Menyang kontèn

ꦏꦧꦸꦥꦠꦺꦤ꧀ꦏꦫꦁꦲꦚꦂ

Tambah pranala
Saka Wikipédia Jawa, bauwarna mardika basa Jawa
     
Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.
ꦏꦫꦁꦲꦚꦂ
كَبُڤَتَينْ کَرَڠْاَڽَرْ
ꦑꦧꦸꦥꦠꦺꦤ꧀ꦑꦫꦁꦲꦚꦂ
ꦏꦧꦸꦥꦠꦺꦤ꧀

Lambang
Sesanti: ꦏꦫꦁꦲꦚꦂꦠꦼꦤ꧀ꦠꦼꦫꦩ꧀
(ꦠꦼꦤꦁ ꦠꦼꦢꦸꦃ ꦫꦥꦶ ꦲꦩꦤ꧀ ꦩꦏ꧀ꦩꦸꦂ)

ꦥꦼꦂꦤꦲꦺꦏꦫꦁꦲꦚꦂꦲꦶꦁꦗꦮꦠꦼꦔꦃ
ꦤꦒꦫꦆꦤ꧀ꦢꦺꦴꦤꦺꦱꦶꦪ
ꦥꦿꦺꦴꦮ꦳ꦶꦤ꧀ꦱꦶꦗꦮꦠꦼꦔꦃ
ꦢꦶꦤ꧀ꦠꦼꦤ꧀ꦢꦢꦺꦴꦱ18 ꦤꦺꦴꦥꦺꦩ꧀ꦧꦼꦂ 1917
ꦏꦸꦛꦏꦿꦗꦤ꧀ꦏꦫꦁꦲꦚꦂ
Pamaréntahan
 • ꦧꦸꦥꦠꦶꦗꦸꦭꦶꦄꦠ꧀ꦩꦺꦴꦤꦺꦴ
Laladan
 • Gunggung800,20 km2 (30,900 sq mi)
Cacah warga (ꦱꦺꦤ꧀ꦱꦸꦱ꧀ 2003)
 • Gunggung750,000
 • Pepadhet9,4/km2 (24/sq mi)
ꦧꦼꦧꦿꦪꦤ꧀
 • ꦮꦺꦴꦁꦗꦮ, ꦄꦫꦧ꧀, ꦕꦶꦤ ꦭꦤ꧀ꦭꦶꦪꦤꦺ
 • ꦧꦱꦗꦮ ꦭꦤ꧀ ꦆꦤ꧀ꦢꦺꦴꦤꦺꦱꦶꦪ
 • ꦄꦒꦩꦆꦱ꧀ꦭꦩ꧀, ꦏꦿꦶꦱ꧀ꦠꦼꦤ꧀ꦥꦿꦺꦴꦠꦺꦱ꧀ꦠꦤ꧀, ꦏꦠꦸꦭꦶꦏ꧀, ꦲꦶꦤ꧀ꦢꦸ, ꦧꦸꦢ꧀ꦣ
Zona wektuWIK (UTC+7)
Kodhe laladan(+62) 271
Situs wèbwww.karanganyarkab.go.id
(ing basa Indonésia)

ꦏꦧꦸꦥꦠꦺꦤ꧀ꦏꦫꦁꦲꦚꦂ (Pegon: كَبُڤَتَينْ کَرَڠْاَڽَرْ), ꦤꦶꦏꦸꦏꦧꦸꦥꦠꦺꦤ꧀ꦲꦶꦁꦗꦮꦠꦼꦔꦃ ꦥꦁꦒꦺꦴꦤꦤꦺꦲꦶꦁꦱꦶꦱꦶꦃꦮꦺꦠꦤ ꦏꦸꦛꦱꦸꦫꦏꦂꦠ꧉ ꦏꦸꦛꦏꦿꦗꦤ꧀ꦏꦧꦸꦥꦠꦺꦤ꧀ꦤꦶꦏꦶꦮꦺꦴꦤ꧀ꦠꦼꦤ꧀ꦲꦶꦁꦏꦫꦁꦲꦚꦂ꧉ ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀ꦏꦧꦸꦥꦠꦺꦤ꧀ꦤꦶꦏꦶ ±800,20 km2꧉

ꦱꦗꦫꦃ

[besut | besut sumber]

ꦮꦶꦮꦶꦠꦤꦶꦥꦸꦤ꧀

[besut | besut sumber]

