Zakat
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Zakat kuwi kayadéné (pajek kang dianut jroning agama Islam) lan dadi rukun katelu saka rukun Islam. Sacara harfiah Zakat maknané "tuwuh", "ngrembaka", "nyucèkaké" utawa "ngresiki". Déné sacara terminologi syari'ah, zakat maknané mènèhi sebagéyan raja kaya kanthi cacah lan pétungan tartamtu kanggo wong-wong lan miturut tatacara tartamtu.
Bab lan Paragraf |
[sunting] Hukum Zakat
Zakat minangka salah siji rukun Islam, lan dadi salah siji unsur pokok kanggo tegaking syariat Islam. Mula, hukum zakat iku wajib (fardhu) kanggo saben wong muslim kang wis nyukupi syarat-syarat tartamtu. Zakat klebu kategori ibadah (kaya shalat, kaji, lan pasa) kang wis ditata sacara rinci lan patèn jroning Al-Qur'an lan As Sunnah, sekaligus minangka amal sosial kamasyarakatan lan kamanungsan kang bisa tuwuh ngrembaka miturut tuwuhing manungsa.
[sunting] Werna-werna Zakat
Zakat kapérang dadi rong jinis yakuwi
- Zakat Fitrah, zakat kang wajib ditokaké wong Muslim ngadhepi tekaning Idul Fitri ing sasi Ramadhan. Gedhéné Zakat iki watara 2,5 kilogram panganan pokok kang ana ing panggonan kuwi.
- Zakat Maal (Zakat Rajakaya), klebu kasil dagangan, tetanèn, tambang, kasil segara, kasil miara kéwan, harta temon, emas lan perak sarta kasil kerja (profesi). Saben jinis nduwé pétungané dhéwé-dhéwé.
[sunting] Kang hak nampa
- Fakir - yakuwi wong kang mèh ora duwé apa-apa saéngga ora kuwawa nyukupi kabutuhan pokok uripé.
- Miskin - yakuwi wong kang duwé kaya nanging ora cukup kanggo nyukupi kabutuhan dhasar uripé.
- Amil - yakuwi wong kang ngumpulaké lan mbagèkaké zakat.
- Muallaf - yakuwi wong kang lagi waé mlebu Islam lan mbutuhaké bantuan kanggo nyocogaké karo kahanan anyar
- Hamba Sahaya - yakuwi wong kang kepéngin mardhika
- Gharimin - yakuwi wong kang duwé utang kanggo kaperluan kang halal lan ora sanggup nyaur
- Fisabilillah - yakuwi wong kang berjuang ing dalan Allah (umpamané: dakwah, perang lll)
- Ibnus Sabil - yakuwi wong kang kentèkan biaya jroning lelungan.
[sunting] Faédah Zakat
Sawetara faédah Zakat yaiku:
[sunting] Faédah diniyah (segi agama) [1]
- Kanthi bayar zakat maknané wis nglakoni salah siji saka rukun Islam kang bisa nglantari marang kabagjan lan kaslametan donya lan akhirat.
- Minangka sarana tumraping manungsa kanggo taqarrub (nyedhakaké dhiri) marang Rabb-é, bakal nambah kaimanan amarga tambahing kataatan.
- Bakal nampa pahala gedhé kang tikel tekuk, kaya kasebut jroning firman Allah Subhaanahu wa Ta'ala, kang maknané: "Allah musnahaké riba lan nyuburaké sedekah" (QS: Al Baqarah: 276). Jroning sawiji hadits kang muttafaq 'alaih, Nabi Shallallaahu 'alaihi wa Sallam uga njlèntrèhaké yèn shadaqah saka rajakaya kang apik bakal dituwuhaké déning Allah Subhaanahu wa Ta'ala tikel tekuk.
- Zakat minangka sarana pambusak dosa, kaya kang naté disabdakaké déning Rasulullah Shallallaahu 'alaihi wa Sallam.
[sunting] Faedah Khuluqiyah (Segi Akhlak)[2]
- Nuwuhaké sifat mulya, rasa tolèran lan jembaring dhadha marang pribadi kang bayar zakat.
- Wong kang bayar zakat biasané idèntik karo sifat rahmah (welas asih) lan lembut marang seduleré kang mlarat.
- Wis nyata yèn nyumbangaké barang kang manfaat, bandha utawa raga, kanggoné wong muslimin bakal njembaraké dhadha lan jiwa. Sebab wis mesthi dhèwèké bakal dadi wong kang ditresnani lan dikurmati.
- Jroning zakat ana makna ngresiki akhlak.
[sunting] Faédah Ijtimaiyyah (Segi Sosial Kamasyarakatan)[3]
- Zakat minangka sarana kanggo mbiyantu jroning nyukupi hajat urip para fakir miskin kang dadi klompok mayoritas sebagéyan negara ing jagat.
- Mènèhi kakuatan kanggo kaum muslimin lan ngangkat eksistensiné. Bab iki bisa dideleng saka klompok panampa zakat, salah sijiné yakuwi fi sabilillah.
- Zakat bisa ngurangi rasa éwa, dendham lan rasa benci kang ana ing batiné kaum fakir miskin.
- Zakat bakal nyepetaké tuwuhing ekonomi.
- Mbayar zakat bisa njembaraké parédaran rajakaya utawa duwit
[sunting] Zakat jroning Al-Qur'an
- QS (2:43) (Lan degaké shalat, bayar-a zakat lan rukuk-a bareng wong-wong kang ruku.)
- QS (9:35) (ana ing dina dipanaské emas perak iku jroning neraka jahannam, nuli diobong bathuké, lambung lan gegeré (nuli dikandhani): "Iki rajakayamu kang mbok simpen kanggo awakmu dhéwé, mula rasakna saiki (akibat saka) apa kang mbok simpen mau.")
- QS (6: 141) (Lan Dhèwèké kang ndadèkaké kebun-kebun kang berjunjung lan ora berjunjung, wit korma, wit-witan kang manéka warna wohé, zaitun lan delima kang mèmper (wujud lan rupané) lan ora padha (rasané). Pangan-a saka wohé (kang werna-werna iku) yèn wis awoh, lan bayar-a hak-é ing dina panèn (kanthi disedekahaké marang fakir miskin); lan aja ngluwih-luwihi. Sabeneré Allah ora seneng marang wong kang berlebih-lebihan utawa ngluwih-luwihi).
[sunting] Referensi
 |
Artikel perkawis Islam punika taksih arupi seratan rintisan. Panjenengan saged mbiyantu Wikipedia ngembangaken. |
