ꦠꦺꦃꦠꦫꦶꦏ꧀
꧋ꦠꦺꦃꦠꦫꦶꦏ꧀ꦲꦶꦁꦒꦶꦃꦥꦸꦤꦶꦏꦲꦸꦚ꧀ꦗꦸꦏꦤ꧀ꦊꦒꦶꦲꦶꦁꦏꦁꦮꦸꦗꦸꦢ꧀ꦠꦺꦃꦲꦶꦁꦏꦁꦢꦶꦥꦸꦤ꧀ꦕꦩ꧀ꦥꦸꦂꦏꦭꦶꦪꦤ꧀ꦱꦸꦱꦸꦲꦶꦁꦏꦁꦭꦶꦩꦿꦲꦶꦥꦸꦤ꧀ꦏꦥꦁꦒꦶꦲꦏꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦄꦱꦶꦪꦏꦶꦢꦸꦭ꧀ꦮꦺꦠꦤ꧀꧈ꦩ꧀ꦭꦶꦒꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦩꦭꦻꦱꦶꦪ꧉ꦥꦢꦠꦤꦶꦥꦸꦤ꧀ꦲꦸꦚ꧀ꦗꦸꦏꦤ꧀ꦥꦸꦤꦶꦏꦢꦺꦴꦥꦸꦤ꧀ꦱꦢꦺꦢꦺꦤꦶꦁꦥꦫꦩꦩꦏ꧀(ꦠꦶꦪꦁꦆꦤ꧀ꦝꦶꦪꦩꦸꦱ꧀ꦭꦶꦩ꧀)ꦮꦺꦴꦤ꧀ꦠꦼꦤ꧀ꦲꦶꦁꦩꦭꦻꦱꦶꦪꦭꦤ꧀ꦱꦶꦔꦥꦸꦫ꧈ꦲꦶꦁꦏꦁꦤ꧀ꦢꦝꦺꦴꦱꦏꦼꦤ꧀ꦠꦺꦃꦠꦫꦶꦏ꧀ꦥꦸꦤꦶꦏꦢꦝꦺꦴꦱ꧀ꦲꦸꦚ꧀ꦗꦸꦏꦤ꧀ꦤꦱꦶꦪꦺꦴꦤꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦫꦮꦻꦴ꧉ꦲꦸꦚ꧀ꦗꦸꦏꦤ꧀ꦥꦸꦤꦶꦏꦲꦸꦒꦶꦱꦒꦼꦢ꧀ꦏꦥꦁꦒꦶꦲꦏꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦥꦺꦫꦔꦤ꧀ꦥꦥꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦆꦤ꧀ꦝꦺꦴꦤꦺꦱꦶꦪ꧈ꦲꦶꦁꦲꦤ꧀ꦠꦮꦶꦱꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦫꦶꦪꦻꦴ꧈ꦏꦼꦥꦸꦭꦺꦴꦮꦤ꧀ꦫꦶꦪꦻꦴꦭꦤ꧀ꦄꦕꦺꦃ(ꦱꦶꦤꦼꦧꦠ꧀ꦠꦺꦃꦠꦫꦺꦏ꧀)꧉