ꦏꦫꦁꦲꦚꦂꦗꦩꦤ꧀ꦫꦸꦩꦶꦪꦶꦤ꧀ꦪꦲꦶꦏꦸꦢꦸꦏꦸꦃꦕꦶꦭꦶꦏ꧀ ꦱꦶꦁꦭꦻꦫꦺꦠꦁꦒꦭ꧀ 19 ꦄꦥꦿꦶꦭ꧀ 1745 ꦲꦸꦠꦮ 16 ꦩꦻꦴꦭꦸꦢ꧀ 1670꧉ ꦥꦮꦺꦴꦔꦤ꧀ꦏꦁꦒꦮꦺꦗꦼꦤꦼꦁꦏꦫꦁꦲꦚꦂꦪꦤꦶꦏꦸ ꦫꦢꦺꦤ꧀ꦩꦱ꧀ꦱꦆꦢ꧀ ꦲꦸꦠꦮꦏꦁꦏꦺꦴꦤ꧀ꦣꦁꦲꦫꦤ꧀ ꦥꦔꦺꦫꦤ꧀ꦱꦩ꧀ꦧꦼꦂꦚꦮ꧉ ꦕꦶꦏꦭ꧀ꦧꦏꦭꦺꦭꦭꦢꦤ꧀ꦏꦫꦁꦲꦚꦂꦱꦏ ꦫꦢꦺꦤꦲꦪꦸꦢꦶꦥꦤꦒꦫꦲꦸꦠꦮꦚꦶꦃꦒꦼꦁꦏꦫꦁ ꦏꦁꦗꦼꦤꦼꦁꦠꦶꦩꦸꦫꦺ ꦫꦢꦺꦤꦲꦪꦸꦱꦸꦭ꧀ꦧꦶꦪꦃ꧉ ꦲꦶꦁꦮꦼꦏ꧀ꦠꦸꦤꦶꦏꦸꦏꦫꦁꦲꦚꦂꦏꦭꦼꦧꦼꦠ꧀ꦲꦶꦁꦮꦼꦮꦼꦁꦏꦺꦴꦤ꧀ꦏꦱꦸꦤꦤꦤ꧀ꦱꦸꦫꦏꦂꦠꦏꦤ꧀ꦡꦶꦱꦶꦤꦸꦲꦸꦤ꧀ ꦱꦿꦶꦥꦏꦸꦧꦸꦮꦤꦏꦥꦶꦁ 2꧉

ꦥꦿꦗꦤ꧀ꦗꦺꦤ꧀ꦒꦶꦪꦤ꧀ꦠꦶ

[besut | besut sumber]

ꦥꦿꦗꦤ꧀ꦗꦺꦤ꧀ꦒꦶꦪꦤ꧀ꦠꦶꦠꦁꦒꦭ꧀ 13 ꦥ꦳ꦺꦧꦿꦸꦄꦫꦶ 1755 ꦲꦤ꧀ꦠꦫꦤꦺꦱꦸꦤꦤ꧀ꦥꦏꦸꦧꦸꦮꦤꦏꦥꦶꦁ 3 ꦭꦤ꧀ ꦥꦔꦺꦫꦤ꧀ꦩꦁꦏꦸꦧꦸꦩꦶꦏꦁꦲꦶꦱꦶꦤꦺꦩꦶꦱꦃꦏꦿꦗꦤ꧀ꦩꦠꦫꦩ꧀ꦢꦢꦺꦴꦱ꧀ 2 ꦮꦼꦮꦼꦁꦏꦺꦴꦤ꧀ ꦪꦤꦶꦏꦸꦏꦱꦸꦤꦤꦤ꧀ꦱꦸꦫꦏꦂꦠ ꦭꦤ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧉ ꦲꦶꦁ 1847 ꦱꦿꦶꦥꦢꦸꦏꦩꦁꦏꦸꦤꦒꦫꦏꦥꦶꦁ 3 ꦱꦏꦶꦁꦏꦢꦶꦥꦠꦺꦤ꧀ꦩꦁꦏꦸꦤꦒꦫꦤ꧀ꦔ꧀ꦒꦮꦺꦠꦠꦤꦤ꧀ꦲꦚꦂꦪꦤꦶꦏꦸ Staatblat 1847 No. 30 ꦏꦁꦢꦶꦮꦶꦮꦶꦠꦶꦠꦁꦒꦭ꧀ 5 ꦗꦸꦤꦶ 1847 ꦲꦶꦱꦶꦤꦺꦔ꧀ꦒꦶꦃꦥꦸꦤꦶꦏꦱꦭꦃꦱꦮꦶꦗꦶꦤꦶꦁꦲꦠꦸꦫꦤ꧀ ꦗ꧀ꦭꦺꦤ꧀ꦠꦿꦺꦲꦏꦺꦧꦧꦒꦤ꧀ꦏꦫꦁꦲꦚꦂꦪꦤꦶꦏꦸꦮꦼꦮꦼꦁꦏꦺꦴꦤ꧉ ꦲꦶꦁ 1903 ꦏꦧꦼꦤꦠꦸꦏ꧀ꦏꦧꦸꦥꦠꦺꦤ꧀ꦲꦤꦺꦴꦩ꧀ ꦏꦸꦛꦩꦁꦏꦸꦤꦒꦫꦤ꧀ ꦏꦁꦮꦼꦮꦼꦁꦏꦺꦴꦤꦺꦪꦤꦶꦏꦸ ꦏꦸꦛꦱꦭꦱꦶꦱꦶꦃꦭꦺꦴꦂ ꦮꦤꦫꦼꦗ ꦏꦭꦶꦪꦱ ꦭꦤ꧀ꦕꦭꦩꦢꦸ꧉

