Zuppa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Zuppa sup

Zuppa yaiku sawijining panganan khas Italia awujud sup.[1] Sup Zuppa iku ana rong bageyan yaiku sup iku dhewe lan pastry. [1]

Sup zuppa digawe saka bumbu rempah, campuran endhog, jagung, lan irisan daging pitik.[1] Duduh sup zupa iku kenthel kaya krim. Pastry utawa kulit glepung mujudake bageyan liyane saka panganan Italia iki.[1] Pastry digawe saka adonan glepung khusus kang nduwe cita rasa khas.[1] Sup zuppa disuguhake kanthi cara kang bedha saka sup-sup liyane. Sup zuppa diwadhahi ing mangkok keramik cilik kang tahan panas lan ing ndhuwur mangkok iku ditutupi dening kulit pastry kang wis digawe.[1] [2] Dadi, sup kang ana ing mangkok ketutupan dening kulit pastry mentah.[1] Kulit pastry iki kudu nutup rapet ing sakabehing lambe mangkok.[1] Yen ana sing kebuka sithik wae, kulit pastry ora bakal gelem ngembang.[1] Yen wis kaya mangkono, zuppa banjur dilebokake ing oven saprelu dipanggang nganti pastry mateng.[2] Panase oven kudu tansah dijaga supaya adonan kulit bisa ngembang.[1] Yen kurang panas utawa kepanasen kulit pastry ora bisa ngembang.[1] Titikane pastry mateng yaiku kulit pastry wis ngembang lan wernane coklat semu kuning.[2] Zupa enak nalika dipangan panas-panas.[1][2]


Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Zuppa&oldid=832056"