Zahra Amir Ebrahimi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Zahra Amir Ebrahimi

Zahra Amir Ebrahimi
Latar wuri
Jeneng Zahra Amir Ebrahimi
Asal Iran
Pegawéyan Aktris, fotografer

Zahra Amir Ebrahimi (زهرا اميرابراهيمی) 1981 (age 32–33) yakuwi sawijining fotografer profesional, aktris televisi, direktor film cekak saka Iran.[1]

Dheweké sempet sinau teater ning Teheran, lan miwiti kaurripan profesionalé kanthi cara anggawe film cekak.[1] Filmé kang kaping pisanan digawe nalika dheweké anan ning umur 18 taun. [1] Awal kapopulerané diwiwiti ora suwe sawisé dheweké kerja ning televisi Iran.[1] Dheweké kondhang amarga perané nalika dadi wanita enom kang shalikhah ning opera sabun "Narges".[1] Karir Zahra ning bidang fotografi difokusaké ning topik lan isu-isu sosial.[1]

Skandal[sunting | sunting sumber]

Ning 2006, Ebrahimi dadi pusat perhatian amarga kajiret skandal sex, video kang isiné adegan saru kasebut bocor ning internet, lan akiré nyebar kanthi wujud DVD.[1] Kasusé iki nuli dadi subyek panyelidikan resmi perintah kepala jaksa Teheran, Saeed Mortazavi.[1] Ning wawancara karo koran The Guardian, Ebrahimi nyangkal menawa wanita ning film kasebut dudu dheweké, lan ngungkapaké menawa video kasebut video palsu kang digawe kanggo ngerusak kariré.[1]

Sawisé kena skandal kasebut, dheweké esih tetep manggon ning negarané.[1] Aktris kondhang saka Iran kuwi bakal kena hukum penjara lan njalani hukuman cambuk ning ngarepé publik,[2] amarga pandakwa rekaman video saruné karo pepujaning atiné kasebar ning internet lan uga digawe kanthi wujud DVD. [2]

Skandal kuwi tentuné anggawe kaget para panggemaré saka aktris ayu kang nembe umur 25 taun kuwi.[2] Apa maning, dheweké saka salah sijiné negara Islam kang kuwat ning donya, kang ngelarang kadadian seks sadhurungé nikah.[2] Zahra, kuwi salah sijiné bintang kondhang ning televisi Iran, dheweké wis diboikot dening jaringan lan para panggawe film ning Iran, sarta kariré terancam hancur.[2] Jaksa penuntut Iran, Saeed Mortazavi, uga wis njaluk anané penyelidikan khusus.[2] Ning kasus kasebut, pepujaning atiné Zahra kang ora dingerteni jenengé kuwi saiki dadi tersangka pelaku panyebaran rekaman kasebut, lan lagi digoleki sawisé dukabaraké mlayu maring Dubai.[2] Lan menawa ketangkap bakal dibalikaké maring negara Iran, dheweké terancam ukuman telung taun panjara lan denda gedhené US$10 ewu, amarga kadadean kang wis ngelanggar kasusilaan negara kasebut.[2]

Ebrahimi uga nyangkal anané desas-desus menawa dheweké bunuh dhiri.[1] Dheweké sempet ngetokaké pesen maring masarakat umum kang isiné negasaké menawa dheweké esih urip.[1]

Cathetan sikil[sunting | sunting sumber]

  1. ^ a b c d e f g h i j k l (id)berita Zahra Amir Ebrahimi dipununduh tanggal 20 Agustus 2011
  2. ^ a b c d e f g h (id)berita Zahra Amir Ebrahimi dipununduh tanggal 20 Agustus 2011