ꦱ꧀ꦮꦥꦿꦗꦩꦁꦏꦸꦤꦒꦫꦤ꧀

[besut | besut sumber]

ꦱꦿꦶꦥꦢꦸꦏꦩꦁꦏꦸꦤꦒꦫꦏꦥꦶꦁ 7 (1916-1944) ꦔ꧀ꦒꦤ꧀ꦠꦶꦲꦶꦱ꧀ꦠꦶꦭꦃ Onderregentschap ꦢꦢꦺꦴꦱ꧀ regentschap ꦲꦸꦠꦮꦧꦱꦗꦮꦤꦺ "ꦏꦧꦸꦥꦠꦺꦤ" ꦲꦶꦁꦠꦁꦒꦭ꧀ 20 ꦤꦺꦴꦥꦺꦩ꧀ꦧꦼꦂ 1917꧉ ꦲꦶꦁꦠꦁꦒꦭ꧀ 20 ꦤꦺꦴꦥꦺꦩ 1917 ꦏꦧꦸꦥꦠꦺꦤꦏꦫꦁꦲꦚꦂꦭꦻꦂ ꦗꦼꦤꦼꦁꦏꦫꦁꦲꦚꦂꦢꦸꦩꦢꦶꦱꦏꦠꦼꦭꦸꦁꦠꦼꦩ꧀ꦧꦸꦁ ꦪꦤꦶꦏꦸ

  • ꦏ ꦏꦮꦶꦧꦮꦤ꧀ꦲꦶꦁꦏꦁꦢꦶꦥꦸꦔꦪꦸꦃ (kewibawaan yang dicita-citakan)
  • ꦫꦁ ꦫꦁꦏꦼꦥꦤꦶꦥꦸꦤ꧀ꦭꦻꦂꦧꦠꦶꦤ꧀ꦥꦸꦭꦸꦁꦭꦤ꧀ꦮꦃꦪꦸꦤꦶꦥꦸꦤ꧀ꦱꦩ꧀ꦥꦸꦤꦠꦸꦫꦸꦤ꧀ꦠꦼꦩꦸꦫꦸꦤ꧀ (rangkapnya lahir dan batin, pulung dan wahyunya turun)
  • ꦲꦚꦂ ꦧꦣꦺꦤꦩ꧀ꦥꦶꦥꦿꦗꦤ꧀ꦗꦺꦤ꧀ꦲꦚꦂꦲꦸꦠꦮꦲꦺꦁꦒꦭ꧀ꦮꦶꦤꦶꦱꦸꦣꦗꦸꦩꦺꦤꦺꦁ ꦩꦁꦏꦸꦤꦒꦫꦏꦥꦶꦁ 1 (akan menerima perjanjian baru yang diangkat menjadi Mangkunagara I)

