Zainuddin MZ

K.H. Zainuddin MZ
Lair	Zainuddin Hamidi 2 Maret 1952 Jakarta, Indonésia
Pati	5 Juli 2012 Jakarta, Indonesia
Pakaryan	Penceramah Politisi
Parté pulitik	Parté Persatuan Pembangunan Parté Bintang Reformasi

Zainuddin Muhammad Zein utawi kawentar kanthi asma KH Zainuddin MZ (lair ing Jakarta, 2 Maret 1951 – pati ing Jakarta, 5 Juli 2011 ing umur 60 taun) inggih punika salah satunggalipun tokoh agami Islam ing Indonésia ingkang misuwur amargi pengajian-pengajianipun ing televisi. K. H. Zainuddin MZ pikantuk jejuluk Dai Sejuta Umat amargi dhakwah utawi pengajianipun saged dipuntampi déning sadaya lapisan masarakat. Panjenenganipun gadhah garwa ingkang namanipun Hj Kholilah, lan saking pernikahan punika panjenenganipun sampun gadhah sekawan putra Fikri Haikal MZ, Lutfi MZ, Kiki MZ, lan Zaki MZ. Ing wekdal salajengipun nama Zainuddin MZ minangka dai sejuta umat naté tenggelam. Nanging ing salajengipun Panjenenganipun sampun wiwit fokus ing jagad dakwah lan wonten ing tengah umat malih. Watawis sasi Oktober, asma Zainuddin MZ radi awon amargi wonten salah satunggalipun artis Aida Saskia ingkang matur sampun dipunruda peksa déning Zainuddin MZ. Ngantos sapunika kasus punika taksih dèrèng rampung. November 2010, Zainuddin dipunrawat ing griya sakit amargi kesel lan strés. Sasampunipun punika, panjenenganipun boten medal malih ing televisi, ngantos dumugi tilar donyanipun tanggal 5 Juli 2011 jam 09.20 WNIK (Wekdal Nuswantara Iring Kilen) ing griya sakit Pertamina, Jakarta. Jenasahipun dipunmakamaken ing ngajeng Masjid Fajrul Islam ingkang wonten persis ing ngajeng dalemipun Zainuddin MZ.

Pranala njawi

Zainuddin MZ