Yuen Biao

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Yuen Biao
YuenBiao Screenshot.jpg
Yuen Biao ing film Dragons Forever (1988)
Jeneng Cina 元彪 (Tradhisional)
Jeneng Cina 元彪 (Prasaja)
Pinyin Yuán Biāo (Mandarin)
Jyutping Jyun4 Biu1 (Kanton)
Jeneng lair 夏令正 (Traditional)
Xià Lìngzhèng (Mandarin)
Haa6 Ling6zeng3 (Cantonese)
Lair 26 Juli 1957 (umur 57)
Hong Kong
Jeneng liya Bill Yuen
Jimmy Yuen
Pakaryan aktor, produser, koreografi aksi laga
Taun aktif 1962 – sakmenika
Jeneng pasangan DiDi Phang Sau-Ha (1984 – sekarang)
Anak 2

Yuen Biao (lair 26 Juli 1957; umur 57 taun) inggih punika salah satunggaling aktor saking Hong Kong. Piyambakipun kagungan kawegigan ingkang khusus wonten ing seni bela diri kungfu lan sampun nyambut damel kirang langkung wonten ing 80 film minangka aktor, stuntman lan koréografi aksi laga. Sesarengan kaliyan sadhèrèkipun lulusan saking Sekolah Opera Peking, Sammo Hung lan Jackie Chan, piyambakipun minangka salah satunggal saking anggota Seven Little Fortunes .[1]

Taun - taun wiwitan[sunting | sunting sumber]

Miyos minangka 夏令正 Xià Lìng-Zhèng (Hsia Ling-Jun) wonten ing negara Hong Kong, Yuen minangka anak kaping 5 saking 6 sadhèrèk. Piyambakipun ngangsu kawruh wonten ing China Drama Academy antawising umur 5 dumugi enem welas (16) taun, lan sasampunipun punika, piyambakipun ngrembakaken karieripun wonten ing donya perfilman Hong Kong.

Karier Film[sunting | sunting sumber]

Wiwitan 1970-an[sunting | sunting sumber]

Wonten ing wiwitan taun 1970an, Yuen wiwit nyambut damel minangka salah satunggaling stuntman lan peran pambiyantu. Sasampuning mainaken peran wonten ing film kanthi judhul Fist of Fury, Way of the Dragon, Yuen dados satunggaling stunt kanggé Bruce Lee wonten ing film Enter the Dragon, taun 1973. Piyambakipun ugi minangka salah satunggaling "tiruan" saking Bruce Lee wonten ing film Game of Death (1978), nindakaken manéka macem gerakan akrobatik lan stunt ing pundi Bruce Lee "body double" (Taekwondo expert, Tai Chung Kim) boten saged nindakaken. Yuen tetep nyambut damel minangka satunggaling stuntman, lan ugi minangka satunggaling aktor wonten ing donya industri perfilman Hong Kong.

Wonten ing wiwitan peranipun, piyambakipun migunakaken nama panggung Bill Yuen kanggé film-film Hong Kong ingkang dipunédaraken kanggé kalangan internasional. Sesarengan kaliyan kasuksesanipun ingkang ndhèrèkaken Jackie Chan kaliyan Golden Harvest, ingkang kagungan nama sami, saéngga wonten ing credit title namanipun dipunserat minangka "Jimmy Yuen".[2]

Pungkasan 1970an lan 1980an[sunting | sunting sumber]

Pungkasan taun 1970an lan awal-awal taun 1980an, berkat hubungan saénipun kaliyan kanca-kancanipun lan kanca setunggal kelasipun, Sammo Hung lan Jackie Chan, piyambakipun wiwit nyambut damel kanthi rutin minangka aktor. Sasampuning main minangka pemeran pambiyantu wonten ing film The Dragon, the Odds (1977) lan peranipun minangka peran utama wonten ing Knockabout (1978), piyambakipun wiwit misuwur lumantar sapéranngan film sukses ing wiwitan taun 1980an, salah satunggalipun ingkang asring dipunsebut inggih punika The Prodigal Son (dipunsutradarai déning Sammo Hung) lan Dreadnaught (dipunsutradarai déning Yuen Woo-ping). Lajeng piyambakipun ugi main sesarengan kaliyan "sadhèrèkipun" saking Sekolah Opera Peking, Chan lan Hung, wonten ing film Project A, Wheels on Meals lan Dragons Forever. Kejawi punika piyambakipun ugi medal wonten ing sapérangan peran alit wonten ing sapérangan film kadosta Hung trilogi Lucky Stars.[3]

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Yuen_Biao&oldid=877537"