ꦫꦺꦎꦂꦒꦤꦶꦱꦱꦶꦮꦼꦮꦼꦁꦏꦺꦴꦤ꧀ꦏꦢꦶꦥꦠꦺꦤ꧀ꦩꦁꦏꦸꦤꦒꦫꦤ꧀ꦢꦶꦥꦸꦤ꧀ꦠꦶꦤꦢꦏꦏꦼꦤ꧀ꦏꦤ꧀ꦡꦶ ꦢꦸꦢꦸꦠꦤꦱꦿꦶꦥꦢꦸꦏꦩꦁꦏꦸꦤꦒꦫꦏꦥꦶꦁ 8 ꦧꦧꦒꦤ꧀ ꦔ꧀ꦒꦮꦺꦏꦧꦸꦥꦠꦺꦤꦏꦫꦁꦲꦚꦂꦭꦤ꧀ꦏꦧꦸꦥꦄꦠꦺꦤ꧀ꦮꦤꦒꦶꦫꦶ꧉ ꦲꦶꦁꦠꦁꦒꦭ꧀ 18 ꦤꦺꦴꦥꦺꦩꦧꦼꦂ 1917 ꦏꦤ꧀ꦗꦼꦁꦒꦸꦱ꧀ꦠꦶꦩꦁꦏꦸꦤꦒꦫꦏꦥꦶꦁ 8 ꦔꦁꦏꦠ꧀ꦏꦤ꧀ꦗꦼꦁꦫꦢꦺꦤ꧀ꦡꦈꦩꦼꦁꦒꦸꦁꦲꦂꦗꦲꦱ꧀ꦩꦫꦩꦶꦤꦁꦏꦧꦸꦥꦠꦶꦲꦶꦁꦏꦫꦁꦲꦚꦂ꧉ ꦲꦶꦁꦱꦗꦼꦫꦺꦴꦤꦶꦁꦥꦼꦭꦤ꧀ꦠꦶꦏꦤ꧀ ꦏꦤ꧀ꦗꦼꦁꦒꦸꦱ꧀ꦠꦶꦩꦁꦏꦸꦤꦒꦫꦏꦥꦶꦁ 8 ꦩꦺꦤꦺꦲꦶꦱꦼꦱꦺꦴꦫꦲꦲꦫꦲꦤ꧀ ꦪꦤꦶꦏꦸ

  1. ꧁꧋ꦧꦸꦥꦠꦶꦏꦸꦢꦸꦔ꧀ꦭꦼꦏ꧀ꦱꦤꦏꦄꦏꦺꦠꦸꦒꦱ꧀ꦠꦸꦒꦱꦺꦏꦤꦡꦶꦠꦼꦩꦼꦤ꧀ꦭꦤ꧀ꦱꦼꦠꦾꦩꦫꦁꦠꦸꦒꦱ꧀ꦥꦥꦿꦺꦤ꧀ꦠꦃ꧈
  2. ꧋ꦏꦸꦢꦸꦢꦸꦮꦺꦱꦶꦥꦠ꧀ꦚꦩ꧀ꦧꦸꦠ꧀ꦒꦮꦺꦏꦁꦠꦼꦏꦸꦤꦭꦤ꧀ꦥꦿꦺꦴꦢꦸꦏ꧀ꦠꦶꦥ꧀꧈
  3. ꧋ꦠꦶꦁꦏꦃꦭꦏꦸꦏꦸꦢꦸꦲꦥꦶꦏ꧀ꦏꦫꦼꦧꦺꦤ꧀ ꦎꦫꦒꦮꦺꦲꦺꦭꦺꦏꦺꦗꦼꦤꦼꦁꦏꦸꦭꦮꦂꦒꦭꦤ꧀ꦏꦭꦸꦁꦒꦸꦲꦤ꧀꧈
  4. ꧋ꦏꦸꦢꦸꦩꦶꦏꦶꦫꦏꦺꦏꦧꦸꦠꦸꦲꦤ꧀ꦥꦔꦤ꧀ꦥꦫꦠꦤꦶꦲꦸꦠꦮꦫꦏꦾꦠ꧀ꦢꦺꦱ꧈
  5. ꧋ꦔ꧀ꦒꦮꦺꦏꦠꦼꦤ꧀ꦠꦿꦼꦩꦤ꧀ꦭꦤ꧀ꦔꦪꦺꦴꦩꦶꦮꦼꦮꦼꦁꦏꦺꦴꦤ꧉꧂

ꦲꦤ꧀ꦠꦫꦤꦺꦠꦲꦸꦤ꧀ 1917 ꦔꦤ꧀ꦠꦶꦠꦲꦸꦤ 1930 ꦲꦶꦁꦏꦧꦸꦥꦠꦺꦤꦏꦫꦁꦲꦚꦂꦮꦶꦱ꧀ꦲꦤꦠꦼꦭꦸꦁꦧꦸꦥꦠꦶꦏꦁꦩꦤ꧀ꦣꦺꦒꦤꦶ ꦪꦤꦶꦏꦸ

