Zaid bin Tsabit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Zaid bin Tsabit an-Najjari al-Anshari (612 - 637/15 H)), (Basa Arab: زيد بن ثابت), utawa kang luwih dikenal kanthi jeneng Zaid bin Tsabit, yaiku salah sawijining sahabat Rasulullah SAW lan minangka panulis wahyu lan surat-surat Rasulullah SAW.

Mangsa wiwitan[sunting | sunting sumber]

Zaid bin Tsabit minangka keturunan Bani Khazraj, kang mulai manggon bebarengan karo Muhammad nalika dheweke hijrah ing Madinah. Nalika umur 11 taun, Zaid bin Tsabit diwartakake wis bisa apal 11 surah Al-Quran. Zaid bin Tsabit melu Muhammad jroning paperangan Khandaq lan paperangan-paperangan liyane. Ing paperangan Tabuk, Muhammad menehake gendera Bani Najjar kang sadurunge digawa dening Umarah marang Zaid bin Tsabit. Nalika Umarah takon marang Rasulullah SAW, panjenengane ngendikan: "Al-Quran kudu diutamakake, dene Zaid luwih akeh apal Al-Quran tinimbang sira."

Panulis wahyu[sunting | sunting sumber]

Kakuwatan daya eling Zaid bin Tsabit wis ndadekake dheweke diangkat dadi panulis wahyu lan surat-surat Muhammad samangsa uripe, lan ndadekake dheweke tokoh kang paling misuwur ing antarane para sahabat liyane. Diriwayatake dening Zaid bin Tsabit yen:

Rasulullah SAW ngendika marang sira "Aku ngirim surat marang wong, lan aku kuwatir, wong-wong kae bakal nambah utawa ngurangi surat-suratku kuwi, mula sinaonana basa Suryani", banjur aku nyinaonine nganti 17 dina, lan basa Ibrani nganti 15 dina.

Ing dina candhake ing jaman kakhalifahan Abu Bakar lan Umar, Zaid bin Tsabit yaiku salah sawijining wong kang diamanahake kanggo ngumpulake lan nulisake maneh Al-Quran jroning siji mushaf. Ing perang Al-Yamamah akeh pangapal Al-Quran kang tiwas, saengga ndadekake Umar bin Khattab bingung lan ngusulake marang Abu Bakar saperlu ngumpulake Al-Quran sadurunge para pangapal liyane tiwas. Wong-wong mau banjur ngundang Zaid bin Tsabit lan Abu Bakar ngendikan marang dheweke:

"Sira yaiku sawijing pamudha kang limpad lan aku ora ragu-ragu marang sira".

Sawise kuwi Abu Bakar ngutus Zaid bin Tsabit supaya ngumpulake Al-Quran. Sanajan wiwitane dheweke nampik, nanging sawise diyakinake, pungkasane Zaid bin Tsabit kanthi tetulungan saperangan wong liyane, nindakake tugas mau.

Pejabat[sunting | sunting sumber]

Zaid bin Tsabit diangkat dadi bendahara ing jaman pamerentahan Khalifah Abu Bakar lan Khalifah Umar. Nalika pamerentahan Khalifah Utsman, Zaid bin Tsabit diangkat dadi pangurus Baitul Maal. Umar lan Utsman uga ngangkat Zaid bin Tsabit minangka panyekel jabatan khalifah sawetara nalika padha nindakake ngibadah kaji.

Wafat[sunting | sunting sumber]

Zaid bin Tsabit wafat taun 15 Hijriah. Putrane, Kharijah bin Zaid, dadi sawijining tabi'in gedhe lan salah siji ing antarane pitu ulama fiqih Madinah ing mangsane.

Referensi[sunting | sunting sumber]

  • Mursi, Muhammad Sa'id. Tokoh-tokoh Besar Islam Sepanjang Sejarah. Penerjemah: Khoirul Amru Harahap, Lc, MHI dan Achmad Faozan, Lc, M.Ag. Editor: Muhammad Ihsan, Lc. Cet. 1, Jakarta: Pustaka Al-Kautsar, 2007. ISBN 979-592-387-0

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Zaid_bin_Tsabit&oldid=870363"