ꦌꦠꦶꦩꦺꦴꦭꦺꦴꦒꦶ
[besut | besut sumber]꧋ꦠꦺꦃꦠꦫꦶꦏ꧀ꦏꦤ꧀ꦛꦶꦧꦫꦺꦱ꧀ꦲꦠꦼꦒꦼꦱ꧀ꦠꦺꦃꦲꦶꦁꦏꦁꦢꦶꦥꦸꦤ꧀ꦠꦫꦶꦏ꧀꧈ꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦭꦏꦺꦴꦤꦶꦢꦺꦤꦶꦁꦥꦼꦔꦿꦗꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦼꦢꦻꦩꦩꦏ꧀ꦆꦤ꧀ꦝꦶꦪꦤꦭꦶꦏꦢꦩꦼꦭ꧀ꦝꦲꦫꦤ꧀ꦥꦸꦤꦶꦏ꧉ꦠꦺꦃꦭꦤ꧀ꦱꦸꦱꦸꦢꦶꦥꦸꦚ꧀ꦕꦸꦫꦏꦺꦤ꧀ꦲꦶꦁꦲꦤ꧀ꦠꦮꦶꦱꦶꦥꦸꦤ꧀ꦏꦭꦶꦃꦕꦁꦏꦶꦂꦏꦤ꧀ꦛꦶꦠꦼꦫꦸꦱ꧀ꦠꦼꦫꦸꦱꦤ꧀ꦢꦸꦩꦸꦒꦶꦠꦺꦏ꧀ꦱ꧀ꦠꦸꦫꦶꦥꦸꦤ꧀ꦩꦸꦩ꧀ꦥ꧀ꦭꦸꦏ꧀꧈ꦠꦶꦪꦁꦲꦶꦁꦏꦁꦢꦩꦼꦭ꧀ꦠꦺꦃꦠꦼꦫꦶꦏ꧀ꦲꦶꦁꦏꦁꦥꦿꦶꦒꦺꦭ꧀ꦏꦝꦺꦴꦱ꧀ꦢꦺꦤꦺꦱꦼꦤꦶꦩꦤ꧀꧈ꦧꦺꦴꦠꦼꦤ꧀ꦤꦠꦺꦔꦸꦠꦲꦏꦺꦤ꧀ꦱꦶꦤꦲꦺꦴꦱꦤꦩꦸꦁꦱꦼꦠꦺꦠꦺꦱ꧀꧈ꦭꦁꦏꦸꦁꦱꦏꦶꦁꦏꦥꦿꦶꦒꦺꦭꦤ꧀ꦤꦼꦢꦲꦏꦺꦤ꧀ꦭꦤ꧀ꦲꦸꦒꦶꦠꦿꦝꦶꦱꦶ꧈ꦔꦼꦕꦸꦫꦏꦺꦤ꧀ꦠꦺꦃꦠꦫꦶꦏ꧀ꦥꦸꦤꦶꦏꦒꦢꦃꦲꦚ꧀ꦕꦱ꧀ꦱꦸꦥꦝꦺꦴꦱ꧀ꦠꦼꦲꦶꦥꦸꦤ꧀ꦱꦒꦺꦢ꧀ꦲꦝꦼꦩ꧀ꦭꦤ꧀ꦔꦱꦶꦭꦏꦼꦤ꧀ꦲꦸꦩ꧀ꦥ꧀ꦭꦸꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦲꦸꦚ꧀ꦗꦸꦏꦤ꧀ꦮꦻꦴ꧉
ꦏꦤ꧀ꦢꦸꦠꦤ꧀