  1. ꦏꦤ꧀ꦗꦼꦁꦫꦢꦺꦤ꧀ꦩꦱ꧀ꦠꦸꦩꦼꦁꦒꦸꦁ ꦲꦂꦗꦲꦱ꧀ꦩꦫ
  2. ꦫꦢꦺꦤ꧀ꦩꦱ꧀ꦠꦸꦩꦼꦁꦒꦸꦁ ꦱꦂꦮꦏꦩꦔꦸꦤ꧀ꦏꦸꦱꦸꦩ
  3. ꦫꦢꦺꦤ꧀ꦩꦱ꧀ꦠꦸꦩꦼꦁꦒꦸꦁ ꦢꦂꦏꦱꦸꦒꦤ꧀ꦢ

ꦲꦣꦼꦣꦱꦂ Rijksblaad ꦩꦁꦏꦸꦤꦒꦫꦤ꧀ꦠꦲꦸꦤ꧀ 1923 No.10 ꦏꦄꦧꦸꦥꦠꦺꦤꦏꦫꦁꦲꦚꦂꦏꦥꦫꦢꦢꦶꦠꦺꦭꦸꦁꦮꦼꦮꦼꦔꦏꦺꦴꦤꦏꦮꦼꦢꦤꦤ꧀ꦭꦤ꧀ 14 ꦮꦼꦮꦼꦁꦏꦺꦴꦤ꧀ꦏꦥꦤꦺꦮꦺꦴꦤ꧀ ꦪꦤꦶꦏꦸ

  • ꦏꦮꦼꦢꦤꦤ꧀:
  1. ꦏꦮꦼꦢꦤꦤ꧀ꦏꦫꦁꦲꦚꦂ
  2. ꦏꦮꦼꦢꦤꦤ꧀ꦏꦫꦁꦥꦤ꧀ꦣꦤ꧀
  3. ꦏꦮꦼꦢꦤꦤ꧀ꦗꦸꦩꦥꦭ
  • ꦏꦥꦤꦺꦮꦺꦴꦤ꧀:
  1. ꦏꦥꦤꦺꦮꦺꦴꦤ꧀ꦏꦫꦁꦲꦚꦂ
  2. ꦏꦥꦤꦺꦮꦺꦴꦤ꧀ꦠꦱꦶꦏ꧀ꦩꦢꦸ
  3. ꦏꦥꦤꦺꦮꦺꦴꦤ꧀ꦗꦠꦺꦤ꧀
  4. ꦏꦥꦤꦺꦮꦺꦴꦤ꧀ꦏꦼꦧꦏ꧀ꦏꦿꦩꦠ꧀
  5. ꦏꦥꦤꦺꦮꦺꦴꦤ꧀ꦩꦗꦒꦼꦣꦁ
  6. ꦏꦥꦤꦺꦮꦺꦴꦤ꧀ꦏꦫꦁꦥꦤ꧀ꦣꦤ꧀
  7. ꦏꦥꦤꦺꦮꦺꦴꦤ꧀ꦩꦠꦼꦱꦶꦃ
  8. ꦏꦥꦤꦺꦮꦺꦴꦤ꧀ꦠꦮꦁꦩꦔꦸ
  9. ꦏꦥꦤꦺꦮꦺꦴꦤ꧀ꦔꦂꦒꦪꦱ
  10. ꦏꦥꦤꦺꦮꦺꦴꦤ꧀ꦏꦼꦂꦗ
  11. ꦏꦥꦤꦺꦮꦺꦴꦤ꧀ꦗꦸꦩꦥꦭ
  12. ꦏꦥꦤꦺꦮꦺꦴꦤ꧀ꦠꦸꦒꦸ
  13. ꦏꦥꦤꦺꦮꦺꦴꦤ꧀ꦗꦠꦶꦥꦸꦫ
  14. ꦏꦥꦤꦺꦮꦺꦴꦤ꧀ꦗꦠꦶꦪꦱ

