Zakat fitrah

Artikel iki bagéyan saka sèri Islam Rukun Islam Syahadat · Shalat · Pasa Zakat · Kaji Rukun Iman Allah · Al-Qur'an · Malaikat Nabi · Dina Akhir Qada & Qadar Tokoh Islam Muhammad SAW Nabi & Rasul · Sahabat Ahlul Bait Kota Suci Mekkah ·Madinah · Yerusalem Najaf · Karbala · Kufah Kazimain · Mashhad ·Istanbul Riyaya Hijrah · Idul Fitri · Idul Adha · Asyura · Ghadir Khum Arsitektur Mesjid ·Menara ·Mihrab Ka'bah · Arsitektur Islam Jabatan Fungsional Khalifah ·Ulama · Imam·Mullah·Ayatullah · Mufti Teks & Hukum Al-Qur'an ·Hadist · Sunnah Fiqih · Fatwa · Syariat Mazhab Sunni Hanafi ·Hambali Maliki ·Syafi'i Syi'ah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Portal Islam Indeks perkara Islam

Zakat Fitrah iku zakat dhiri sing diwajibaké marang dhiri pribadi saben individu lanang lan wadon muslim sing nduwèni kamampuan kanthi sarat-sarat sing wis ditetepaké. Tembung Fitrah ngarujuk marang kahanan manungsa wektu lagi diciptakaké saéngga kanthi ngetokaké zakat iki manungsa kanthi idin Allah bakal bali dadi fitrah.

Sing wajib mbayar

Saben muslim diwajibaké mbayar zakat fitrah kanggo awaké dhéwé kulawarga lan wong liya sing dadi tanggungané klebu sing wis diwasa, bocah cilik, lanang lan wadon. Ing ngisor iki sarat sing nyebabaké individu wajib mbayar zakat fitrah:

• Individu sing nduwèni kaluwihan panganan utawa banda tinimbang kaperluan tanggungané ing wengi lan ésuk-ésuk dina riyaya.
• Bocah sing lair sadurungé srengéngé gingsir ing pungkasan wulan Ramadan lan urip sawisé angsluping srengéngé.
• Nganut agama Islam sadurugé srengéngé angslup ing pungkasanwulan Ramadan lan tetep jroning agama Islam.
• Sadéngah uwong sing tilar donya sawisé angslup srengéngé ing pungkasan wulan Ramadan.

Gedhéné Zakat

Gedhéné zakat sing kudu diwetokaké miturut para ulama yaiku sarujuk karo penafsiran marang hadits iku gedhéné siji sha' utawa kira-kira padha karo 3,5 liter utawa 2.7 kg panganan utama (glepung, kurma, gandum, aqith) utawa siang biasa dikonsumsi ing dhaérah kasebut (Mazhab syafi'i lan Maliki)

Wektu

Zakat fitrah diwetokaké ing wulan Ramadhan, paling ora sadurungé wong-wong rampung Salat Ied. Yèn wektu masrahaké ngliwati wates wektu kasebut, apa sing dipasrahaké mau banjur ora klebu kategori zakat nanging dadi wujud sedekah biasa.

Panampa Zakat

Panampa Zakat sacara umum ditetepaké jroning 8 golongan/asnaf (fakir, miskin, amil, muallaf, hamba sahaya, gharimin, fisabilillah, ibnu sabil) nanging miturut sawetara ulama khusus kanggo zakat fitrah mesthi didhisikké marang rong golongan pisanan yakuwi fakir lan miskin. Panemu iki lelandhesan marang alesan gunggung/ajiné zakat sing cilik banget kamangka angkahé supaya para fakir lan miskin bisa mèlu mangayubagya dina riyaya.

Deleng uga

• Ramadhan
• Zakat
• Zakat Maal

Pranala jaba

• (id)Badan Amil Zakat Nasional
• (id)Keuputusan Pemerintah tentang Badan Amil Zakat
• (id)UU no tentang pengelolaan zakat
• (ms)Zakat al Islam