[besut | besut sumber]꧋ꦲꦸꦚ꧀ꦗꦸꦏꦤ꧀ꦥꦸꦤꦶꦏꦮꦸꦗꦸꦢ꧀ꦠꦺꦃꦲꦶꦁꦏꦁꦢꦶꦥꦸꦤ꧀ꦕꦸꦫꦏꦼꦤ꧀ꦱꦏꦶꦁꦒꦼꦭꦱ꧀ꦱꦼꦠꦸꦁꦒꦭ꧀ꦢꦠꦼꦁꦒꦼꦭꦱ꧀ꦱꦤꦺꦱꦶꦥꦸꦤ꧀꧈ꦤꦭꦶꦏꦥꦿꦺꦴꦱꦺꦱ꧀ꦤꦫꦶꦏ꧀ꦠꦺꦃꦥꦸꦤꦶꦏ꧈ꦏꦤ꧀ꦢꦸꦠꦤꦶꦥꦸꦤ꧀ꦢꦢꦺꦴꦱ꧀ꦱꦤ꧀ꦱꦪꦥꦼꦏꦠ꧀ꦭꦤ꧀ꦲꦫꦺꦴꦩꦤꦶꦥꦸꦤ꧀ꦱꦒꦼꦢ꧀ꦩꦼꦢꦭ꧀꧈ꦏꦼꦗꦮꦶꦥꦸꦤꦶꦏ꧈ꦥꦿꦺꦴꦱꦺꦱ꧀ꦤꦫꦶꦏ꧀ꦠꦺꦃꦏꦱꦼꦧꦠ꧀ꦲꦸꦒꦶꦱꦒꦼꦣ꧀ꦩ꧀ꦧꦶꦪꦤ꧀ꦠꦸꦏꦁꦒꦺꦔꦢꦼꦩꦏꦼꦤ꧀ꦲꦸꦚ꧀ꦗꦸꦏꦤ꧀ꦭꦤ꧀ꦢꦩꦼꦭ꧀ꦲꦸꦩ꧀ꦥ꧀ꦭꦸꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦏ꧀ꦔꦶꦁꦒꦶꦭꦶꦥꦸꦤ꧀ꦲꦸꦚ꧀ꦗꦸꦏꦤ꧀ꦲꦶꦁꦏꦁꦱꦒꦼꦢ꧀ꦮꦺꦴꦤ꧀ꦠꦼꦤ꧀ꦲꦩꦂꦒꦶꦏꦤ꧀ꦢꦸꦠꦤ꧀ꦒꦸꦭꦲꦶꦁꦱꦗꦿꦺꦴꦤꦶꦁꦠꦺꦴꦪꦠꦺꦃ꧉
꧋ꦠꦺꦃꦠꦫꦶꦏ꧀ꦭꦤ꧀ꦠꦺꦃꦌꦱ꧀ꦥꦸꦤꦶꦏꦏꦭꦺꦧꦺꦠ꧀ꦲꦸꦚ꧀ꦗꦸꦏꦤ꧀ꦲꦶꦁꦏꦁꦏꦛꦃꦢꦶꦥꦸꦤ꧀ꦱꦢꦺꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪꦝꦲꦂꦥꦫꦩꦩꦏ꧀ꦭꦤ꧀ꦥꦝꦠꦤꦶꦥꦸꦤ꧀ꦢꦶꦥꦸꦤ꧀ꦲꦸꦚ꧀ꦗꦸꦏ꧀ꦱꦉꦁꦏꦭꦶꦪꦤ꧀ꦝꦲꦫꦤ꧀ꦏꦝꦺꦴꦱ꧀ꦢꦺꦤꦺꦱꦼꦏꦸꦭ꧀ꦊꦩꦏ꧀꧈ꦫꦺꦴꦠꦶꦕꦤꦻ꧈ꦫꦺꦴꦠꦶꦠꦶꦒꦤ꧀ꦲꦸꦠꦮꦶꦫꦺꦴꦠꦶꦠꦺꦩ꧀ꦥꦪꦤ꧀꧉ꦧꦸꦧꦸꦏ꧀ꦠꦺꦃꦲꦶꦁꦏꦁꦢꦶꦥꦸꦤ꧀ꦱꦢꦺꦏꦶꦭꦺꦴꦮꦤ꧀ꦲꦱꦿꦶꦁꦢꦶꦥꦸꦤ꧀ꦲꦶꦤꦏꦏꦼꦤ꧀ꦏꦁꦒꦺꦤ꧀ꦢꦩꦼꦭ꧀ꦠꦺꦃꦠꦫꦶꦏ꧀꧈ꦱꦏ꧀ꦱꦩ꧀ꦥꦸꦤꦶꦥꦸꦤ꧀ꦢꦶꦥꦸꦤ꧀ꦱꦼꦢꦸꦃ꧈ꦠꦺꦃꦭꦗꦼꦁꦢꦶꦥꦸꦤ꧀ꦱꦫꦶꦁꦏꦤ꧀ꦛꦶꦔ꧀ꦒꦶꦤꦏꦏꦺꦤ꧀ꦏꦻꦤ꧀ꦏꦱꦭꦤ꧀ꦢꦶꦥꦸꦤ꧀ꦕꦩ꧀ꦥꦸꦂꦏꦭꦶꦪꦤ꧀ꦱꦸꦱꦸꦏꦼꦤ꧀ꦠꦭ꧀ꦩꦤꦶꦱ꧀꧉