ꦲꦶꦁ 1930 ꦏꦧꦸꦥꦠꦺꦤꦏꦫꦁꦲꦚꦂꦢꦶꦲꦶꦭꦔꦶ ꦭꦤꦝꦏꦤ꧀ꦡꦶꦄꦢ꧀ꦩꦶꦤꦶꦱ꧀ꦠꦿꦠꦶꦥ꦳꧀ ꦢꦶꦭꦼꦧꦺꦴꦏꦏꦺꦤꦶꦁꦮꦼꦮꦼꦁꦏꦺꦴꦤ꧀ꦏꦧꦸꦥꦠꦺꦤ꧀ꦏꦸꦛꦩꦁꦏꦸꦤꦒꦫꦤ꧀ ꦤꦶꦏꦸꦢꦶꦣꦱꦿꦫꦶꦲꦩꦿꦶꦃꦏꦼꦧꦺꦴꦤ꧀ꦏꦼꦧꦺꦴꦤ꧀ꦏꦒꦸꦔꦤ꧀ꦩꦁꦏꦸꦤꦒꦫꦤ꧀ꦒꦩ꧀ꦥꦁꦲꦁꦒꦺꦴꦤꦺꦔꦺꦴꦭꦃꦏꦤ꧀ꦡꦆꦲꦥꦶꦏ꧀꧉ ꦲꦶꦁꦗꦩꦤ꧀ꦗꦼꦥꦁ (1942-1945) ꦭꦭꦢꦤ꧀ꦏꦫꦁꦲꦚꦂꦲꦶꦱꦶꦃꦱꦶꦤꦼꦧꦸꦠ꧀ꦩꦶꦤꦁꦏꦏꦮꦼꦢꦤꦤ꧀ ꦮꦼꦮꦼꦁꦏꦺꦴꦤ꧀ꦱꦏꦏꦧꦸꦥꦠꦺꦤ꧀ꦏꦸꦛꦩꦁꦏꦸꦤꦒꦫꦤ꧀ ꦩꦸꦁꦧꦌꦏꦭꦸꦔꦒꦸꦲꦤ꧀ꦭꦤ꧀ꦮꦼꦮꦼꦁꦏꦺꦴꦤꦺꦢꦶꦒꦤ꧀ꦠꦶꦔꦁꦒꦺꦴꦧꦱꦗꦼꦥꦁ꧉

ꦱꦮꦶꦱꦺꦥꦿꦺꦴꦏ꧀ꦭꦩꦱꦶꦏꦩꦂꦢꦶꦏꦤ꧀ ꦆꦤ꧀ꦣꦺꦴꦤꦺꦱꦶꦪ

[besut | besut sumber]

ꦱꦮꦶꦱꦺꦥꦿꦺꦴꦏ꧀ꦭꦩꦱꦶꦏꦩꦂꦢꦶꦏꦤ꧀ 17 ꦄꦒꦸꦱ꧀ꦠꦸꦱ꧀ 1945, ꦥꦿꦺꦱꦶꦣꦺꦤ꧀ꦫꦺꦥꦸꦧ꧀ꦭꦶꦏ꧀ ꦆꦤ꧀ꦣꦺꦴꦤꦺꦱꦶꦪꦔꦼꦠꦺꦴꦏꦏꦺ ꦥꦶꦪꦒꦩꦏꦼꦢꦸꦢꦸꦏꦤ꧀ ꦏꦁꦤꦼꦠꦼꦥꦏꦺ ꦱꦿꦶꦱꦸꦱꦸꦲꦸꦤꦤ꧀ꦥꦏꦸꦧꦸꦮꦤꦏꦥꦶꦁ 12 ꦢꦢꦶꦏꦼꦥꦭꦭꦭꦢꦤ꧀ꦏꦱꦸꦤꦤꦤ꧀ꦱꦸꦫꦏꦂꦠꦭꦤ꧀ ꦱꦿꦶꦥꦢꦸꦏꦩꦁꦏꦸꦤꦒꦫꦏꦥꦶꦁ 8 ꦢꦢꦶꦏꦼꦥꦭꦭꦭꦢꦤ꧀ꦩꦁꦏꦸꦤꦒꦫꦤ꧀꧉

