Yokohama Landmark Tower

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Koordinat: 35°27′17″N 139°37′54″E / 35.45472°N 139.63167°E / 35.45472; 139.63167

Yokohama Landmark Tower
Yokohama Landmark Tower 02 cropped.jpg
Lokasi Minato Mirai 21, Yokohama, Jepang
Status Selesai dibangun
Dibangun 1990-1993
Panggunaan hotel, perkantoran, aula serbaguna, pusat perbelanjaan, lantai pengamatan
Payon 2.958 m (9,705 ft)
Detail teknis
Gunggung lantai 70
Area lantai Cithakan:Convert/m2
Gunggung elevator 79
Perusahaan
Arsitèk Stubbins Associates
Kontraktor Shimizu Corporation, Mitsubishi Estate

Yokohama Landmark Tower (横浜ランドマークタワー?) inggih menika gedung pencakar langit ingkang wonten ing Minato Mirai 21, Yokohama, Jepang. Landmark Tower menika gedung paling inggil ing Jepang saking taun 1993.[1][2] Gedung menika kaginakaken minangka kantor, hotel, lan mal (Landmark Plaza).

Pambangunan gedung kawiwitan saking tanggal 20 Maret 1990 lan rampung ing tanggal 16 Juli 1993. Gedung mawi 70 lantai menika dhuwuripun 296,3 m lan kalebet gedung paling inggil angka 60 ing donya.[3] Bibar rampungipun Tokyo Sky Tree (634 m) nalika taun 2012, Landmark Tower dados struktur paling inggil angka tiga ing Jepang. Dhuwuring gedung menika tasih ing sangandhaping Menara Tokyo (333 m) lan Jembatan Akashi-Kaikyo (dhuwuripun tiang utama: 298,3 m).

Landmark Tower wonten gedung menara mawi lantai 70 sarta 3 basemen lan 3 lantai atap ruang mesin katambahan kalihan gedung plaza kanthi 5 lantai (katambahan 4 lantai basemen). Wiyaripun sedaya bangunan kasebut inggih menika 23.308 m² kanthi wiyaripun lantai 392.885 m²,[4] Arsitek gedung menika Hugh Stubbins and The Stubbins Associates, Inc lan Mitsubishi Estate minangka kontraktor.

Lantai kanggé pangamatan wonten ing lantai 69 kirang langkung 40 detik kanthi nitih lift damelanipun Mitsubishi Electric kanthi cepetipun 750 m/menit (45 km/jam). Lift naté dipuncathet Guinness World Recordsminangka lift paling cepet ing donya sadèrèngipun kalah kalihan lift ing Taipei 101 saking Taiwan.[5]

Dockyard Garden menika nama taman ingkang wonten ing kompleks Landmark Tower. Taman menika dipunbangun saking tilasing dok kapal dagang ingkang dipunrancang déning insinyur angkatan laut Ryūsaku Tsunegawa.[6] Dok ingkang sampun dipunéwahi dados Dockyard Garden menika dok No. 2 ingkang wiwit dipunbangun nalika taun 1895 lajeng rampung ing taun 1896.[7]

Nalika taun 1965, ukuran kapal-kapal sansaya ageng saéngga pangginaan dok menika wiwit mandhap dumugi boten dipunginakaken malih saking taun 1973.[6] Bibar Pamaréntah kutha Yokohama ing wulan April 1989 netepaken dok No. 2 minangka bangunan ingkang ngandhut nilai sejarah. Lajeng wonten pambongkaran dok saking wulan 1990.[7] Sasampunipun dipunbongkar banjur dipunrestorasi ingkang kapungkasan nalika wulan Juli 1990.[7] Lajeng dok menika dados taman ing kompleks Landmark Tower. Dockyard Garden dipuntetepaken dados Aset Budaya Wigati Jepang nalika wulan Desember 1997.[7]

Fasilitas[sunting | sunting sumber]

  • Lantai pengamatan Sky Garden: lantai 69 (272 m)
  • Lantai paling dhuwur (lantai 70): Sky Lounge (ruang resepsi hotel)
  • Yokohama Royal Park Hotel: basemen 1, lantai 1, lantai 49-68, lantai 70, lantai 1-4 (ruang resepsi)
  • Kantor-kantor: lantai 1-48
  • Klinik: lantai 7
  • Fasilitas umum utawi ruang pamèr: sapérangan basemen 1-lantai 35
  • Landmark Plaza: basemen 2-lantai 5 (gedung plaza)
  • Landmark Hall: lantai 5 (gedung plaza)
  • Dockyard Garden: basemen 2-lantai 1
  • Papan parkir: basemen 3-basemen 1

Cathetan suku[sunting | sunting sumber]

Pirsani ugi[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Yokohama Landmark Tower ing Wikimedia Commons.


Records
Sing mengku  sadurungé:
Gedung Pemerintah Metropolitan Tokyo No. 1
Gedung tertinggi di Jepang
296 m (970 kaki)
1993–sekarang
Diganti déning:
-