦱꦶꦱꦶꦂꦤꦶꦏꦶꦢꦶꦥꦸꦤ꧀ꦥꦶꦠꦢꦺꦴꦱꦶꦩꦶꦤꦁꦏꦥꦁꦒꦺꦤꦤ꧀ꦥꦼꦥꦁꦒꦶꦲꦤ꧀ꦥꦫ ꦱꦶꦤꦸꦲꦸꦤ꧀ꦏꦱꦸꦤꦤꦤ꧀ꦱꦸꦫꦏꦂꦠꦲꦢꦶꦤꦶꦁꦫꦠ꧀ꦱꦲꦥꦫꦲꦢꦶꦥꦠꦶꦩꦁꦏꦸꦤꦼꦒꦫꦤ꧀ ꦏꦭꦶꦪꦤ꧀ꦏꦚ꧀ꦗꦼꦁꦫꦠꦸꦲꦪꦸꦏꦼꦚ꧀ꦕꦤꦲꦗꦶꦱꦫꦶ ꦲꦸꦠꦮꦶꦏꦚ꧀ꦗꦼꦁꦫꦠꦸꦏꦶꦢꦸꦭ꧀꧉ ꦥꦱꦶꦱꦶꦂꦩꦼꦤꦶꦏꦲꦸꦒꦶꦢꦢꦺꦴꦱ꧀ꦥꦺꦫꦔꦤ꧀ꦲꦸꦠꦩꦶꦱꦏꦶꦁꦏꦶꦧ꧀ꦭꦠ꧀ꦱꦼꦏꦮꦤ꧀ ꦏꦿꦠꦺꦴꦤ꧀ꦏꦱꦸꦤꦤꦤ꧀ꦱꦸꦫꦏꦂꦠꦲꦢꦶꦤꦁꦫꦠ꧀꧉^[1]

ꦲꦩꦂꦒꦶꦥꦱꦶꦱꦶꦂꦤꦶꦏꦶꦒꦣꦃꦄꦗꦶꦏꦧꦠꦶꦤꦤ꧀ꦲꦶꦁꦏꦁꦲꦒꦶꦁ ꦠꦿꦣꦶꦱꦶꦲꦸꦥꦕꦫꦭꦧꦸꦲꦤꦒꦼꦁꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦱꦧꦼꦤ꧀ꦠꦲꦸꦤ꧀ ꦲꦶꦁꦠꦁꦒꦭ꧀ 1 ꦱꦸꦫ꧉ ꦲꦸꦥꦲꦸꦥꦕꦫꦭꦧꦸꦲꦤꦒꦼꦁꦥꦱꦶꦱꦶꦂꦱꦼꦩ꧀ꦧꦸꦏꦤ꧀ꦢꦶꦥꦸꦤ꧀ꦠꦶꦤ꧀ꦢꦏꦏꦼꦤ꧀ꦏꦤ꧀ꦡꦶ ꦔ꧀ꦭꦫꦸꦁꦏꦱꦶꦭ꧀ꦥꦤꦺꦤ꧀ꦭꦤ꧀ꦫꦗꦏꦪꦣꦠꦼꦁꦱꦼꦒꦫꦏꦶꦢꦸꦭ꧀ꦩꦶꦤꦁꦏꦮꦸꦗꦸꦢ꧀ꦫꦎꦱ꧀ꦱꦸꦏꦸꦂ ꦱꦲꦥꦚꦸꦮꦸꦤꦤ꧀ꦥꦔꦪꦺꦴꦩꦤ꧀ꦱꦏꦶꦁꦱꦶꦢꦪꦧꦼꦧꦪ꧉ ꦠꦿꦣꦶꦱꦶꦲꦸꦥꦕꦫꦭꦧꦸꦲꦤ꧀ꦩꦼꦤꦶꦏꦱꦩ꧀ꦥꦸꦤ꧀ꦢꦶꦥꦸꦤ꧀ꦭꦩ꧀ꦥꦲꦶꦮꦶꦮꦶꦠ꧀ꦗꦩꦤ꧀ꦩꦁꦏꦸꦤꦒꦫꦏꦥꦶꦁ 4꧉^[4]

ꦢꦺꦭꦺꦁꦲꦸꦒ

ꦫꦸꦗꦸꦏꦤ꧀

1 2 Robson, Stuart (2007). The Kraton, KITLV Press 2003. Leiden, the Netherlands. ISBN 978-90-6718-131-0.
1 2 "Pantai Sembukan (ꦥꦤ꧀ꦠꦻꦱꦼꦩ꧀ꦧꦸꦏꦤ꧀)" (ing basa Indonesia). ꦥꦩꦫꦺꦤ꧀ꦠꦃꦏꦧꦸꦥꦠꦺꦤ꧀ꦮꦤꦒꦶꦫꦶ. Dibukak ing 1 Sep 2026.
↑ "Pantai Sembukan – ꦥꦤ꧀ꦠꦻꦱꦼꦩ꧀ꦧꦸꦏꦤ꧀" (ing basa Indonesia). ꦢꦶꦤꦱ꧀ꦥꦫꦶꦮꦶꦱꦠꦥꦿꦺꦴꦮ꦳ꦶꦤ꧀ꦱꦶꦗꦠꦼꦁ. Dibukak ing 2 Sep 2026.
↑ "ꦭꦧꦸꦲꦤꦒꦸꦁꦥꦤ꧀ꦠꦻꦱꦼꦩ꧀ꦲꦸꦏꦤ꧀ꦥꦫꦁꦒꦸꦥꦶꦠ" (ing basa Indonesia). Disarpus Kab. Wonogiri. Dibukak ing 2 Sep 2026.

[kraton_kitlv-1] 1 2 Robson, Stuart (2007). The Kraton, KITLV Press 2003. Leiden, the Netherlands. ISBN 978-90-6718-131-0.

[Wonogiren-2] 1 2 "Pantai Sembukan (ꦥꦤ꧀ꦠꦻꦱꦼꦩ꧀ꦧꦸꦏꦤ꧀)" (ing basa Indonesia). ꦥꦩꦫꦺꦤ꧀ꦠꦃꦏꦧꦸꦥꦠꦺꦤ꧀ꦮꦤꦒꦶꦫꦶ. Dibukak ing 1 Sep 2026.

[3] "Pantai Sembukan – ꦥꦤ꧀ꦠꦻꦱꦼꦩ꧀ꦧꦸꦏꦤ꧀" (ing basa Indonesia). ꦢꦶꦤꦱ꧀ꦥꦫꦶꦮꦶꦱꦠꦥꦿꦺꦴꦮ꦳ꦶꦤ꧀ꦱꦶꦗꦠꦼꦁ. Dibukak ing 2 Sep 2026.

[4] "ꦭꦧꦸꦲꦤꦒꦸꦁꦥꦤ꧀ꦠꦻꦱꦼꦩ꧀ꦲꦸꦏꦤ꧀ꦥꦫꦁꦒꦸꦥꦶꦠ" (ing basa Indonesia). Disarpus Kab. Wonogiri. Dibukak ing 2 Sep 2026.

[1]

[2]

[3]

[4]