ꦲꦶꦁꦄꦏꦶꦂꦠꦲꦸꦤ꧀ 1945 ꦲꦶꦁꦱꦸꦫꦏꦂꦠꦲꦤꦲꦺꦴꦧꦲꦤꦄꦤ꧀ꦠꦶꦱ꧀ꦮꦥꦿꦗꦏꦁꦔꦿꦼꦩ꧀ꦧꦏꦔꦤ꧀ꦠꦶ ꦏꦫꦁꦲꦚꦂ ꦱꦿꦒꦺꦤ꧀ ꦏ꧀ꦭꦡꦺꦤ꧀ ꦮꦤꦒꦶꦫꦶ ꦧꦪꦭꦭꦶ ꦭꦤ꧀ꦏꦸꦛꦱꦸꦫꦏꦂꦠ ꦏꦁꦚꦠꦏꦏꦺꦲꦸꦕꦸꦭꦱꦏꦥꦥꦿꦺꦤ꧀ꦠꦲꦤ꧀ꦱ꧀ꦮꦥꦿꦗ꧉ ꦧꦧꦒꦤ꧀ꦤꦶꦏꦶꦎꦭꦺꦃꦠꦁꦒꦺꦥꦤ꧀ꦱꦏꦥꦩꦫꦺꦤꦠꦃꦥꦸꦱꦠ꧀ꦏꦤꦡꦶꦠꦼꦂꦧꦶꦠꦺ PP No. 16/SD ꦠꦲꦸꦤ꧀ 1946 ꦱꦭ꧀ꦱꦮꦶꦗꦶꦤꦶꦁꦲꦶꦱꦶꦤꦺ ꦪꦤꦶꦏꦸꦤꦼꦠꦼꦥꦏꦺꦭꦭꦢꦤ꧀ꦏꦱꦼꦧꦸꦠ꧀ꦢꦶꦭꦼꦧꦺꦴꦏ꧀ꦏꦺꦲꦶꦁꦏꦫꦺꦱꦶꦢꦺꦤꦤ꧀ꦱꦸꦫꦏꦂꦠ꧉[1]

ꦒꦺꦪꦺꦴꦒꦿꦥ꦳ꦶꦱ꧀

[besut | besut sumber]

ꦏꦧꦸꦥꦠꦺꦤꦏꦫꦁꦲꦚꦂꦢꦸꦩꦸꦤꦸꦁꦲꦶꦁꦥꦺꦫꦔꦤ꧀ꦏꦶꦢꦸꦭ꧀ꦮꦺꦠꦤ꧀ꦗꦮꦠꦼꦔꦃ, ꦆꦤ꧀ꦢꦺꦴꦤꦺꦱꦶꦪ ꦏꦧꦸꦥꦠꦺꦤꦏꦫꦁꦲꦚꦂꦢꦸꦩꦸꦤꦸꦁꦲꦤ꧀ꦠꦫ 110°40’-110°70’ BT ꦭꦤ꧀ 7°28’-7°46’ LS꧉

ꦮꦠꦼꦱ꧀ꦠ꧀ꦭꦠꦃ

[besut | besut sumber]

ꦏꦧꦸꦥꦠꦺꦤ꧀ꦏꦫꦁꦲꦚꦂꦮꦼꦮꦠꦼꦱꦤ꧀ꦏꦫꦺꦴ

ꦆꦏ꧀ꦭꦶꦩ꧀

[besut | besut sumber]

ꦩꦶꦠꦸꦫꦸꦠ꧀ꦢꦠꦱꦏ 6 ꦱꦼꦠꦠ꧀ꦱꦶꦪꦸꦤ꧀ BMKG ꦏꦁꦲꦤꦲꦶꦁꦏꦫꦁꦲꦚꦂ ꦱꦸꦲꦸꦲꦸꦢꦫꦠꦲꦸꦤꦤꦺ ꦪꦤꦶꦏꦸ 24–33°C꧉ ꦕꦸꦫꦃꦲꦸꦢꦤ꧀ꦲꦶꦁꦏꦫꦁꦲꦚꦂꦢꦶꦥꦼꦔꦫꦸꦲꦶꦏꦤ꧀ꦡꦶꦫꦁꦩꦁꦱꦪꦤꦶꦏꦸ ꦩꦁꦱꦫꦼꦤ꧀ꦣꦼꦁꦭꦤ꧀ꦩꦁꦱꦏꦠꦶꦒ ꦩꦁꦱꦫꦼꦤ꧀ꦣꦼꦁꦏꦼꦢꦢꦺꦤ꧀ꦱꦏꦱꦱꦶꦃ ꦤꦺꦴꦥꦺꦩ꧀ꦧꦼꦂ ꦔꦤ꧀ꦠꦶꦱꦱꦶꦃ ꦄꦥꦿꦶꦭ꧀ ꦭꦤ꧀ꦱꦱꦶꦃꦏꦁꦢꦸꦮꦺꦕꦸꦫꦃꦲꦸꦢꦤ꧀ꦥꦭꦶꦁꦣꦸꦮꦸꦂꦪꦤꦶꦏꦸ ꦱꦱꦶꦃꦗꦤꦸꦮꦫꦶ ꦏꦫꦺꦴꦫꦠꦫꦠꦲꦸꦢꦤꦺꦭꦸꦮꦶꦃꦱꦏ 300 mm ꦱꦮꦸꦭꦤꦺ꧉ ꦱꦲꦸꦤ꧀ꦠꦫꦤꦶꦏꦸ ꦮꦪꦃꦩꦁꦱꦏꦠꦶꦒꦏꦼꦢꦢꦺꦤꦱꦏ ꦱꦱꦶꦃꦩꦺꦆ ꦔꦤ꧀ꦠꦶꦱꦱꦶꦃꦎꦏ꧀ꦠꦺꦴꦧꦼꦂ ꦭꦤ꧀ꦱꦱꦶꦃꦥꦭꦶꦁꦒꦫꦶꦔꦺꦲꦶꦁ ꦱꦱꦶꦃꦄꦒꦸꦱ꧀ꦠꦸꦱ꧀ ꦏꦫꦺꦴꦫꦠꦫꦠꦕꦸꦫꦃꦲꦸꦢꦤꦺꦏꦈꦫꦁꦱꦏ 30 mm ꦱꦮꦸꦭꦤꦺ꧉[2]

ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀

[besut | besut sumber]

ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀ꦏꦧꦸꦥꦠꦺꦤ꧀ꦏꦫꦁꦲꦚꦂꦪꦤꦶꦏꦸ 77.378,6374 Ha ꦢꦸꦩꦢꦶꦱꦏꦭꦼꦩꦃꦱꦮꦃ 22.844,2597 Ha ꦭꦤ꧀ꦭꦼꦩꦃꦒꦫꦶꦁ 54.534,3777 Ha꧉ ꦥꦼꦱꦮꦲꦤ꧀ꦢꦸꦩꦢꦶꦱꦏꦆꦫꦶꦒꦱꦶꦠꦺꦏ꧀ꦤꦶꦱ꧀ 7.872,6323 Ha 1/2 ꦠꦺꦏ꧀ꦤꦆꦱ꧀ 6.144,2939 Ha ꦥꦿꦱꦗ 7.134,1251 Ha ꦭꦤ꧀ꦠꦣꦃꦲꦸꦢꦤ꧀ 1.693,2084 Ha꧉ ꦱꦮꦼꦠꦫꦤꦶꦏꦸ ꦗꦼꦩꦧꦂꦥꦼꦏꦫꦔꦤ꧀ 20.732,4406 Ha ꦠꦼꦒꦭꦤ꧀ꦲꦸꦠꦮꦏꦼꦧꦸꦤ꧀ 17.937,0211 Ha ꦭꦤ꧀ꦥꦏꦼꦧꦺꦴꦤꦤ꧀ 3.251,5006 Ha꧉[3]

ꦥꦥꦿꦺꦤ꧀ꦠꦲꦤ꧀

[besut | besut sumber]

ꦏꦧꦸꦥꦠꦺꦤꦏꦫꦁꦲꦚꦂꦢꦸꦩꦢꦶꦱꦏ 17 ꦏꦕꦩꦠꦤ꧀ 15 ꦏꦭꦸꦫꦲꦤ꧀ ꦭꦤ꧀ 162 ꦢꦺꦱ꧉ ꦏꦕꦩꦠꦤꦏꦕꦩꦠꦤꦲꦶꦁꦏꦧꦸꦥꦠꦺꦤꦏꦫꦁꦲꦚꦂꦔ꧀ꦒꦶꦃꦩꦼꦤꦶꦏ

ꦢꦺꦭꦺꦁꦲꦸꦒ

[besut | besut sumber]

ꦫꦸꦗꦸꦏꦤ꧀

[besut | besut sumber]
  1. ↑ ꦱꦗꦫꦃꦏꦫꦁꦲꦚꦂ[pranala mati permanèn]
  2. ↑ "BPS ꦏꦧꦸꦥꦠꦺꦤ꧀ꦏꦫꦁꦲꦚꦂ". karanganyarkab.bps.go.id. Diarsip saka sing asli ing 2022-10-27. Dibukak ing 2019-11-27.
  3. ↑ ꦢꦠꦒꦺꦪꦺꦴꦒꦿꦥ꦳ꦶꦱ꧀ꦏꦫꦁꦲꦚꦂ[pranala mati permanèn]

ꦥꦿꦤꦭꦤ꧀ꦗꦧ

[besut | besut sumber]


Dijupuk saka "https://jv.wikipedia.org/w/index.php?title=ꦏꦧꦸꦥꦠꦺꦤ꧀ꦏꦫꦁꦲꦚꦂ&oldid=1758221"